Connect with us

Лични финансии

Совети за успех од Џек Ма ( прв дел )

Објавено

на

Го започнал својот бизнис со влог од 20 илјади долари. Неговата сопруга и пријателите му помогнале  да го развие. Тој е првиот претприемач од Кина кој се нашол на страниците на Forbes. Денес Џек Ма е најбогатиот човек во Кина и 18тиот најбогат човек во Светот со богатство кое се проценува на околу 29,7 билиони долари. Основачот на Алибаба со важни совети за успех кои треба да се почитуваат.

  • Навикни се да бидеш одбиен. 

Патиштата кои треба да ги изодиш за да те однесат до успехот никогаш не се лесни. Џек Ма ја раскажува својата приказна кога тој научил и прифатил да биде одбиен. Ги прифаќал своите неуспеси, бил одбиван од различни универзитети, 30 пати аплицирал за работа и сите 30 пати бил одбиен. Во времето кога KFC прв пат дошол на пазарот во Кина аплицирал за работа таму. Од 24 кандидати 23 ја добиле работата. Единствениот кој бил одбиен бил тој. Точно 10 пати аплицирал на Харвард, но секој пат бил одбиен. Единственото што го помислувал во тие моменти било: ,, Еден ден треба да дојдам да предавам на овој универзитет’’.

  • Не ги запоставувај своите соништа. Еден ден би можеле да се исполнат

Џек Ма вели дека тие имаат таен код за успех во Алибаба. Нивниот код е ,,open sesame’’ кој освен значењето на успех ја пренесува и симболиката од приказната со Алибаба и 40 те разбојници. Како што е тоа кодот на успех на Алибаба тој смета дека кодот за успех се наоѓа во секој од нас и дека најважно е  луѓето е да ги одржуваат своите соништа бидејќи еден ден, тие навистина може да се остварат. 

  •  Игнорирајте ги ,,малите луѓе’’

,,Во времето кога ја создадов мојата идеја за Alipay луѓето ми велеа дека е најглупава идеја која ја слушнале од мене’’ – вели Џек Ма. Додека секој за момент би се посомневал во сопствената идеја после ваквите коментари, тој умешно ги игнорирал мислењата на другите одвраќајќи им: ,, Не е важно дали идејата е глупава или паметна се додека луѓето ја користат’’. Денес Alipay ја користат од преку 800 милиони корисници.  

  •  Сакајте го вашиот живот

Џек Ма смета дека луѓето се родени за да уживаат и да прават добри работи едни на други , а не за да го посветат својот живот на работа. Суштината на животот е во искусување на Светот и помагање на луѓето, а успехот е она кое ќе дојде пропратно. Доколку првичната ваша цел се само парите тој вели дека мора да го смените вашите мисли. 

  •  Не создавајте непријатели

Една од уникатните филозофии на Џек Ма која што ја применува и во своето бизнис работење е идејата за пријателска конкуренција. Тој не ги гледа своите конкуренти  како непријатели, туку напротив, како пријатели од кои што може многу да научи и кои што го предизвикуваат да го користи својот потенцијал. Тој вели дека како во работата така и во животот, секој човек треба да го гледаме како можност и лекција и да заборавиме на непријателите.

  • Покрај вас ви требаат вистинските луѓе, не најдобрите

Во почетоците на својот бизнис тој вели дека луѓето кои му помогнале биле неговата сопруга и најблиското семејство и пријатели. Започнал бизнис со само неколкумина луѓе, но како што вели тој империјата која ја поседува денес се должи на вистинскиот избор кој го направил. Тој не ги барал најдобрите луѓе за да го развиваат неговиот бизнис само ги барал вистинските. Оние покрај кои тој ќе биде најдобрата верзија од себе и кои се подготвени да му пружат безрезервна поддршка во сите моменти. 

  • Никогаш не се откажувајте

Веројатно животот ќе ви задава многу удари. Дури и откако ќе научите да бидете одбиени по советите на Џек Ма, повторно ќе наидете на некое искушение. Најважното во тие моменти е да не се откажувате. Сите велат дека утре е нов ден. Џек Ма вели дека утре ќе биде и полошо од денес. Сите работи поминуваат само некогаш не толку брзо. На вас останува да се борите. Не се откажувајте. Утре ќе биде полошо, но веќе задутре ќе има сонце.

 

Лични финансии

На што ја трошиме платата?

Објавено

на

Парите што влегуваат во домаќинствата најчесто се од плата или пензија, а освен за храна, комуналии и домување, граѓаните се повеќе пари трошат на отплата на кредитите. Според најновите податоци кои се однесуваат за 2017 година, секое домаќинство троши за кредитни рати, дури 4% од вкупните месечни примања, во просек. Овој процент расте од година в година што упатува секако на зголемената задолженост на македонските домаќинства.

Податоците од Државниот завод за статстика кои ги обработи и Народната банка во најновиот извештај покажуваат дека ако се анализираат приливите, расположливите парични средства на домаќинствата во најголем дел се однесуваат на редовни и повремени примања од работен однос и старосни, инвалидски и семејни пензии. Значително помал дел зафаќаат примањата од постојани или повремени хонорарни активности и нетопримањата од земјоделството.

Инаку соодносот помеѓу употребените и расположливите пари на домаќинствата во 2017 година е речиси непроменет и веќе втора последователна година искористените не ги апсорбираат во целост расположливите парични средства, што создава простор за остварување повисоки заштеди.

 

Продолжи со читање

Лични финансии

Банкарите од Вол Стрит и нивните “мали„ плати

Објавено

на

Една од големите причини зошто многу луѓе сакаат да работат на Вол Стрит е што платата е прилично висока.

На основа на информациите од 1.236 финансиски професионалци од Њујорк, се проценува дека просечната плата и бонусите за професионалците од Вол Стрит се движи отприлика вака:

-Аналитичарите имаат најниска плата од 91.000 долари и бонуси од 37.000 долари;

-Помошниците земаат 124.000 долари плата и 70.000 долари бонуси;

-Потпретседателите просечно земаат 181.000 долари плата и 135.000 бонуси;

-Директорот зема 256.000 долари плата и 263.000 долари бонуси;

-Генералниот директор зема 364.000 плата и 463.000 долари бонуси.

На сликата е јасно претставено дека многу често бонусите може да ги надминат приходите. 

 

Продолжи со читање

Лични финансии

Колку заработуваат светските лидери?

Објавено

на

Јавноста го следи секој чекор на шефовите на државите и влади и често се на удар на критика, со обвинувања дека заработуваат енормно високи пари.

Германската канцеларка Ангела Меркел прима месечна плата од 27 794 евра, односно 333.528 евра, годишно, вклучувајќи и пратенички примања.

Францускиот претседател Емануел Макрон има нешто помала плата – според податоци на сајтот на Европа1 од мај 2017, заработува 14 910 евра месечно. Неговиот претходник Франсоа Оланд се изборил за намалување на претседателската плата.

Ли Хсијен Лунг, премеирот на Сингапур, е најдобро платен шеф на држава на светот. Според податоците на весникот Велт, заработува 1,4 милиони евра годишно. Семејството на премиерот со децении владее со Сингапур.

Претседателот на Боливија Ево Моралес, ја преполовил сопствената плата во 2006 година. Заработува 1850 евра .

Доналд Трамп претседателот на Америка заработува 33 000 амеркански долари месечно, т.е. 345 000 евра годишно. Бидејќи веќе беше мултимилионер пред да стане шеф на белата куќа, парите од претседателската плата секои три месеци им ги подарува на американските паркови, како и за различни владини сектори.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange