Connect with us

Останато

Третиот национален MOS натпревар е официјално отворен

Објавено

на

Денес во просториите на Град Скопје се одржа прес-конференција на која официјално беше отворен третиот национален МОS натпревар.

MOS (Microsoft Office Specialist) натпреварот е наменет за млади лица на возраст од 13 до 22 години, односно за сите ученици од основните и средните училишта, како и студентите на факултетите. Учесниците на овој натпревар ќе имаат можност да ги покажат своите вештини во познавање на Microsoft Office алатките: Word, Excel и PowerPoint (2013 или 2016). Во првата фаза од натпреварот учениците од цела Македонија се натпреваруваат локално по што најдобрите 40 ученици влегуваат во големото финале од каде што се избрани најдобрите претставници. Победниците на Националниот MOS натпревар ќе се стекнат со можност да учествуваат во Светскиот натпревар Microsoft Office Specialist 2017/2018, во Орландо, Флорида каде што ќе ја претставуваат Република Македонија натпреварувајќи се со претставниците на повеќе од 130 земји од светот.

Натпреварот се одржува трета година по ред во организација на Certiadria, со поддршка од Семос Едукација, Министерството за информатичко општество и администрација, Град Скопје и Општина Центар, како и други општини во Скопје и Република Македонија. Овој проект е отворен за сите организации и поединци кои сакаат да дадат свој придонес во унапредување на дигиталната писменост кај младите.

„Натпреварот ги тестира вештините на сите лица од 13 до 22 години во основните и најупотребуваните Microsoft алатки во светот – Word, Excel и Power Point кои воедно се и трета најбарана вештина од страна на работодавачите, веднаш по читање и пишување. Оваа година го ставаме фокусот на знаењето и истрајноста во подготовките за натпреварот бидејќи покрај меѓународно признатиот сертификат кој го добива секој ученик кој ќе положи еден од испитите, знаењето со кое се стекнува на патот до финалето ќе му помогне во понатамошниот кариерен и образовен развој што директно ќе влијае да нашето општество се движи во вистинска насока.“ – објасни во својата изјава за медиумите директорот на Certiadria, Марко Серафимовски.

Валентина Тасева, партнер во Certiadria и генерален менаџер на Семос Едукација ја објасни потребата од унапредување на дигиталната писменост на младите во Македонија: „Младите луѓе се родени како digital natives. Тие се секојдневни корисници на дигиталните технологии, комуницираат преку социјални мрежи, споделуваат фотографии, се дружат, учат, слушаат музика на интернет, играат на мобилен телефон, но тие престануват да учат дигитални вештини кои би им помогнале во идната кариера, како што се програмирање, или пак најсекојдневно креирање на проекти и презентации. Македонија станува една од земјите каде што приходот од странство во ИТ индустријата расте интензивно, а бројот на млади луѓе кои работат во оваа индустрија не го следи овој раст. Затоа апелирам до училиштата, професорите и родителите да ги охрабрат младите да се пријават на овој натпревар, а организациите и институциите да го поддржат, за заедно да им овозможиме на што е можно повеќе ученици да го проверат и сертифицираат своето знаење.“

На прес-конференцијата свое излагање имаше и министерот за информатичко општество и администрација, Дамјан Манчевски кој ја истакна важноста од вложување во дигиталната писменост на младите во Република Македонија: „Навистина е добро да се види дека успешните компании и глобалните лидери во делот на ИТ индустријата предизвикуваат интерес кај нашите млади луѓе да се натпреваруваат, да ги покажат своите знаења и на национално и на меѓународно ниво и пред сè да се надоградат сами себе. Наша цел како влада, а се надеваме и на поддршката од индустријата во овој дел, е да го промовираме ИТК знаењето како еден од главните начини на кои младите луѓе можат да си обезбедат многу подостоинствен живот тука во Македонија. Има голем недостаток од ИТ кадар и во бизнисот и во администрацијата, а има големи можности за младите кои ќе се образуваат за ИТ индустријата. На сите учесници ќе им посакам голем успех на натпреварот, ја имаат нашата поддршка. Се надевам на победници на меѓународниот натпревар кои ќе се вратат тука да го имплементираат знаењето со коешто ќе се стекнат.“

Градоначалникот на Град Скопје, Петре Шилегов го потврди продолжувањето на соработката на општината со организаторите на натпреварот: „Градот Скопје е официјален партнер на Certiadria во спроведувањето на еден многу важен проект, а тоа е националниот МОС натпревар за унапредување на дигиталната писменост кај младата популација. За таа цел во соработка со средните училишта набавуваме испити со што им овозможуваме на учениците бесплатно полагање и стекнување со светски признаени сертификати. На овој начин во изминатите 2 години Градот Скопје директно поддржа 750 ученици овозможувајќи им бесплатно полагање на овие МОС испити. За следната година е планирано купување на 400 МОС и 100 АСА испити во средните училишта, за што Градот Скопје од својот буџет за 2018 година ќе одвои 680.270 денари. Ова зборува за нашата посветеност и грижа за младите да се стекнат со знаење, а нашата крајна цел е тие да останат во Македонија и да дадат свој придонес за себе, за градот во кој живеат, и за целото општество.“

Останато

Македонска делегација со успех на Светскиот Инвестициски Форум 2019

Објавено

на

На годишаната сесија на Свестскиот Инвестициски Форум на Бизнис Ангели (WBAF), кој се одржува во периодот 17-19 февруари во Истанбул, Турција, Македонската делегација предводена од страна на Сенаторот на WBAF за Македонија, проф. д-р Леонид Наков, како и од министерот д-р Зоран Шапуриќ, задолжен за регулатива за подобрување на инвестициската клима за домашните претпријатија постигна значаен успех.

За прв пат во историјата на македонското учество на овие Форуми на најголемите приватни инвеститори на неформален ризичен капитал, WBAF избра еден македонски иновативен бизнис – PowerAD од Струмица, кој е успешно оценет и селектиран во групата на 50 напредни, конкуренти стат-ап бизниси од целиот свет, а кои на Форумот ќе добијат ексклузивна директна можност за финансирање на сопствената бизнис идеја од многубројните инвеститоти присутни на годинешниот Форум, кои потекнуваат од европските и светски мрежи на бизнис ангели.

„Целосно сме убедени дека овој успех ќе охрабри и многубројни останати македонски носители на иновативни и конкурентни идеи да ги развиваат своите развојни проекти според моделите на WBAF кои поттикнуваат одржлив организациски развој“, изјави Наков.

Ксенија Вангелова, директор на BIC-SR – Регионален бизнис центар за иновации истакна дека голем успех е што стат ап-от PowerAD од Струмица се најде меѓу првите 50 иноватори старт ап бизниси на Светскиот Форум во огромна конкуренција и додаде дека ова е само почетокот на презентирање на македонските иновативни идеи како потенцијал за вложување од инвеститори и можност за раст на македонските претприемачки проекти.

Продолжи со читање

Останато

Еднаш банкар, цел живот банкар

Објавено

на

Успешен банкар со иницијали Б.П., уште пред 8 години се стекнал со правото на целосна старосна пензија, но поради лична желба и финансиски потреби продолжил да работи како банкарски советник и во својата 73-та година од животот.

Тој паралелно примал и пензија и плата како советник, пред од своите пријатели пензионери да дознае дека според Законот за пензиско и инвалидско осигурување, не смее да работи повеќе од пет години, по пензионирањето.

Тој бил поканет, откако официјално го напуштил своето работно место во банката, да остане во Надзорниот одбор, но не му било јасно дали може да ја прифати функцијата ако и дефинитивно замине во пензија. Во банката му објасниле дека должината на стажот сега кога веќе е пензионер, зависи само од неговата здравствена состојба и желба за работа, но “вечниот” банкар сакал да се осигура дека тоа е така.

Банкарот признал дека не е правник и дека не знае сам да го протолкува Законот за пензиско и инвалидско осигурување, но изјавил дека е способен за работа, се додека го држи здравјето и додека има желба за работа. Неговото работно време не е ограничено и не мора да стравува од пазарната инспекција која би можела да го казни работодавачот.

Тој се мотивирал да продолжи да работи, откако прочитал дека хрватските пензионери покренале иницијатива и започнале да работат во локален синџир на продавници за храна по четири часа на ден.

На прашањето колку најдолго пензионерите можат да работат и по пензионирањето и дали постои ограничување во години, Фондот за пензиско и инвалидско осигурување одговори дека не постојат законски ограничувања во однос на траењето на работниот однос на пензионери.

Пензионерите кои имаат желба за работа и по пензионирањето, може без ограничување повторно да се вработат во Договор со работодавачот, а платата ќе им се исплаќа по основ на договор за авторско дело, и тие притоа непречено ќе може да добијат и пензија.

Па така, банкарот кој освен што е пензионер, член е и на Надзорниот одбор на банката, не е обврзан секоја година да аплицира во Фондот на ПИО за да му се издаде потврда за продолжување на работниот однос.

Продолжи со читање

Криптовалути

Symantec предупредува за постоење на скриени апликации кои “копаат” криптовалути

Објавено

на

Компанијата Symantec објави нов безбедносен извештај во кој предупредува за постоење на осум малициозни апликации коишто се пронајдени во склоп на Windows 10 апликацијата во официјалната продавница, Microsoft Store.

Се работи за апликации кои беа објавени во Microsoft Store помеѓу април и декември 2018 година и содржат компонента којашто служи за “копање” на криптовалутата Монеро, а тоа корисниците кои ја инсталирале Windows 10 апликацијата, не го знаеле. Спорните апликации во просек имале и повеќе од 2.000 рецензии, а веројатно и напумпани оценки.

Самите апликации биле претставени како нови интернет пребарувачи, алатки за репродукција на мултимедијални содржини и за преземање содржини од интернет, како и водичи за оптимизација на батериите. Се верува дека зад сите овие апликации стои еден  ист програмер или група на програмери.

По добивањето на деталите за овие малициозни апликации, Мајкрософт веднаш ги повлече од продажба.

Имињата на осумте контроверзни апликации за кои алармира Symantec се:

  1. Fast-search Lite,
  2. Battery Optimizer (Tutorials),
  3. VPN Browser,
  4. Downloader for YouTube Videos,
  5. Clean Master (Tutorials),
  6. FastTube,
  7. Findoo Browser 2019,
  8. Findoo Mobile & Desktop Search.
Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange