Connect with us

Анализи

ПАМЕТНИ ТЕЛЕФОНИ: Дури 66% од луѓето во 2018 година ќе користат паметни телефони

Објавено

на

Брзата експанзија на паметни телефони низ светот, која го трансформираше и начинот на кој огласувачите комуницираат со потрошувачите, полека забавува, бидејќи пенетрацијата во најразвиените пазари веќе достигна 80% – 90%. Бројот на сопственици на смартфони ќе се зголемува за 7% во 2018 година, што претставува помал процент на годишен пораст во однос на годишниот пораст од 10% во 2017, 14% во 2016 и 21% во 2015 година.

Раширувањето на паметните телефони и другите мобилни уреди го зголемува бројот на контакти меѓу брендовите и потрошувачите, давајќи им нови можности на корисниците да се поврзуваат со содржини на медиумите каде и да се наоѓаат, и во секое време во текот на денот. Некои од овие контакти имаат форма на платено рекламирање во содржини од трети страни, но мобилната технологија овозможува и пошироки искуства со брендовите, како што се брендираните содржини и активација на социјалните медиуми.

Западна Европа и Азискиот Пацифик продолжуваат да водат во светски рамки кога е во прашање распространетоста на паметните телефони. Медиумската агенција Зенит (Zenith)предвидува дека пет пазари ќе имаат пенетрација на паметни телефони над 90% во 2018 година: Холандија (94%), Тајван (93%), Хонг Конг (92%), Норвешка и Ирска (секоја со 91%). Ниво на пенетрација помеѓу 80% и 90% ќе имаат 11 пазари,повеќетоод нив од Западна Европа и Азискиот Пацифик со исклучок на Израел, каде пенетрацијата ќе изнесува 86%.

Земја со најголем број корисници на паметни телефони би била Кина, со 1,3 милијарди корисници, по што би следела Индија, со 530 милиони корисници. САД би биле трети, со 229 милиони корисници.

*52 земји вклучени во овој извештај се Аргентина, Австралија, Австрија, Белорусија, Белгија, Босна и Херцеговина, Бугарија, Канада, Кина, Колумбија, Чешка, Данска, Еквадор, Естонија, Финска, Франција, Германија, Грција, Хонг Конг, Унгарија, Индија, Ирска, Израел, Италија, Јапонија, Латвија, Литванија, Малезија, Мексико, Холандија, Нов Зеланд, Норвешка, Пакистан, Перу, Филипини, Полска, Португалија, Романија, Русија, Србија, Сингапур, Словачка, Јужна Африка , Јужна Кореја, Шпанија, Шведска, Швајцарија, Тајван, Тајланд, Украина, Велика Британија и САД, што претставува 65% од светското население.

Пенетрацијата на таблетите ќе се стабилизира на околу 20%

Сопствениците на таблетисе во помал број споредено со сопствениците на паметните телефони, делумно поради тоа што таблетитепочесто се користатво домашни услови, а делумно и затоа што потрошувачите на некои пазари претпочитаат да користат поголеми паметни телефони наместо таблети. Таблетите воопшто не се атрактивни во Кина, каде што оваа година се проценува дека нивната пенетрација изнесува само 4,8%, во споредба со 85,4% пенетрација кога се во прашање паметните телефони. Пенетрацијата на таблетите паѓа дури и во Тајланд.

Пенетрацијата на таблети варира во сите 52 земји во овој извештај; таа надминува 50% на 12 пазари и е помала од 10% во седум. Најголемае во Холандија (пенетрација од 74% годишно), Австралија (66%) и Ирска (65%).

На глобално ниво, распространетоста на таблетите ја проценуваме на ниво од 18,7% за оваа година, што е за малку повеќе од 17,8% во 2016 година. Се чини дека се стабилизира на околу 20%: ние проценуваме дека дека нивото на пенетрација во 2018 година ќе изнесува 19,5% и 20,1% во 2019 година.

73% од корисниците во 2018 година ќе пристапуваат на интернет преку мобилни уреди!

Мобилните уреди (вклучувајќи ги и паметните телефони и таблетите) за повеќето корисници сега се примарно средство за пристап до интернет и се предвидува дека нивниот удел во времето поминато на интернет во 2018 година ќе достигне 73%, наспроти 70% во 2017 и 65% во 2016 година. Користењето на интернет преку мобилни уреди е двојно зголеменово однос на 2011 година, кога изнесувало 36% од целата интернет употреба. До 2019 година се очекува тоа да достигне 76%.

Пазарите каде мобилните уреди имаат највисок удел во користењето на интернет се географски разновидни. Шпанија е на врвот, со околу 81% од користењето на интернет од мобилните уреди оваа година, по што следуваат Италија (78%), Кина и САД (секој со 77%) и Индија (73%).

59% од трошоците за интернет рекламирање во 2018 година ќе бидат за рекламирање на мобилни уреди.

Како што имаме наведено во нашите квартален извештај заПредвидувања за инвестиции во рекламирањето (Advertising Expenditure Forecasts), износот на средствата што се трошат на рекламирање на интернет преку реклами на мобилни уреди, за прв пат оваа година ја надмина сумата потрошена за десктоп рекламите. Зенит проценува дека во 2017 година 53% од сите интернет реклами ќе одат на реклами видени на мобилни уреди, и се предвидува дека тој процент ќе се зголеми на 59% во 2018 година и 62% во 2019 година. Во 2019 година рекламирањето на мобилни уреди ќе изнесува 156 милијарди долари, односно ќе биде 26% од рекламите во сите медиуми.

За повеќето потрошувачи и огласувачи, мобилниот интернет сега е нормален интернет“, вели Џонатан Барнард, раководител на одделот за медиумски проценки во Зенит и Директор на Global Intelligence (одделот на Зенит задолжен за прибирање на податоци за медиумите глобално). “Пенетрацијата на мобилните уреди почнува да се заситува на некои пазари, но има доволен простор за понатамошен раст во остатокот од светот“.

Виторио Бонори, Претседателот на Зенит глобално, истакна:

Бидејќи интернетот е сега мобилен, брендовите имаат можност да го користат за да комуницираат со потрошувачите во поголем дел од нивното време – кога купуваат, кога се дружат и патуваат, како и кога се на своето работно место. Со тоа што ќе можеме да допреме до потрошувачите во вистинско време со соодветно дизајнирани и осмислени пораки, брендовите ќе можат поефикасно да ги водат своите корисници низ процесот на осознавање на брендот до воспоставување трајна конекција.

 

Повеќе

Анализи

PEPPER – интерактивниот хуманоиден робот беше во посета на Стопанска банка АД – Скопје во соработка со MasterCard

Објавено

на

Брзиот развој на технологијата влијае на сите нас како и на се околу нас, па затоа Стопанска банка АД – Скопје имаше можност да биде домаќин на интерактивниот хуманоиден робот Pepper. Преку роботот Pepper, Банката се обиде на јавноста да и ги презентира предностите на оваа напредна технологија и како истата може да се искористи за позитивна деловна промена. (more…)

Продолжи со читање

Анализи

Piperevski & Associates: Што е GDPR и какво ќе биде неговото влијание?

Објавено

на

На почетокот на 2016 година Парламентот на ЕУ ја одобри новата Регулатива за заштита на лични податоци – General Data Protection Regulation (GDPR) која ќе ја замени постојната Директива за заштита на податоци 95/46/EC од 1995 година. (more…)

Продолжи со читање

Анализи

ТТК Банка АД Скопје го објави финансискиот план за периодот од 2018 – 2020 година

Објавено

на

Стратегијата на ТТК Банка АД Скопје за наредните години останува насочена кон постигнување одржлив и профитабилен раст со освојување дополнително пазарно учество, наведе Банката во финансискиот план објавен на Македонска Берза. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange