Центар за усогласување со прописите и интегритет на НЛБ Банка го зајакнува својот тим на успешни професионалци и нуди можност за работење во Сегментот за спречување на перење пари.

Доколку имаш желба и амбиција да се приклучиш на АМЛ тимот и заедно да ги споделуваме предизвиците на работењето на сегментот на заштита од перење пари и финансирање тероризам, те мотивираме да се пријавиш на отворената работна позиција:

Лице за контрола на усогласеност на работењето
на Банката со прописите
Сегмент за спречување на перење пари

Улога во тимот:

• Следење и тестирање на ризиците од неусогласеноста на работењето на Банката со прописите;
• Анализа од аспект на примената на правилата и обврските кои произлегуваат од Законот за спречување на перење пари и Законот за рестриктивни мерки;
• Развој и имплементација на мерки за намалување на ризикот од перењето пари;
• Подготовка на интерни акти и контрола на примената на интерните акти за примена на регулативата за спречување на перење пари и финансирање тероризам;
• Вршење анализа на сомнителни трансакции и подготвување на извештаи за сомнителни трансакции;
• Учество во едукација на вработените во Банката;
• Континуирано и ефикасно советување на Менаџментот на Банката.

Потребни квалификации и компетенции:

• Универзитетско образование;
• Работно искуство од минимум 2 години во сегментот за спречување на перење пари;
• Добро познавање на регулативата за спречување на перење пари и финансирање тероризам;
• Високо ниво на пишуван и говорен англиски јазик;
• Желба и ентузијазам за учење.

Мотив да се придружите на НЛБ тимот:

• Препознатлив регионален бренд и современо работно опкружување;
• Меѓусебната доверба и грижа за другиот се основни начела во работењето;
• Напредна обука и индивидуален кариерен развој; менторство од врвни банкарски експерти;
• Позитивна организациска култура базирана на флексибилно работно време и слободни денови за различни пригоди;
• Континуирано учество во групациски корпоративни проекти;
• Конкурентен пакет на плата и надоместоци (вклучително приватно здравствено осигурување и трет пензиски фонд).

* Ќе се цени доколку потенцијалниот кандидатот има сертификат за работа со класифицирани информации степен “Доверливо”.

Потврди го твојот интерес со доставување на мотивациско писмо во кое ќе ги образложиш амбициите, мотивите и начините на придонес на наведеното работно место како и кратка биографија (CV) најдоцна до 16.02.2024 година на: NLBKariera@nlb.mk, со назнака за Лице за контрола на усогласеност на работењето на Банката со прописите.