Connect with us

Криптовалути

Специјална истрага се води против пирамидалната измама OneCoin

Објавено

на

OneCoin беше една првите криптовалути која стана хит на Балканот пред нешто повеќе од две години кога многу корисници, вклучувајќи и македонски граѓани решија да вложат пари со суми од 50 евра па нагоре. Сепак, долгите години на чекање за официјализирање на оваа дигитална валута ги крена алармите на истражните органи.

Специјалниот јавен обвинител од Бугарија исто така се вклучи во истрагата против OneCoin врз основа на сомнежи дека станува збор за пирамидална измама која може да оштети голем број на инвеститори. Канцелариите на OneCoin во Софија веќе беа под рација на бугарската полиција по налог на СЈО и се очекува покренување на обвинение.

Истрагата е интернационална и во неа се вклучени повеќе органи од европски држави меѓу кои и Германија со координација преку Европол. Еден од основачите на OneCoin Ружа Игнатова веќе се соочува со обвиненија за измама во Индија.

На сите македонски инвеститори кои вложиле пари во OneCoin им советуваме да преземат соодветни мерки пред домашните истражни органи.

Текстот е преземен од Фактор.

Криптовалути

Биткоинот повторно јакне

Објавено

на

Криптовалутите денес продолжиле да јакнат. Биткоинот, прв пат од јуни, ја проби границата од 7 500 долари, според анализата на Блумберг.

Најпопуларната дигитална валута на почетокот на тргувањето пораснала за дути 3,1%, на 7 543 долари, а нешто подоцна тој раст спласнал на 0,8% во Лондон, според пресметките на агенциите.

Ривалските валути, како рипл, етерум и лајткоин, забележале мешовити резултати, но воглавно ги задржале добивките остварени ден порано.

И покрај најновото јакнење, вредноста на биткоинот и понатаму е за 30% пониска од историскиот рекорд, забележан во декември минатата година.

Продолжи со читање

Криптовалути

Биткоинот продолжува да расте заради BlackRock

Објавено

на

Криптовалутата со најголема пазарна капитализација се тргуваше по цена со над 5% повисока во споредба со претходниот ден при ниво од околу 6,705.84 околу 9 часот.

Биткоинот поскапува и денес, продолжувајќи го растот од претходниот ден, кој беше предизвикан од веста дека гигантот во управувањето со средства „BlackRock“ формирал работна група која ќе ги испитува криптовалутите и „блокчејн“ технологијата.

Цените на етериум и рипел, втората и третата криповалута по големина на пазарната капитализација, исто така, објавија зголемувања. Етериумот се зголемува за речиси 5,5%, додека рипел се зголемува за повеќе од 6%.Лондонското издание „Financial News“ излезе прво со веста која ја потврди главниот извршен директор на „BlackRock“, Лари Финк, а потоа ја потврди за „Reuters“. „Ние сериозно ја проучуваме „блокчејн“ технологијата“, вели Финк. Според него, сепак, не постои „голема побарувачка за криптовалутите“.Финк во минатото го изрази своето негативно мислење за биткоинот, нарекувајќи ја криптовалутата „индекс за перење пари“.

Работната група на „BackRock“ не е нова и постои од 2015-та година, според извор на „CNBC“.

Многу индустриски експерти сметаат дека зголеменото вклучување на институционалните инвеститори во криптовалутите ќе ја зголеми довербата.„Сето ова дефинитивно доведе до некоја возбуда“, вели Мати Гринспен, висок аналитичар на „eToro“. „Идејата за доаѓањето на големите институционални компании на пазарот на криптовалути не е нова, а е тренд кој гледаме да собира сила од ноември“.

Минатата година „CME Group“ и „CBOE“, започнаа трговија со биткоин фјучерси, засилувајќи ги надежите за влегувањето на институционалните инвеститори на пазарот. Виртуелните валути се предмет на сомневање поради високата нестабилност на пазарот. Биткоинот поскапе до 20.000 долари на крајот на минатата година, но потоа цената на валутата и обемот на трговија се намалија значително.Финансиските регулатори ширум светот се загрижени за шпекулативната природа на криптовалутите и нивната можна употреба за нелегални активности. Кина и Јужна Кореја ги забранија т.н. „ICO“, при кои стартап компаниите започнуваат да собираат пари преку нудење на свои виртуелни валути.

Продолжи со читање

Криптовалути

Криптовалутите сеуште влеваат доверба

Објавено

на

“Хаш стапката” претставува степенот на вкупното ископување на криптовалути. Таа се зголеми за 155% од почетокот на годината.

Според наводите на сајтот Cryptoslate, главната причина за зголемување на хаш – стапката е дека секоја блок награда од 12,5 биткоини е во вредност од околу 78.000 долари, па така крипторударите се и понатаму мотивирани да видат колку може да заработат на овој начин. Овие големи награди, сепак, нема да траат вечно. Се очекува наредно преполовување на вредноста на наградта да се случи на 25 мај 2020 година, а вредноста ќе се намали на 6,25 биткоини по блок, или околу 39.000 долари по тековни цени. Ова значи дека рударите моментално брзаат да направат колку што е можно повеќе биткоини.

Иако ентузијазмот околу биткоинот и другите криптовалути полека се намалува, екстремни оптимисти сеуште има. Инвеститорот Тим ​​Драпер (кој инвестираше во Тесла, Skype и Hotmail) сугерираше дека биткоинот ќе вреди 250 000 долари до 2022 година. Џек Дорси, шеф на Твитер, еднаш сугерираше дека биткоинот би можел да стане единствена глобална валута за само 10 години.

 

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange