Connect with us

Форекс

Србија очекува законска регулатива за криптовалутите

Објавено

на

Никола Корбар, директорот на Центарот за економски истражувања Белград, на предавање на тема ,, Биткоин- нова валута или шпекулативен балон” истакна дека по примерот на Европската Унија, се очекува и Србија наскоро да донесе законска регулатива за криптовалутите.

Тој смета дека вложувањето во Биткоинот како најпозната криптовалута, до сега се покажало како исклучително исплатливо, но дека мора да се биде внимателен при истото. Според него, луѓето треба да вложуваат во криптовалутите онолку пари колку што се подготвени да изгубат, а не да ги продаваат своите станови и се што имаат за да ја исполнат инвестицијата.

Корбар, повикувајќи се на неодамнешно истражување, додава дека повеќе од 90% од Биткоинот се сопственот на 4,5% од луѓето кои имаат вложено во оваа валута. Тоа значи дека една многу мала група го поседува најголемиот дел од Биткоинот. ,,Доколку тие се договорат да ја срушат цената на Биткоинот, ќе го направат тоа”- вели Корбар.

За него, тврдењето дека кога се работи за Биткоинот станува збор за финансиски балон или пирамидална шема е премногу строго. Тој вели дека не треба да се прави непотребен ѕид кон користењето на криптовалутите, но и дека не треба неразмислувајќи луѓето да ги вложуваат сите свои пари во ваков вид на инвестиции.

 

 

Форекс

Годишниот промет на Македонска берза со пораст од 56,7% во 2017 година

Објавено

на

Македонска берза го објави Годишниот статистички билтен според кој прометот остварен за 2017 година изнесува 4.738.444.919 денари или 56,7% повеќе во однос на 2016 година кога изнесувал 3.023.394.172 денари.

Класичното тргување опфаќа најголем дел од прометот, односно 2.907.809.921 денари, потоа блок трансакциите 1.817.744.356 денари и јавните берзански аукции 12.890.642 денари.

Според податоците бројот на трансакциите изнесувал 16.045 што е за 25.7% повисок од 2016 каде се рализирале 12.765 трансакции.

Пазарната капитализација во 2017 година изнесуваше 136.338.756.416 денари и е повисока за 17,8% во однос на 2016 година кога изнесувала 115.710.274.852 денари.

Најтргувани акции на официјалниот пазар во 2017 година се акциите на Комерцијална банка, Алкалоид АД Скопје, НЛБ Банка АД Скопје, Стопанска банка АД Скопје, Макпетрол АД Скопје, Гранит Скопје, Македонијатурист Скопје, Охридска банка, ТТК Банка Скопје и УНИ Банка Скопје.

Годишниот статистички билтен на Македонска берза, за периодот од 01.01 – 31.12.2017 година можете да го погледнете на линк.

Продолжи со читање

Форекс

Јужна Кореја ги забранува криптовалутите

Објавено

на

Јужна Кореја планира целосно со закон да ги забрани криптовалутите вклучувајќи го и Биткоинот поради несигурноста која ја создаваат истите.

Биткоинот и уште неколку криптовалути се соочија со пад на вредноста, кај некои од нив дури и од 10%, и во овие моменти веднаш се поставува прашањето каква врска има тоа со одлуката донесена во Јужна Кореја. Во меѓувреме, неколку процеси на тргување во Сеул оваа година, се под истрага поради затајување на данок.

Во Јужна Кореја многу мал број на луѓе поседуваат и тргуваат со криптовалути. Моментално, таму се подготвува законодавство кое во целост ќе стави клуч на ваквиот тип на размени. Една од најголемите берзи за продажба и купување на Биткоини, јужнокорејската берза Bithbumb неодамна беше цел на хакерски напад. Bithbumb е една од најголемите и најпрометните Биткоин берзи на светот, а овој случај само докажа дека порастот на вредноста на криптовалутите предизвикува интерес и внимание не само од купувачите и продавачите туку и од хакерите.

Владата на Јужна Кореја и претходно произлезе со најави дека ќе врши поинтензивен мониторинг на тргувањето со криптовалутите, во ова вклучувајќи ги и потезите за откривање на идентитетот на трговците.

 

Продолжи со читање

Форекс

Ворен Бафет: ,,Со сигурност тврдам дека дигиталните валути ќе завршат лошо”

Објавено

на

Мислењата околу вредноста и инвестирањето во Биткоинот остануваат поделени дури и кога станува збор за најбогатите и најмоќните луѓе во светот.

Веднаш откако директорот на банката ,,ЈП Морган Чејс”, Џејми Дајмон, изјави каење што Биткоинот го нарекол измама и дека неговата моментална позиција го докажува токму спротивното, американскиот милијардер и инвеститор Ворен Бафет, изјави дека никогаш нема да инвестира дел од своите пари во криптовалути.

„Можам да тврдам со сигурност дека дигиталните валути ќе завршат лошо“, додава Бафет во интервју за СиЕнБиСи.

Биткоинот не ги разбранува само мислењата на најбогатите, тој влијае и на светот на инвестициите со неговата константа флуктуација. Во еден момент Биткоинот ја надмина вредноста од 19 илјади долари.

Последниот негов пад од 3% го симна на вредност од  околу 13.980.

Дали навистина ќе заврши приказната наречена Биткоинот и каков би бил нејзиниот крај, останува да видиме.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange