Connect with us

Сметки

Шпаркасе Банка Македонија му посака добредојде на КД Фондови

Објавено

на

Шпаркасе Банка Македонија почнувајќи од 20.10.2017г. ги презеде активностите на депозитарна банка на инвестициските фондови со кои управува КД Фондови АД Скопје. По добиеното одобрение од Комисијата за хартии од вредност на Р. Македонија, Шпаркасе Банка Македонија стана депозитарната банка на инвестициските фондови КД БРИК, КД НОВА ЕУ, КД ТОП БРЕНДОВИ и КД КЕШ ДЕПОЗИТ.

Банката во изминатите години посветено ја развиваше понудата на финансиски и нефинансиски производи и услуги и создаде широко портфолио на т.н. „финансиски супермаркет“, каде што граѓаните и компаниите на едно место можат да ги добијат потребните услуги од банкарското работење, лизингот, осигурувањето, а отсега и за инвестициските фондови.

КД Фондови е дел од меѓународната финансиска групација KD Group, која поседува 25-годишна традиција во управувањето со средства, преку една милијарда евра пазарна актива и 29 инвестициски фонда под управување. Во Македонија сме присутни од 2008-ма година и нудиме дисперзирано портфолио од фондови, чии инвестициски политики се креирани за да одговорат на потребите на различен профил на вложувачи – од традиционалните штедачи, па сѐ до софистицираните институционални инвеститори. Соработката со Шпаркасе банка како институција трае речиси десет години. Со одлуката да им ја доделиме одговорноста за “чување” на средствата на фондовите со кои управуваме, ја искажуваме нашата верба и посветеност за понатамошен развој на партнерскиот однос. Користејќи ја деловната мрежа, стручниот тим и репутацијата на реномираниот партнер, очекувањата ни се да се доближиме до граѓаните и фирмите, овозможувајќи им поголема информираност за нашите продукти, како и за бенефитите од вложувањето во фондови” – изјави м-р Лазе Камчев, главен извршен директор на КД Фондови АД Скопје.

Со КД Фондови АД Скопје соработуваме повеќе години, на локално и групациско ниво. Имајќи ги во предвид развојните трендови кај нив и кај нас, оваа година го подигнуваме нивото на соработка и во делот на услугата депозитарна банка за нивните отворени инвестициски фондови. Во овој дел, можеме да кажеме дека и во идниот период ќе продолжиме со проширување на соработката во други сегменти кои се од важност и за двете финансиски институции. Само да потсетиме, со основањето на новата Дирекција за услуги со хартии од вредност, Шпаркасе Банка во изминатиот период ги имплементираше сите услуги со хартии од вредност кои се предвидени со домашната регулатива. Со ова на нашите клиенти им овозможивме користење на сите услуги во делот на хартиите од вредност и финансиските пазри на едно место.“ – изјави директорот на секторот за управување со средства, г. Петар Трпески.

 

Шпаркасе Банка посветено работи на создавање нови, иновативни современи банкарски производи за своите корисници, како потврда на својот имиџ за модерна банка и традицијата за стабилност и доверливост, веќе потврдена во регионот. Шпаркасе Банка Македонија АД Скопје е дел од Шпаркасе и Ерсте Групацијата, која се состои од 47 штедни банки и која бележи речиси 2 века постоење на финансискиот пазар во Р. Австрија. Воедно таа е една од најсилните банкарски групации во Европа, која со својата долгорочна стратешка ориентација кон регионот на Западен Балкан придонесува и Шпаркасе Банка Македонија да претставува доверлив партнер за своите клиенти. Зaедно со другите банки-ќерки во Австрија, Хрватска, Србија, Босна и Херцеговина, Словенија и во Црна Гора, таа е дел од најсеопфатните банкарски мрежи во регионот – Штаермеркише Шпаркасе Групацијата, која со својата билансна сума од 14 милијарди евра, 6.400 вработени и 500 експозитури и регионални центри опслужува околу 2,5 милиони клиенти во овие земји од регионот на Југоисточна Европа.

 

Сметки

Намалени провизиите за трансфер на пари

Објавено

на

Брзиот трансфер на пари е услуга која се почесто се користи во нашата земја, но за голем број граѓани е сеуште нова и непозната. Малку познато е дека средствата испратени преку брз трансфер се достапни веднаш по испраќањето, како и дека може да се подигнат од било која локација во назначената земја. Постапката е едноставна и не одзема повеќе од неколку минути а потребен е само важечки документ за идентификација и податоциv на примачот. (more…)

Продолжи со читање

Домашни банки

Стопанска банка АД Скопје воведува надоместоци на девизни сметки на правни лица

Објавено

на

Стопанска банка АД Скопје ги известува клиентите дека од 01.07.2018 година воведува надоместоци на девизни сметки на правни лица-резиденти и нерезиденти. (more…)

Продолжи со читање

Сметки

Осигурување на пречекорување на сметка од Охридска Банка

Објавено

на

Охридска банка во соработка со осигурителната компанија Граве, Ви овозможува осигурување на пречекорување на сметката.

Во случај на осигурен настан, осигурителната компанија ќе ги подмири обврските од пречекорувањето на Вашата сметка кон Банката.

Покриени ризици:

  • смрт како резултат на несреќа и на болест;
  • трајна и целосна загуба на способноста како резултат на несреќа.

Начин на плаќање:

  • Премијата изнесува 0,37 ЕУР месечно, фиксен износ пресметан во денарска противвредност според средниот курс на денот на месечните пресметки;
  • Премијата се пресметува и се наплатува на месечна основа од трансакциската сметка на клиентот.

Клучни предности:

  • поголема сигурност – осигурувањето на пречекорувањето овозможува посигурна иднина, бидејќи знаете дека сте заштитени ако се случи нешто непредвидено;
  • заштита на семејството од оптоварување со долгови на најблиските;
  • брзо и лесно аплицирање – одобрување во рок од еден ден;
  • едноставен начин на плаќање – месечна наплата директно од трансакциската сметка на клиентот;
  • иновативна услуга како дел од банкарските продукти за првпат на пазарот.

Како да аплицирате?

Во која било експозитура на Охридска банка, членка на Групацијата „Сосиете женерал“.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange