Connect with us

Домашни банки

Халкбанк АД Скопје добитник на наградата „Најдобра Банка за МСП во Македонија за 2017“

Објавено

на

Светскиот водечки магазин Global Banking & Finance Review на Халкбанк АД Скопје ѝ ја додели наградата за „Најдобра Банка за мали и средни претпријатија во Македонија за 2017 година“. 

Global Banking & Finance Review е водечки онлајн и печатен магазин што е основан како резултат на зголемената потреба за објективно информирање и обезбедување квалитетни, навремени и независни информативни вести во рамките на финансиската заедница. 

 

Искусните соработници на овој магазин го обезбедуваат овој квалитет и вршат детални анализи, снабдувајќи ги големите играчи и клучните фигури со најнови информации во рамките на финансискиот сектор.

 

Прогласувањето на Халкбанк АД Скопје за најдобра Банка за МСП во Македонија за 2017 година е уште една потврда за квалитетот на услугите што ги нуди Банката, и нејзиниот придонес во обезбедувањето соодветна поддршка за еден од најзначајните двигатели на економскиот развој на една земја, малите и средните претпријатија. 

 

 

Прогресивната и успешна маркетинг-стратегија што Банката ја спроведува низ годините придонесува за континуиран раст на кредитното портфолио на МСП и корпоративни кредити, при што во 2016 година износот на вкупно исплатени кредити на компании достигна 271,2 милиони евра со услужени вкупно 1.215 компании. Од оваа бројка, 48 се големи корпоративни клиенти со исплатени кредити во вкупен износ од 125,6 милиони евра, а останатите 1.167 се мали и средни претпријатија со исплатени кредити во вкупен износ од 145,6 милиони евра. 

 

Секојдневните активности на Банката, па и стратешките планови се водени од целта за поттикнување на помошта и поддршката на македонската економија, обезбедувајќи средства и ресурси за продуктивна Македонија. За тоа говорат и многубројните изградени односи со меѓународни финансиски институции преку кои Банката обезбедува развојни фондови за поддржување на националната економија. Благодарејќи на долгогодишната соработка со најголемите меѓународни финансиски институции, Халкбанк АД Скопје користи повеќе кредитни линии што имаат различна наменска и развојна цел. 

Во соработка со МБПР, Халкбанк обезбедува две кредитни линии за финансирање на потребите за основен и обртен капитал на малите и средните претпријатија регистрирани во РМ и приоритетни проекти, како што се: кредитната линија од Европската инвестициона банка (ЕИБ) и KFW. Преку Европската банка за обнова и развој (ЕБОР), Халкбанк обезбедува поволни средства за правни лица со трговско-финансиски трансакции (увоз-извоз на трговска стока).

 

Од друга страна, пак, како резултат на долгогодишната соработка со Европскиот фонд за Југоисточна Европа (ЕФСЕ), Халкбанк АД Скопје нуди соодветно структурирани производи за финансирање инвестициски проекти на малите и средните претпријатија, како и производи за домување, наменети за население.

 

 

 

 

Како општествено одговорна компанија, која се грижи за животната средина, Халкбанк во соработка со ГГФ фондот на македонскиот пазар обезбедува средства со поволни услови за финансирање на еко-проекти, односно проекти од областа на енергетската ефикасност и обновливи извори на енергија. Еко-кредитните производи се од огромно значење за зачувување на животната средина. Тие се користат за финансирање енергетско ефикасни проекти во македонските компании и македонските домаќинства со цел постигнување помала потрошувачка на енергија, како и за инвестиции во земјоделството.

 

Сите овие информации и бројки говорат за успешноста на Банката и ја потврдуваат визијата на Банката „да биде регионална водечка банка за МСП што е способна да ги изврши сите барања на универзалното банкарство додека афирмира силно присуство во услугите во доменот за население“.

 

Паралелно со овие активности, Халкбанк континуирано вложува во насока на подобрување и олеснување на услугите за граѓаните. Инвестициите во изминативе години се состојат од инвестиции во бесконтактна технологија, инвестирање во комплетно ново електронско банкарство и мобилно банкарство за физички и правни лица, онлајн аплицирање, инвестиција во ЕРП-систем и многу други процеси, со цел поедноставување на секојдневните банкарски трансакции за клиентите, притоа обезбедувајќи високо ниво на безбедност.

 

Оваа награда ќе биде дополнителен поттик за Халкбанк АД Скопје да продолжи да работи како професионален партнер на корпоративните и малите и средните претпријатија во земјата и да продолжи да работи во насока на зголемување на задоволството на клиентите. Ние, како Банка, секогаш сме достапни за нашите клиенти. Заедно со нашиот стручен и посветен тим, и силниот систем на управување во Банката, продолжуваме да ги прошируваме односите со МСП и корпоративните клиенти и заедно да развиваме нови можности.

 

 

 

Домашни банки

ОТП банка не е соодветен купувач на Охридска банка!

Објавено

на

Преземањето на Охридска банка Сосиете Женерал, како и воопшто продажбата на подружниците на Сосиете Женерал во регионот е топ тема во банкарските кругови изминатиот период.

Иако претходно најавивме дека ОТП Банка бара соодветен модел за преземање на Охридска банка, сепак до таква трансакција нема да дојде. Неофицијално се коментира дека високи функционери во оваа унгарска банка биле вмешани во афери со перење на пари, што за НБРМ ги прави неповолен инвеститор за во Македонија. Официјалната причина сепак е дека рејтингот на ОТП група не е соодветен за преземање на подружница која припаѓа на Сосиете Женерал, која е мошне моќна групација.

Претходно, НБРМ обелодени дека дозвола за купување на Охридска банка ќе биде дадена само на купувач кој е на ист или повисок ранг од Сосиете Женарал. 

Дека Сосиете Женерал си заминува од балканот, а Охридска банка си заминува од Македонија е повеќе од јасно. Периодот што следи останува да се види која групација ќе биде официјалниот купувач.

Следува повеќе…

Продолжи со читање

Домашни банки

БАНКИТЕ ГО ПРОМЕНИЈА ИМЕТО НА ДРЖАВАТА, НАСКОРО ДОКУМЕНТИ СО РЕПУБЛИКА СЕВЕРНА МАКЕДОНИЈА

Објавено

на

Меѓуресорска работна група за извршување на обврските од конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената спогодба од 1995 година и за воспоставување на стратешко партнерство меѓу страните излезе со соопштение од одржан работен состанок.

На првиот состанок беа донесени следните одлуки во врска со потребните мерки и активности за извршување на обврските на Република Северна Македонија по влегувањето во сила на Конечната спогодба и Уставните амандмани и Уставен закон на 11 јануари 2019, денес на 12 февруари 2019, со индикативни временски рокови за нивна реализација:

  1. Царинската управа да стави налепници на таблите на граничните премини, државната граница на Република Северна Македонија и на двата аеродроми во Република Северна Македонија, во рок од 3 дена;
  2. Секторот за односи со јавност при Владата на Република Северна Македонија во рок од 7 дена да изработи Книга на графички стандарди со која ќе утврди стандарди за визуелен приказ на уставното име Република Северна Македонија во склоп со државниот грб како лого кое го користат државните институции за јавните табли на влезот од сите институции.
  3. Генералниот секретаријат во рок од 7 дена да изготви софтвер кој ќе ги содржи сите институции од државно и локално ниво, како и димензиите на јавните табли. Промената на сите табли, на централно и локално ниво, да се заврши во рок од 4 месеци.
  4. Сите институции да извршат промена на сите дигитални записи (логoа, меморандуми, електронски комуникации, веб страни, медиуми итн.) во рок од 3 дена.
  5. Сите институции треба соодветно да ги изменат меморандумите, печатените материјали, папките, индикаторите, во рок од 2 недели.  
  6. Министерството за надворешни работи, да ги замени таблите во министерството како и печатите и штембилите во министерството во рок од 2 недели, а во дипломатско-конзуларните претставништва во рок од 3 недели.
  7. Министерството за внатрешни работи да започне со издавање на нови регистерски таблички, во рок од 4 месеци. Во меѓувреме, како преодно решение, МВР ќе обезбеди налепници со ознака „NMK” за регистарските таблички на возилата.
  8. Министерството за внатрешни работи да ги преземе потребните мерки и активности за спроведување на решение во преодниот период до создавање технички претпоставки за издавање на нови патни исправи. Издавањето на нови пасоши да започне од крајот на 2019г. Во преодниот период, Министерството за внатрешни работи при излез од или влез во Република Северна Македонија, во постојните и новоиздадените во преодниот период патни исправи ќе биде ставен печат кој ќе појасни дека патните исправи припаѓаат на Република Северна Македонија.
  9. Народната банка, со оглед на комплексноста на постапката, да направи анализа и план на неопходните активности за постепена замена на банкнотите, со оценета временска динамика, во рамките на редовните нови емисии, водејќи сметка за макроекономската стабилност; првите нови банкноти со новото име на Народната банка би можеле да бидат изготвени на почетокот на 2020 г. и потоа, сукцесивно, да бидат целосно заменети најдоцна во рок од 5 години од отворањето на релевантното ЕУ поглавје.
  10. Сообраќајните знаци на меѓународните патни правци во земјата, давајќи предност на ендонимите (во англиска транскрипција) врз егзонимите (на македонски јазик во кирилско писмо) да се променат во рок од 2 месеци.
  11. Во рок од 6 месеци да се направи преглед и ревизија на статусот на спомениците, јавните згради и инфраструктура и доколку се однесува на античката хеленска историја и цивилизација како дел од историското наследство на Грција, да се преземат соодветни корективни мерки и активности.
  12. Во рок од 6 месеци, да се пристапи кон отстранување на симболот истакнат на поранешното национално знаме од целиот јавен простор и јавна употреба. Археолошките артефакти се изземени.

Согласно донесените Одлуки, банките во предвидените рокови ќе бидат обврзани називот од Република Македонија да го променат во Република Северна Македонија.

На англиски јазик, називот ќе гласи Republic of North Macedonia.

Промените ќе се имплементираат во Договори, Анекси, Дописи, веб страните, email комуникацијата и сите други документи каде се јавува името на државата.

Продолжи со читање

Домашни банки

TТК Банка АД Скопје ги намали каматните стапки на денарските и девизните депозити на физички лица

Објавено

на

ТТК Банка АД Скопје ги намали каматните стапки на денарските и девизните депозити на физички лица што се должи на намалувањето на каматните стапки на благајничките и државните записи. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange