Connect with us

Депозити

По повод Светскиот ден на штедењето неколку успешни совети како да заштедите пари

Објавено

на

Сите сакаат да заштедат пари. Најчесто сите луѓе го бараат најбрзиот и најефикасниот начин за да дојдат до одредена заштеда. Процесот на штедење пари може да биде успешен доколку се штеди организирано и одговорно. Ова се неколку совети кои доколку ги следите и почитувате со сигурност ќе ве доведат до поставената цел.

1. Доколку одлучите да почнете со штедење треба да го поставите тоа како приоритет. Тоа значи дека на месечно ниво не треба да ги заштедите парите кои ќе ви останат (доколку останат) после покривање на сите трошоци, туку, однапред да одредите сума која што уште на почетокот ќе биде тргната на страна и ќе се обидете на секој можен начин да не ги искористите тие пари. Најлесен начин за да ги избегнете моментите на слабост кога би посегнале по овие пари е да подесите автоматско префрлање на одредена сума на пари на штедната книшка. На овој начин сумата која ќе биде одредена за штедење ќе биде “заборавена” и помала е веројатноста тие пари да бидат потрошени. 

2. Планирајте ги набавките во периодот на попусти. Многу често особено кога станува збор за набавките на прехрамбените продукти можеме да се водиме според неделните или месечните понуди на супермаркетите. Доколку почесто купувате во периодот на акции и ги планирате дури и своите оброци следствено на тоа, голема е веројатноста дека ќе заштедите некој денар. Иако можеби ви се чини дека станува збор за малку пари, сепак на месечно ниво доколку пресметате оваа тактика навистина функционира. 

3. Секогаш поставувајте си го прашањето дали она кое сакате да го купите ви е навистина потребно. Импулсивното купување многу често е причина за поголеми трошоци. Застанете за момент пред да дојдете до касата и размислете дали во моментот навистина тој производ ви е неопходен и дали истиот може да почека да биде купен понатаму.

4. Провере ги понудите на сите банки. Доколку веќе сериозно размислувате на штедењето тогаш неопходно е да погледнете на кој начин можат да ви помогнат банките. Во овој случај исто така бидете внимателни и добро разгледајте ги каматите, избегнувајте конверзија на валутите и проучете ги добро програмите на банките кои често нудат дополнителни “подароци” за вашето штедење кои подоцна во одредени случаи може да се преточат само во дополнителни трошоци. 

5. Поставете цели до кои цврсто ќе се држите и водете евиденција за секој потрошен денар. Многу често добрата организација води и до добри резултати, па така, со контролата на вашите пари ќе можете точно да утврдите каде се тие потрошени и дали некаде трошоците може да се скратат и тие пари да бидат заштедени. 

6. Обратете внимание на ситните трошоци, понекогаш тие се и најопасните. Бидете економични, исклучувајте го телевизорот кога не ви е потребен, не ги оставајте светилките запалени. 

7. Бидете трпеливи. Тоа е суштината на процесот на штедењето. Почетокот и крајот се состојат токму од трпеливоста и истрајноста. Кога веќе сте одлучиле да штедите бидете целосно посветени на истото и не очекувајте брзи резултати, бидете задоволни од вашиот прогрес низ целиот процес и верувајте дека сепак упорноста на крајот се исплати. 

Депозити

Соберете пред сите со Стопанска банка а.д. Битола

Објавено

на

Соберете пред сите е еден од производите на Стопанска банка а.д. Битола кој ви нуди најсоодветно решение при вложувањето на вашите средства.

Овој производ овозможува сите предности од орочувањето на вашите пари да ги почувствувате во моментот на орочување. Со оваа единствена понуда на Стопанска банка а.д. Битола каматата за орочените средства целосно ја добивате однапред, на денот на вложување на вашите пари.

Овој депозитен производ со антиципативна пресметка на каматата овозможува орочување на вашите пари во МКД/ЕУР и е поволен за сите оние кои се одлучиле да ги заштедат своите пари, воедно искористувајќи ја оваа бенефиција која ја нуди Стопанска банка а.д. Битола.

Периодот на орочување на депозитот со антиципативна пресметка на каматна стапка е 15 месеци, а минималниот задолжителен влог изнесува 6.000 денари или 100 евра.

Каматната стапка изнесува МКД 2%/ЕУР 1,5%. Истата е фиксна за целиот период на времетраење, а на годишно ниво изнесува МКД 1,6%/ ЕУР 1,2%.

Соберете пред сите е еден од најатрактивните и најбараните производи на Стопанска банка а.д. Битола кој на клиентите им овозможува да бидат чекор пред другите во процесот на штедење и вложување на своите пари.

Продолжи со читање

Депозити

Граѓаните и компаниите чуваат депозити во банките од преку 300 милијарди денари

Објавено

на

Депозитите во банките во Македонија се сигурни. Банките се ликвидни и стабилни, а граѓаните кои ги чуваат парите дома треба да ги внесат како штедни влогови затоа што така ќе оставарат одреден интерес за себе, а на банките ќе им овозможат дополнителни средства да ги пласираат онаму каде се потребни.

Ова беше порачано на денешното одбележување на Светскиот ден на штедење – 31 Октомври во Здружението на банкарство при Стопанската комора на Македонија.

Граѓаните во банките во Македонија чуваат 222 милијарди денари, а компаниите 80 милијарди. 51% од депозитите се во денари.

Гувернерот на Народната банка на Република Македонија Димитар Богов постенцира дека штедењето има раст од 6% на годишна основа и дека тоа е солидно имајќи го во предвид амбиентот во кој е остварена.

Смета дека македонското население има потенцијал за повисоки стапки на штедење и се надева дека стапките ќе се вратат на она што беа пред кризата.

Го истакна трендот на зголемено штедење во денари и рече дека очекува тоа да продоложи, како и довербата во домашната валута.

Според министерот за финансии Драган Тевдовски, штедењето е најевтиниот извор за финансирање на домашната економија и ги охрабри банките да ги поддршат домашните компании во нивните инвестициски активности.

“Капиталот од странство е поскап, понедостапен и многу често понестабилен. Добро е што со завршување на кризата има раст на депозитите од околу 6% и очекувам во наредниот период да се остварат повисоки стапки на депозитите” – изјави Тевдовски.

Коста Митровски, претседателот на Здружението на банкарство истакна дека банкарскиот систем остварува високо ниво на стабилност и дека штедењето зазема централно место во работењето на банките.

Според него, традицијата на штедење во Македонија постои и таа банките треба да ја одржуваат со конректни производи.

Светскиот ден на штедење во Македонија се одбележува од 1999 година, а е воспсотавен во 1924 година во Милано.

Продолжи со читање

Депозити

ДЕН НА ШТЕДЕЊЕ: Иновативни програми за штедење кои ги нудат банките

Објавено

на

Кога станува збор за штедењето првично се поставуваат две прашања поврзани со тоа. Првото прашање најчесто е како да ги заштедиме парите, а второто, откако ќе заштедиме како најдобро да ги искористиме истите?

Мораме да признаеме дека е навистина тешко да одвојуваме дел од своите приходи за заштеда. Банките насекаде низ Светот нудат различни програми преку кои им помагаат на своите клиенти да ја управуваат својата заштеда. Иако можеби звучи и неверојатно, има банки кои помагаат во мисијата за штедење на пари. 

Една од поинтересните практични програми кои го помагаат штедењето е програмата на Банката на Америка чија програма е насловена како : “Задржи го кусурот”. Сите оние кои имаат отворено сметки во оваа банка можат да бидат членови на оваа програма. При купувањето со дебитната картичка на Банката на Америка крајната продажна цена се пресметува на најблиската повисока заокружена сума, а разликата директно се пренесува на штедната книшка на клиентот. 

Многумина си поставуваат конкретни цели за кои сакаат да ги заштедат своите пари. Capital One е онлајн банка која им олеснува на корисниците да ги организираат и дисциплинираат своите заштеди со цел да ја остварат поставената цел. Можете да отворите до 25 штедни сметки со различни поставени цели како “500 долари за подароци за празниците кои следуваат”, или “2000 долари за одмор”. На овие сметки можете да внесувате колку ќе издвоите без разлика дали на неделно или месечно ниво, а автоматската алатка за следење на вашите цели пресметува уште колку време и колку вложени средства ви се потребни до остварување на вашите поставени цели. Доколку имате вие самите поставено целна дата до која што треба да ги остварите целите оваа алатка константно ќе ве потсетува на тоа пресметувајќи ги износите кои ќе бидат потребни да ги уплаќате на неделно или месечно ниво.

Помеѓу многуте сервиси кои нудат поддршка на своите клиенти во процесот на штедењето е и Citigroup кој претставува мултинационален  инвестиционен финансиски сервис. Овој сервис поаѓа од фактот дека за да започне процесот на штедење најпрво е потребно добра организација на средствата кои ви се на располагање во моментот. Целта е да видите каде го трошите вашиот приход и каде можете да скратите со цел да заштедите. Преку алатките на оваа групација можете да направите месечни буџети и свои категории каде што ги трошите средставата. Овој сервис има за задача да ве извести преку испраќање на соодветен е-маил во моментите кога смета дека неразумно сте ги потрошиле своите пари или кога ќе забележи дека се приближувате до границата која што не треба да ја поминете.

Многу често банките имаат т.н промотивни програми за штедење. Ова се програми кои тие ги нудат само во еден ограничен период во кој доколку се одлучите да го започнете своето штедење банката дополнително ве наградува и го помага истиот процес. Условите најчесто се клиентите по отварањето на сметката да пренесат одреден депозит на истата кој нема да ја менува состојбата во следните месец или два и за возврат ќе добијат одредена сума на средства од страна на банката. Salem Five Bank е исто така американска банка која нуди ваква слична програма за своите клиенти. Со секое отварање на сметка во оваа банка клиентите добиваат подарок VISA картичка со дополнителни 100 долари. За да ја добијат оваа картица клиетите треба да уплатат еден директен депозит, да направат 6 онлајн трансакции во износ од над 25 долари или пак да направат 20 трансакции со дебитната картичка секое во износ од над 5 долари во рок од 60 дена. 

Во последно време станува многу актуелно штедењето за деца. Родителите започнуваат со штедење на средства уште од најмала возраст на детето и токму затоа банките воведуваат и програми за детско штедење. Со напредокот на технологијата, постојаното плаќање со картици или онлајн извршените трансакции претставуваат потешкотија при обидот да се објасни на децата важноста на парите бидејќи тие немаат никаков допир со нив и не можат да создадат претстава како се трошат средствата. ASB која е една од водечките банки во Нов Зеланд смислила интересен начин преку забава да го долови на децата процесот на трошење и штедење на парите. Состојбата на сметката на детето е претставена на екранот на еден апарат во форма на слонче кои испушта звуци и се движи секој пат кога ќе бидат извадени средства од сметката. Ова слонче е некој вид на модерна касичка бидејќи овозможува т.н “магичен” вид на штедење со тоа што сите виртуелни парички од мобилната апликација која е достапна се префрлаат на сметката на слончето која што е всушност штедната книшна на детето. Нормално, целата контрола ја има родителот и преку самото слонче не е можно да се извршуваат трансакции, но сепак е еден интересен начин за на детето да му се објасни целата суштина за важноста на штедењето. 

Иако несомнено фактот дека организацијата на средствата игра огромна улога во процесот на штедење  сепак многу често пред да почнеме да штедиме треба убаво да ги истражиме сите опции кои ни се понудени и да ги разгледаме програмите на банките кои често може да ни помогнат полесно и побрзо да ги исполниме своите цели. 

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange