Connect with us

Лични финансии

Совети за успех од Џек Ма (втор дел)

Објавено

на

Во претходниот дел имавме за вас неколку совети кои Џек Ма вели дека нивната примена многу ќе ви помогне на патот до успехот. Факт е дека сите луѓе сакаат да бидат успешни. Без разлика на која возраст се наоѓате Џек Ма за вас има по некој совет како најдобро да се снајдете во тој период и што е она што треба да го правите.

Пред да наполните 20 години бидете посветени и добри студенти. Потребно ви е искуството кое ќе го стекнете на универзитет, а ќе го примените понатаму.

Пред да наполните 30 години почнете некого да следите. Не заборавајте дека секој почеток е со мали чекори. Започнете во мали фирми. Во големите ќе се чувствувате како дел од големата машина, но во малите ја учите страстра и ги учите соништата. До 30 години не е во која фирма ќе отидете туку кого ќе следите, само добриот шеф ве учи различно.

Помеѓу 30 и 40 годишна возраст треба да размислите дали сакате да работите за себе. Доколку сакате да бидете вистински претприемач тогаш ова е вистинското време кога да почнете да ги остварувате вашите соништа.

Помеѓу 40 и 50 години посветете се на работите во кои што сметате дека сте добри. Не се префрлајте на друга област различна од онаа во која што сте биле бидејќи може да биде предоцна.

Помеѓу 50 и 60 години обидете се да го вратите светот на младите. Младите луѓе тогаш ќе го можат тоа подобро од вас. Потпрете се на нив, дајте им поддршка, вложувајте во нив. Тие можат.

Кога ќе наполните 60 години посветете си време на себе. Уживајте, одете на плажа, шетајте. Предоцна е за промени.

А на оние кои моментално се наоѓаат на 25 годишна возраст тој им порачува да прават што е можно повеќе грешки. Бидете без грижи. Ако паднете , ќе станете. Ако пак паднете, уживајте. Имате 25 години, уживајте го шоуто.

Тој вели, доколку имате 35 години и сте сиромашни, го заслужувате тоа. Сиромашни сте бидејќи немате амбиција. Амбицијата е онаа идеална цел во животот која мора да си ја поставите доколку сакате воопшто некогаш да ја исполните.

 

Лични финансии

Зошто не заработувате доволно за да станете милионери?

Објавено

на

Што значи да се биде милионер? Колку пари треба да заработите пред да бидете крунисани со почесниот епитет “милионер” и што е она кое ве спречува во истото?

Без разлика кои одговори ќе се дадат на овие прашања, мораме да признаеме дека секој од нас посакува да стане милионер. Но, малкумина од оние кои посакуваат работат на истото. За поголемиот број на луѓе да се стане милионер е само мисловен поим, далечен и недостижен. Исто толку недостижен како и оние луѓе кои себично го чуваат достигнатиот врв. Но, дали некогаш сте се запрашале која е причината поради која и вие не се наоѓате таму покрај нив радувајќи се на својот успех? Зошто и вие не сте успеале да заработите доволно и да се најдете од другата страна на сликата и да бидете оние на кои другите ќе се восхитуваат? За почеток, ова се неколку главни нешта кои ве спречуваат да се вброите во плејадата “милионери”.

1. Немате поставено јасни цели, а со тоа и вашите акции не се јасни и издржани. Доколку немате поставено јасни цели во вашите мисли ниеден од чекорите кои ги превземате нема да ве водат до постигнување на саканите нешта. Понекогаш кроењето на вистинскиот план може да одземе повеќе време. Дозволете си го. Правилното планирање може да ве изведе на посакуваниот пат. 

2. Мислите дека другите може да успеат, но вие не. Верувајте дека можете! Визуелизирајте се себеси како веќе успешна личност на местото на кое посакувате да бидете. Визуелизирајте се како еден од милионерите на кои им се восхитувате. Верувајте дека тоа може да се случи и веќе ќе биде чекор поблиску до истото. 

3. Се плашите дека нема да успеете. Ќе има моменти на неуспех, ќе има моменти и кога ќе правите грешки, но никој не рекол дека е лесно. Се што треба да направите е да научите да го поминете сето тоа. Доколку продолжите да се плашите од стравот никогаш нема да го надминете. 

4. Не сте подготвени да направите жртва. Имајте на ум дека има работи од кои ќе морате да се откажете доколку сакате да успеете. Бидете подготвени да жртвувате излегувања со пријателите и останати слични работи со цел да се фокусирате единствено на вашата кариера. Финансискиот успех кој го барате секогаш бара пожртвуваност. 

5. Никој не ве насочува на правилниот пат. Треба да бидете опкружени со позитивни луѓе, но најважно од се е да пронајдете некој на кого ќе му верувате и кој ќе ве поучува и насочува на вистинскиот пат. Не заборавајте дека луѓето во вашата околина, оние кои ви се најблиски, се оние кои треба да ве туркаат кон успехот. 

6. Наоѓате оправдувања поради кои не заработувате доволно и не сте успешни како што сакате. Често луѓето не сакаат своите неуспеси да ги препишат на самите себе. Оправдувањата од типот “немам грб како некои други” или “би успеал да сум на друго место, но не и тука” исфрлете ги од вашите мисли. Патот до успехот го креирате самите и ништо не може да ве спречи во истото. Запомнете, НИШТО не може да ве спречи да успеете. 

 

 

Продолжи со читање

Лични финансии

Корисни совети за инвестирање за почетници од Ворен Бафет

Објавено

на

На сите ни е многу добро познато името Ворен Бафет, најголемиот бизнисмен на денешницата и сопственик на една од најголемите холдинг компании Berkshire Hathaway. Иако е веќе во поодминати години, тој сеуште е меѓу најактивните бизнисмени. Неодамна, на неговиот 87ми роденден бил запрашан кој е надобриот начин за инвестирање, а тој одговорил:

„Кога човек со пари ќе се сретне со човек со искуство, оној со искуството завршува со парите и оној со парите си заминува со искуство.“

Тој вели дека искуството е клучната алатка за да се биде успешен инвеститор. Меѓутоа, што се случува со новите претприемачи, оние кои немаат искуство? За среќа, овие бизнисмени може да научат од инвеститорите кои имаат искуство, инвеститори како Ворен Бафет, лично. Ворен изјавил докажани совети за инвестирање и тоа се следниве:

1. Дивезификацијата не секогаш е добра идеја

Многумина од добите инвеститори се загрижени за важноста на диверзификацијата. Но Ворен Бафет не се согласува со оваа идеја. Бафет вели дека диверзификацијата е за луѓе кои немаат знаење за инвестирањето. Инвеститорот кој е искусен треба да избере акции на долг рок и да има верба во неговите/нејзините инвестиции. Бафет чека за шанса за да купи високо котирани акции и кога таа шанса ќе му се појави, тој целосно ја искористува.

2. Најпрво, инвестирајте во себеси

„Најдобрата инвестиција која може да ја направите е во вашите лични способности. Било што што ќе направите што може да ги развие или доразвие вашите вештини или бизнис, многу е веројатно дека ќе биде попродуктивно.“ Многу од луѓето нема да го искористат максимумот од нивните пари на берзата, туку од нивните вештини. Ставете се себеси на прво место.

3. Верувајте дека може да бидете успешен инвеститор

Бафет вели дека најтешката одлука е да им верувате на вашите одлуки за инвестирање. Вие секогаш мислите дека другите се во право, а вие не. Наместо тоа, вие треба да учите и да верувате во себеси. За да бидете успешни, мора да преминете преку стравот и да не обрнувате внимание на тоа што другите ви го зборуваат. Акомулирајте знаење и правете инвестиции самите за да се одвоите од толпата и да бидете победник.

4. Правете инвестиции единствено кои ги разбирате

Ворен Бафет вели дека голем број на луѓе размислуваат кратко пред инвестирање во било каква идеја и дека понекогаш, тие размислуваат премногу и предолго. Тој вели дека пред тој да инвестира во одредени акции или компанија, тој мора прво да разбере како компанијата остварува профит и главното влијание во индустријата во која работи компанијата во не повеќе од 10 минути. Ако тој не е во можност да ги разбере овие фактори во 10 минути, тој продолжува со евалуацијата на некоја наредна компанија или акции.

5. Купувањето на акции е купување на дел од бизнисот

Замислете дека купувате дел од продавница која се наоѓа веднаш до вашата куќа. Вие автоматски, ќе почнете да размислувате за конкуренцијата, добавувачите, цените, локација како и конкурентската поставеност на пазарот и многу други фактори. Слично на ова, кога купувате акции, вие мора да размислете за сите овие нешта, исто како и луѓето кои го водат бизнисот. Купувањето на акции не значи само купување на хартија. Со купувањето на акции од една компанија вие поседувате дел од сопственоста на еден бизнис.

Продолжи со читање

Лични финансии

Поголема финансиска едукација на децата за просперитет на економијата

Објавено

на

Финансиската едукација на населението, особено на најмладите, треба да се поттикнува, бидејќи тоа е важно за стабилноста на финансискиот систем и просперитет на економијата. Ова беше пораката од министерот за финансии Драган Тевдовски, гувернерот на НБРМ, Димитар Богов, и претседателот на Советот на експерти на Агенцијата за супервизија на осигурувањето Климе Попоски, по повод Денот на штедењето, 31 Октомври, упатена на доделување на наградите на конкурсот објавен по тој повод.

 

Според министерот Тевдовски, децата се иднината на земјата и секој што е во позиција да донесува одлуки треба да води сметка за нивната иднина.
“Треба да им предочиме на децата дека штедењето е важно, бидејќи тоа е основа за развој на македонската економија” – истакна Тевдовски.

Гувернерот Богов посочи дека во насока на зголемување на финансиската едукација на младите, Народната банка има потпишано меморандум за соработка со Бирото за развој на образованието, што ќе отвори поголем простор за соработка со училиштата и учениците.

Тој најави дека наскоро ќе биде објавен и водич за финансиска едукација за најмладите.

Климе Попоски од АСО истакна дека децата се носители на севкупниот економски и финансиски развој на РМ и дека раната финансиска едукација претставува клучен фактор за долгорочниот одржлив развој на финансискиот систем.

Во развиените земји степенот на финансиска едукација е 65%, а во новите земји-членки на ЕУ тој процент на финансиска едукација кај населението над 18 години изнесува 22%.

На конкурсот интерес пројавиле голем број ученици. Доставени се вкупно 780 творби, од кои 301 литературна и 452 ликовни творби. Пофалници и награди беа доделени за 24 творби.

 

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange