Connect with us

Останато

Рецептот за успех според Џек Ма

Објавено

на

Џек Ма, основачот и извршен директор на Аlibaba Group Holding, е најбогатиот човек во Азија и една од најконтроверзните личности меѓу богаташите. Богатството на Ма, се проценува на околу 40 милијарди долари, со што влегува во кругот на еден од најбогатите луѓе на планетата.

Но, патот до успехот на “малиот” азиец не бил воопшто лесен. Тој во неколку навратиоткри дека дури три пати бил одбиван и не успевал да се запише на факултет, како и дека аплицирал за работа во повеќе од 30 компании, но не добил работа во ниту една од нив.

„Толку очајнички бев во потрага по работно место, што аплицирав и во полиција, но ми кажаа дека не сум за таму” – раскажува Џек Ма. “Аплицирав и во KFC кога отворија нов ресторан во мојот град. Имаше 24 лица кои аплицираа за работно место, а од нив 23 добија работа. Нормално, погодувате, само јас бев единствениот кој беше одбиен” – открива Ма.

Во 1998 година, Џек Ма ја основал Аlibaba со голем ентузијазам, но веднаш се соочил со неколку пречки. Компанијата не успеа да оствари профит во првите 3 години, па дури и работеше со загуба. Но, тоа не го откажа од неговата намера, туку само го направило Џек многу покреативен. Еден од најголемите предизвици за неговиот бизнис, бил недостаток на систем за онлајн плаќања, бидејќи ниту една банка не сакала да му ја понуди на Ма оваа услуга.

Тогаш, тој одлучил да создаде своја платформа за плаќање, наречена Alipay. Платформата врши трансфер на различни плаќања, во различни валути, помеѓу меѓународни купувачи и продавачи. До денес оваа платежна платформа ја користат повеќе од 800 милиони луѓе ширум светот.

Во септември претходната година, Џек Ма имаше една контроверзна изјава. Тој изјави дека да се биде богат има еден сериозен недостаток – “немаш време да си ги трошиш парите“ – каѓа тој.

Во текот на изминатата година, богатството на Џек Ма порасна речиси двојно, како последица на зголемувањето на вредноста на акциите на неговата компанија.

Дека е многу контроверзна личност, со многу контроверзни, но сепак многу реални и вистинити коментари и изјави, потврди неодамна со својот коментар кога ја разбранува јавноста. Во февруари минатата година, Ма изјави: “Сиромашните секогаш ќе бидат сиромашни“.  Со таа негова изјава тој предизвика вистинска револуција на социјалните медиуми и во неговата татковина.

„Најлошите луѓе, на кои можеш да им служиш, се сиромашните. Ако им дадеш нешто бесплатно, тие сметаат дека тоа е стапица. Ако им кажеш дека тоа е мала инвестиција, ќе кажат дека нема да добијат доволно. Ако им кажеш да инвестираат повеќе, ќе кажат дека немаат пари. Натерајте ги да пробаат нешто ново, ќе речат дека немаат искуство. Кажете им дека ова е традиционален бизнис и тие ќе речат дека е тешко да се направи. Ако им кажете дека ова е нов бизнис модел, тие ќе речат дека тоа е пирамида. Ако им кажете да си направат продавница, ќе одговорат дека немаат доволно слобода… Кажете им да започнат нов бизнис, ќе ви одговорат дека ја немаат потребната експертиза. Тие, сепак, имаат нешто заедничко – сакаат да го прашуваат Google, да ги прашуваат пријателите, кои се толку обесхрабрени, како нив. Тие размислуваат повеќе од универзитетски професор и прават помалку од слеп човек. Ако ги прашате што можат да направат, тие нема да можат да одговорат на тоа прашање“.

Тој смета дека треба да се дејствува, наместо да се чека ситуацијата да се смени сама од себе. При тоа додава: “Сиромашните луѓе не успеваат поради една заедничка карактеристика која ја поседуваат, а тоа е што цел живот го поминуваат во чекање”.

 

Според Џек Ма, еве каде лежи клучот за успехот:

1. Мотивацијата на тимот

Кога Ма зборува за неговата најголема грешка, тој секогаш го споменува фактот дека во почетокот на компанијата, тој изјавил пред својот тим дека тоа на кое можат да се надеваат е да стигнат до менаџерски позиции. Улогата на извршниот директор секогаш ќе биде доверена на аутсајдери за компанијата. Ма, сепак си ја научил лекцијата и во сè поголема мера ја одредува важноста на мотивацијата и страста, пред теоретските способности.

2. Обединување на луѓето под една заедничка цел

Ма разбира дека без разлика колку силно се обидува, никогаш нема да успее да го убеди секој работник, бизнис-партнер или потенцијален инвеститор во тоа што верува или кажува. Затоа го прифаќа овој факт и поинаку пристапува кон успехот. Наместо да ја обединува компанијата под една визија или личност, ги обединува луѓето со заедничка цел. Визијата е многу поважна од лидерот, вели Ма.

3. Лидерот мора да биде во можност да гледа во иднината

Според Ма, добар лидер мора да може да гледа во иднина. Тој мора да е неколку потези пред своите конкуренти и да ги предвиди нивните акции. Креативниот начин на размислување и развивање вештини за предвидување на иднината се критични квалитети за секој бизнис лидер.

4. Вработувајте луѓе со одлични вештини, подобри од вашите

На прашањето со што се разликува лидерот од вработениот, Ма одговара во едно интервју: „Вашите вработени мора да имаат многу подобри технички вештини од вашите, и ако тоа не е така, тогаш сте ангажирале погрешно лице“.

5. Мора да бидете тврдоглави

Покрај тоа, Ма верува дека бизнис лидерите треба да бидат тврдоглави, но да имаат јасна визија. Да знаат што сакаат да постигнат и да се стремат кон тоа, не е само критично за постигнување на крајниот успех, туку исто така е инспиративно за остатокот од компанијата. Да не прифаќаш „не“ за одговор е главен дел од психологијата на Ма.

Останато

Драган Тевдовски, министер за финансии: со помош на алатките создадени на ,,Фин Хакатонот” граѓаните лесно ќе го контролираат трошењето на државните пари.

Објавено

на

Живееме во 21 век и на располагање ни се веб и мобилни апликации, мултимедијални игри, видеа и низа други алатки што го прават животот полесен. Зошто тогаш и буџетот да не го направиме подостапен за граѓаните, користејќи ги овие алатки – објаснува Тевдовски

Министерството за финансии и Фондот за иновации и технолошки развој првпат го организираа „Фин Хакатонот“, натпревар на кој многу млади креативци го покажаа својот талент. Победниците со полна пареа веќе работат на нова веб-апликација, видео и игра за граѓанскиот буџет на Македонија.

Институциите се тука за граѓаните, а не обратно

Министерот за финансии Драган Тевдовски за Факултети.мк раскажува дека поминал многу време со овие млади луѓе и дека најмногу се одушевил од нивната посветеност, но и од тоа колку брзо ги совладале јавните финансии. Но, прво за идејата за натпреварот.

– Институциите се тука за граѓаните, а не обратно. Ако сите размислуваме во оваа насока, ќе станеме подобро општество. Во делот на финансиите најважна е транспарентноста. Знам дека многу зборувавме на оваа тема. Сепак, единствен начин граѓаните да имаат контрола врз трошењето на државните пари е да имаaт увид во тоа. Буџетот е од граѓаните за граѓаните. Затоа сакавме токму од нив да дојде идејата за „граѓански буџет“.

Живееме во 21 век и на располагање ни се веб и мобилни апликации, мултимедијални игри, видеа и низа други алатки што го прават животот полесен. Зошто тогаш и буџетот да не го направиме подостапен за граѓаните, користејќи ги овие алатки – објаснува Тевдовски.

Тевдовски со победничките тимови

 

Министерот вели дека е среќен што неговиот тим е составен од креативни луѓе кои сакаат да го променат начинот на кој функционираат институциите. Идејата за добивање на овие производи преку организирање Хакатон потекнала од неговиот советник Виктор Митевски.

– Тој напорно работеше на „Фин Хакатон“, од замисла до реализација, но и многу други колеги од Министерството за финансии помогнаа беспрекорно да се организира Хакатонот. Настанот го поддржа Фондот за иновации и технолошки развој со награден фонд од 1,5 милион денари. Тие во него препознаа потенцијал за креирање стартапи и производи кои ќе може да се продаваат на пазарот.

Резултатот беше одличен. На 10-тиот кат од Министерството за финансии, 48 часа, во текот на викендот, 6 тима млади луѓе работеа на развој на своите идеи.

На едноставен и приемчив начин ќе ги објасниме јавните финансии

Целта на овој натпревар е да им се даде можност на младите луѓе да развијат идеи и производи кои ќе им помогнат во нивната професионална афирмација, но и ќе ѝ послужат на целата македонска јавност. Го прашуваме Тевдовски дали Министерството развива нов начин на комуникација со младите?

– На „Фин Хакатонот“ имаше прекрасна енергија, добро дружење и одлични идеи, кои наскоро ќе станат финални производи. Овие производи ќе бидат наменети за сите граѓани во Македонија. Ова е голема шанса за младите професионалци што победија на „Фин Хакатонот“. Дополнително, тие ќе можат да го развијат својот производ и понатаму да го продаваат. Сакаме да слушнеме што имаат да кажат луѓето, без разлика на возраста. „Фин Хакатонот“ беше еден од каналите на кој ете најмногу се поврзавме со младите луѓе. Ги користиме и социјалните мрежи. И јас лично од неодамна ги истражувам Инстаграм (@dragantevdovski) и Твитер (@dtevdovski)… И во иднина ќе користиме нови и различни канали за да се поврземе со граѓаните – вели тој.

Младите го одушевиле и со знаењето за јавните финансии

Очекува есенва кога ќе бидат готови веб-апликацијата, видеото и играта, со нивна помош сите граѓани да добијат повеќе информации за буџетот.

– Она што го баравме кај овие производи е на едноставен и приемчив начин да се објаснат јавните финансии. Кај победничките решенија тоа е постигнато.

Победија два тима. Тевдовски имаше можност да се дружи со младите иноватори додека работеа на своите решенија. Вели дека најмногу го восхитиле со нивната посветеност да го завршат проектот.

– Најголем дел од нив буквално работеа 48 часа, без сон, без престан. Ме воодушеви колку бргу навлегоа во јавните финансии. Најголем дел од нив не се по струка економисти и немаа предзнаења за буџетот. Темата на предизвикот се објави на буткампот – непосредно пред почетокот на Хакатонот. Така што овие млади програмери, инженери, многу добро се снајдоа и одговорија на предизвикот. Сите тие би биле и одлични економисти – раскажува министерот.

Министерството за финансии, по ова искуство со овие млади и талентирани луѓе, има обврска да организира нов „Фин Хакатон“. Но, Тевдовски вели дека и неговите колеги од Владата изразиле интерес за ваков тип натпревари, па можеби и некое друго министерство вака ќе ги отвори вратите за младите.

Извор: fakulteti.mk

Продолжи со читање

Останато

Златото ќе не спаси ако има нова криза

Објавено

на

САД ја почнаа најголемата трговска војна во историјата и тоа со Кина, при што се очекува дека ќе има нова светска криза. Оваа криза која се заострува ќе има последици за секој граѓанин од секој дел на светот. Ова се случува во време кога неколку години по ред светската економија има раст.

Америка може светот да го втурне во рецесија, а инвеститорите веќе купуваат злато. Може да дојде до потопување на берзите и затоа парите се под ризик.

Се советува дека секој форма на штедење од пари на хартија е добро решение. Се наведува дека еврото и доларот се печатат секој ден без покритие и затоа нивната вредност паѓа.

Златото со години има позитивни резултати, и неговата цена скока. Ако пред 2000 години чинело 400 долари, денес унца е 1300. Цената на златото расте побрзо од инфлацијата и на тој начин се чува куповната моќ.

Злато се купува масовно во Германија, Австрија, Англија и Швајцарија.

Годишното производство на злато е ограничено на 2500 тони. Трошоците за експлоатација се високи, и шансите за поголемо производство се мали.

Продолжи со читање

Криптовалути

Биткоинот повторно јакне

Објавено

на

Криптовалутите денес продолжиле да јакнат. Биткоинот, прв пат од јуни, ја проби границата од 7 500 долари, според анализата на Блумберг.

Најпопуларната дигитална валута на почетокот на тргувањето пораснала за дути 3,1%, на 7 543 долари, а нешто подоцна тој раст спласнал на 0,8% во Лондон, според пресметките на агенциите.

Ривалските валути, како рипл, етерум и лајткоин, забележале мешовити резултати, но воглавно ги задржале добивките остварени ден порано.

И покрај најновото јакнење, вредноста на биткоинот и понатаму е за 30% пониска од историскиот рекорд, забележан во декември минатата година.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange