Connect with us

Останато

Тевдовски: Во 2018 година може да се очекува значајно повисок економски раст

Објавено

на

Во Министерството за финансии веќе се подготвува буџетот за наредната година. Според министерот Драган Тевдовски во 2018 година се очекува повисок економски раст од годинава.

Веќе работиме на подготовка на буџетот за 2018 година. Ги очекуваме буџетските циркулари на сите буџетски корисници, а потоа ќе влеземе во серија состаноци на кои ќе ги гледаме нивните потреби и нивните гледања. Во моментов работиме и на прецизирање на макроекономските проекции. Многу е важно што во 2018 година може да се очекува значајно повисок економски раст од годинава, а во поглед на буџетскиот дефицит нашата намера е дежавата да троши со цел економијата да излезе од онаа ниска економска активност“, изјави министерот во интервју за Сител.

 

Според него, и следната година ќе се кратат непродуктивнтие трошоци, со цел, како што вели, да се даде шанса на оние продуктивни активности што ќе имаат мултипликативен ефект и ќе ја движат економијата.

 

Тевдовски смета дека проектираниот раст за годинава е реално остварлив, на што укажуваат податоците од индустриското производство кое има раст во мај и јуни и повисоките стапки на кредитирањето и штедењето.

 

Кондицијата на буџетот се подобрува. Бруто приходите од ДДВ, тоа што најмногу го полни, се зголемија во јули. Буџетот навремено си ги сервисира обврските кон граѓаните и фирмите. Многу е важно што ние неселективно и колку е можно побрзо го враќаме повратот на ДДВ кон фирмите. Вратени се 3,9 милијарди денари во месеците јуни и јули годинава, а минатата година во истиот период се вратени 2,2 милијарди денари. Тоа значи дека се враќа многу поголема ликвидност кај фирмите за тие потоа да ја придвижат економијата“, истакнува министерот за финансии.

 

Очекува дека и проектот за зголемување на минималната плата ќе влијае на раздвижување на економијата.

 

Со ребалансот се предвидени месечно по 90 милиони денари за поддршка на работодавачите за зголемување на минималната плата. Тоа ќе значи државата да даде поддршка на 70 илјади вработени за зголемување на нивната плата. Тоа згоелмување ќе оди во многу семејства кое потоа ќе оди во потрошувачка и ќе ја движи економијата“, посочи министерот Драган Тевдовски.

 

Останато

Златото ќе не спаси ако има нова криза

Објавено

на

САД ја почнаа најголемата трговска војна во историјата и тоа со Кина, при што се очекува дека ќе има нова светска криза. Оваа криза која се заострува ќе има последици за секој граѓанин од секој дел на светот. Ова се случува во време кога неколку години по ред светската економија има раст.

Америка може светот да го втурне во рецесија, а инвеститорите веќе купуваат злато. Може да дојде до потопување на берзите и затоа парите се под ризик.

Се советува дека секој форма на штедење од пари на хартија е добро решение. Се наведува дека еврото и доларот се печатат секој ден без покритие и затоа нивната вредност паѓа.

Златото со години има позитивни резултати, и неговата цена скока. Ако пред 2000 години чинело 400 долари, денес унца е 1300. Цената на златото расте побрзо од инфлацијата и на тој начин се чува куповната моќ.

Злато се купува масовно во Германија, Австрија, Англија и Швајцарија.

Годишното производство на злато е ограничено на 2500 тони. Трошоците за експлоатација се високи, и шансите за поголемо производство се мали.

Продолжи со читање

Криптовалути

Биткоинот повторно јакне

Објавено

на

Криптовалутите денес продолжиле да јакнат. Биткоинот, прв пат од јуни, ја проби границата од 7 500 долари, според анализата на Блумберг.

Најпопуларната дигитална валута на почетокот на тргувањето пораснала за дути 3,1%, на 7 543 долари, а нешто подоцна тој раст спласнал на 0,8% во Лондон, според пресметките на агенциите.

Ривалските валути, како рипл, етерум и лајткоин, забележале мешовити резултати, но воглавно ги задржале добивките остварени ден порано.

И покрај најновото јакнење, вредноста на биткоинот и понатаму е за 30% пониска од историскиот рекорд, забележан во декември минатата година.

Продолжи со читање

Останато

Претседателот на КХВ м-р Нора Алити учествуваше на состанокот на Советот за развој на пазар на капитал

Објавено

на

Претседателот на Комисијата за хартии од вредност на Република Македонија  М-р Нора Алити на 16 јули, 2018 година учествуваше на работниот состанок на Советот за развој на пазар на капитал што се одржа во Министерството за финансии.

Со Советот за развој на капитал претседава министерот за финансии Драган Тевдовски, можноста за воведување  на краудфандинг како начин за финансирање во Македонија  беше една од темите за кои се дискутираше  на Советот.

Како што беше истакнато , примената на краудфандинг, односно концептот на прибирање на средства од поголем број инвеститори за финансирање на компании, ќе придонесе за поголем и полесен пристап до капитал за малите и средни претпријатија, особено за стартапите. Инаку, веќе постојат успешни примери за краудфандинг во регионот, како Хрватска, која преку естонска платформа успешно собира средства за инвестиции во проекти.

На Советот беше посочено дека краудфандингот е значаен и од аспект на тоа што друштвата кои бараат средства мора да имаат регистрирано компании, како и дека финансирањето се одвива преку банкарските канали.

Во Советот за развој на пазарот на капитал, членови се гуверенерот на Народната банка Анита Ангеловска-Бежоска, министерката за труд и социјална политика Мила Царовска, министерката без ресор Зорица Апостолска, министерот за економија Крешник Бектеши, претседателите и директорите на регулаторните тела – на Комисијата за хартии од вредност, на Агенцијата за супревизија на осигурување, на МАПАС и на Македонска берза.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange