Connect with us

Колумни

Почесните титули: Менаџер vs. Лидер

Објавено

на

Луѓето се менуваат, тоа е факт. А, уште поголем факт, односно, најголем факт е дека најголем дел од луѓето се менуваат кога ќе ја добијат моќта во свои раце. Мала доза на авторитет и го забораваат својот почеток, го земаат пехарот, се искачуваат на пиедесталот и оттаму ги диригираат движењата на останатите, оние обичните кои сега се наоѓаат под нив. 

“Значката” на шеф која ја поседуваат (во најголем дел од случаите сигурно ќе познаете дека ја поседуваат) им дава огромна протекција и слобода што тие едноставно може да прават се што сакаат, а на вас останува привилегијата да го следите “шоуто”. Секоја чест на исклучоците кои скромно го преживуваат и умешно се сносат со периодот на “тапкање” по рамото и коментарите од типот “Шефе немој сега да заборавиш со кого си бил пријател” и слични шеги кои во превод би значеле “Јас требаше да сум на таа позиција ама ајде знаеме кој те турка”. 

На страна од целиот овој циркуз, капа долу за оние кои одговорно, лидерски си ги вршат своите должности. Не случајно велам лидерски, бидејќи тоа е една од најголемите доблести која може да ја поседнува една личност. А профилот на менаџер и лидер не се две различни личности. Разликата е едноставно во начинот на размислување и делување на оној кој е одговорен за останатите. Дали некој ќе биде менаџер или лидер одлучува тој самиот, а разликите (за ако некогаш се најдете во ситуација да треба да изберете кое од овие две да бидете) ќе ви ги посочиме ние. 

Менаџерот е едно големо ЈАС. Да. Блага форма на епитетот шеф е токму менаџер. Тој стои пред сите и објаснува за се што има постигнато, за неговиот “трнлив” пат до успехот и како со макотрпна работа стигнал на позицијата од која што сега повторно ТОЈ и само тој ќе продолжи да ги извршува своите обврски. Во најголем број од случаите ТОЈ на крајот е единствениот кој НЕ партиципира во работата, но во неговиот речник никогаш не постои зборот ние бидејќи тој нема што да се поистоветува со другите кои се разбира не се на неговото ниво. За разлика од тоа, лидерот секогаш зборува во множина бидејќи на тој начин смета дека ги мотивира другите заедно да ги извршуваат обврските. 

Целта на менаџерот е да го покаже својот авторитет и моќта која ја поседува покажувајќи ги “забите” и сеејќи страв помеѓу останатите. Закани, казни и притисоци поврзани со работата секогаш се упатуваат на сметка на оние кои се наоѓаат под него бидејќи смета дека на тој начин поуспешно ќе ја менаџира својата работа. И секогаш тоа е проследено со коментари од типот “Ништо не работат, ако не им свикаш цел ден седат и дремат” кои најчесто се изнесени пиејќи кафе во локален кафич во текот на работното време заедно со својот пријател, се разбира исто така менаџер бидејќи нормално кога си менаџер не се дружиш со ништо подоле од тебе. Си го држиш гордо менаџерскиот круг за да имаш со кого да споделуваш како не ти се послушни вработените. И додека менаџерот ја “менаџира” својата работа на кафе, лидерот на секој можен начин се обидува да генерира ентузијазам кај вработените. Тој се поистоветува со ситуацијата и зборува со нив како да е дел од истото, ги мотивира и ги подучува, а сето тоа резултира со задоволни вработени кои навистина умешно ја работат својата работа. Просто кажано, менаџерите практикуваат моќ додека лидерите ја развиваа истата кај луѓето.

Менаџерите се едноставно херои. Тие храбро ги поминале сите битки во животот и цврсто се држат покрај нивното најголемо достигнување – менаџирањето. Лидерите создаваат херои од луѓето кои ги опкружуваат.

Менаџерите сакаат и да наредуваат. Храна за нивното его е да речат некому оди и направи го ова. А, да не збориме дека ако не го направи одма тоа ќе биде проследено со викање и казни. За разлика од тоа, лидерот ќе дојде заедно со тебе и ќе ти помогне да ја извршите задачата.

Ова се само некои од клучните разлики помеѓу профилот на менаџерот и лидерот. Заклучокот е дека во секој од нас постои потенцијал и за едното и за другото, а на нас останува да ја донесеме одлуката на кој начин сакаме да ги управуваме работите во животот и дали во нас ќе преовладува ликот на семоќниот менаџер или на искусниот, зрел лидер. 

 

Колумни

Клиент заглавен во експозитура на банка

Објавено

на

Стануваш наутро и сфаќаш дека денот нема да тргне на добро. Навиката ти вика користи мобилна апликација и плаќај што сакаш. Реалноста ти вика за тоа да го направиш мора да одиш да си ставиш пари на сметка. Стигаш кај најблиските банкомати, сфаќаш дека картичката што овозможува да ставиш пари од банкомат е истечена.

(more…)

Продолжи со читање

Колумни

It’s a Digital, Digital world!

Објавено

на

Да, ова е дигитален свет и иако не се родивме во таков, дефинитивно ни годи!

Добар дел од компаниите и брендовите во денешницата се создадени на овој фронтиер и се пред своето време, друг дел одлично се адаптирани, но постојат и оние кои не се снаоѓаат најдобро во истиот. Затоа одвојте дел од вашето скапоцено време, за да позборуваме за социјалните медиуми и дигиталниот маркетинг.

Ќе почнам со најинтересното и воедно најкрупното нешто кое ни се случува – социјалните медиуми. Колку и што од можеме да добиеме од нив?

Имено, на почетоците од мојата кариера со малку искуство, малку познавање на графички дизајн, малку контакти, но многу желба и идеи, социјалните мрежи беа „тука за мене“. Ми понудија начин да експериментирам во комуникацијата со различните целни групи. Открив многу интересни модели на однесување на публиката. Сето ова ме чинеше само: интернет, струја и некоја кутија цигари… Тогаш, да бидам искрен не замислував дека од оваа социјална мрежа ќе се роди цела индустрија и ќе биде еден од водечките канали застапен во буџетите. За мене на маркетинг тронот се уште беа традиционалните медиуми и пристапи. Но, еве после 10 години сум горд застапник на социјалните мрежи и дигиталните комуникации и тврдам дека нивното време допрва доаѓа.

Последните 6 години сум во автомобилската индустрија во која маркетинг буџетите драстично се намалија во изминатите 8 години. Слабата продажба и увозот на користени автомобили, значително ја отежнаа работата на луѓето и агенциите задолжени за маркетинг. Социјалните мрежи во овие „кризни времиња“ се покажаа како секирче на мраз за да се продолжи качувањето нагоре.

Секој корисник на различна социјална мрежа има различна природа или е од различен вид. Така на пример, ако го земеме просечниот корисник на најпопуларната мрежа Facebook, тој се карактеризира со потреба да му се обратите лично. Затоа ги имаме оние коментари како „cena?”„ima 38?“… Ова од вас бара поголема посветеност и ресурси, но од друга страна овозможува директно да допрете до корисникот од овој вид. Со последните новини кои овозможуваат на секој коментар да одговорите во приватна порака, апсолутно се подобрува директното обраќање и ви се овозможува на корисникот да му дадете “tailor made” понуда. Социјалните мрежи, како и корисниците се жива материја. Тие се менуваат регуларно. Она што допрва доаѓа и ќе се покаже „поживо“ од било што друго е Вештачката интелигенција. Иронично нели?

Останатите новини коа беа воведени конкретно на Facebook во последните години како Instant Articles го задржуваат корисникот на мрежата дури и кога тој мисли дека веќе излегол. Апсолутно сите истражувања покажуваат дека користењето на социјалните мрежи расте и дека порталите т.е. веб страните се борат за 30 до 60 секунди внимание кое корисникот би го потрошил на нивниот сајт и веднаш би се вратил да “скрола“ на мрежата. Ова е уште еден факт за исплатливоста на инвестицијата во платен маркетинг на социјалните мрежи.

Но, внимавајте, во буџетот секогаш да предвидите микс од Онлајн, Дигитални и Социјални медиуми. Бидејќи со дедицирање на целиот закуп само на социјални медиуми ризикувате да не добиете доволна ПР поддршка кај веб страните кои се од интерес за вашата целна група.

Друго на што морате да обратите внимание се „синовите и ќерките“ на Социјалните мрежи, т.е. таканаречените Инфлуенсери. Оваа категорија оди чекор понатаму во онаа директна комуникација и потреба за идентификација на корисниците. Да, луѓето се идолизирани и чувствуваат дека тоа можат да бидат и тие и дека тоа е нивен “cool” пријател.

Инфлуенсерите добиваат многу поголем reach во последно време особено во Македонија поради неколку факти:
Прво, по целиот скандал од бастионот на “fake news“ во светот, Титов Велес по старо, Трампов Велес по ново, Facebook значително го ограничи и го скрати reach-от на сите Facebook страни кои доаѓаат, се водат, или на било кој начин се поврзани со Македонија;
Второ, множењето на медиуми во просторот и социјалните мрежи кои ни ги донесе политичката нестабилност и политичката пропаганда, се оформија и зрачат многу медиуми кои не постојат за целта на реално, критичко известување, туку за други помалку или повеќе познати цели.

Трката за број еден социјална мрежа почнува да биде густа меѓу Facebook и „посинокот“ Instagram. Иако по број на корисници можеби доминира Facebook, во поглед на опфатот и ефектот на пораките Instagram со воведувањето на опцијата Stories, како да доби силен ветер во грбот и брзо гази напред.

Во некоја друга прилика, ќе ги споменеме и останатите социјални мрежи, некои успешни стратегии, како и моќните SEM, Programmatic и слично.
Морам да одам, имам некои постови и кампања за одобрување…

Извор: marketing365.mk

Продолжи со читање

Колумни

Банки без филијали се банки на иднината

Објавено

на

Во Европската унија лани бројот на банкарски филијали се намали на вкупно 189.270 или 9.100 помалку за само една година. Само за споредба во 2008 имало 237.700 филијали што значи дека за само една деценија бројот на филијали во ЕУ се намалил за над 47.000. (more…)

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange