Connect with us

Лични финансии

Совети за МОТИВАЦИЈА 1/10: Соопштувајте јасни очекувања

Објавено

на

Клучен фактор на мотивацијата е луѓето за себе да мислат дека се одлични. Еден од начините да го постигнете тоа е да направите луѓето да се чувствуваат како победници. Секој сака да ужива во “победничко чувство”. Сакаат да се чувствуваат компетентни, успешни и почитувани од страна на другите.

Како луѓето победуваат во трка или во кој било друг натпревар? Едноставно: Први ја поминуваат линијата на финишот.

А како човек може да победи во светот на бизнисот? Така што исполнува јасна, специфична задача. Едно од најважните правила во работата е дека исполнувањето некоја задача претставува извор на енергија, ентузијазам и позитивно мислење за себеси.

Во едно истражување во кое од вработените се барало да ја опишат најдобрата работа што некогаш ја имале, најчестиот одговор бил: “Секогаш точно знаев што се очекува од мене“.

На прашањето, пак, која била најлошата работа што некогаш ја имале, најчесто одговарале: “Никогаш вистински не знаев што очекува мојот шеф од мене“.

Секогаш кога соопштувате јасни очекувања, им овозможувате на луѓето да исполнат јасна, специфична задача и да се чувствуваат како победници. Кога, пак, соопштувате неконкретни или нејасни очекувања или, пак, воопшто не ги соопштувате очекувањата на своите вработени им ја одземате можноста да го искусат тоа “победничко чувство”.

Петте фактори на победата

За да ја помине линијата на финишот и за да се чувствува како победник во своето работење, на личноста и се потребни пет нешта:

1. Јасни цели и дострели, за кои се дискутира и се постигнува согласност.

2. Јасни мерки, параметри и стандарди со цел вработениот да знае дека успехот ќе биде измерен и утврден.

3. Јасни рокови и подрокови, со цел вработениот точно да знае кога треба да биде завршена задачата.

4. Успешни искуства – со други зборови, вработениот мора да ја заврши работата навреме, во рамките на буџетот и според договорените стандарди за квалитет.

5. Признавање и награди – шефот мора да му оддаде признание на вработениот за успешно завршената работа, нешто што многу личи на аплаузот што спортистот го добива од гледачите кога ќе победи.

Можеби сте ја чуле изреката дека “не можете да ја постигнете целта што не ја гледате”. За да можат да се чувствуваат како победници, вашите луѓе мора пред себе да имаат јасни цели кон кои се стремат. Колку што се појасни целите, толку полесно ќе им биде на луѓето да ги остварат. Колку повеќе цели ќе остваруваат, толку повеќе ќе се чувствуваат како победници. А колку повеќе ќе се чувствуваат како победници, толку посилни ќе бидат нивното самопочитување и задоволството од работата.

 

 

Лични финансии

Што претставува каматно-каматниот ефект или попознат како сложена камата?

Објавено

на

Еден од најпознатите научници во историјата, Алберт Ајнштајн ја опишал сложената камата како “Осмо Светско чудо”. Тој додал дека оној кој го разбира овој ефект, заработува многу, тој што не го разбира, подоцна скапо го плаќа. (more…)

Продолжи со читање

Лични финансии

Променете ги навиките и почнете да штедите

Објавено

на

Сликата што ни ја дава статистиката за повисоки плати и ниска инфлација се замаглува ако се обидете да ја наполните кошничката во некоја од домашните продавници и супермаркети. Кога ќе се спореди фискалната сметка и она што сме го ставиле во торбата по пазарењето, неизбежно доаѓа прашањето „Каде ми отидоа парите?“. (more…)

Продолжи со читање

Лични финансии

БИЛ ГЕЈТС: Треба да си поставите 4 прашања за да го оцените квалитетот на вашиот живот

Објавено

на

Бил Гејтс има 63 години. Тој во целост се согласува со фактот дека воопшто не е истата личност која бше кога ја основаше компанијата “Microsoft”. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange