Connect with us

Останато

Отворен повик за студирање на меѓународни постдипломски студии на Економски факултет – Љубљана

Објавено

на

Меѓународната бизнис академија на Економски факултет – Љубљана, во Скопје, ја изведува современата и високо квалитетна академска и бизнис меѓународна магистерска програма.

Државниот Економски факултет во Љубљана е основан во 1946 год., има репутација на најдобра високообразовна институција од областа на економија и менаџмент во Словенија, со над 8.000 домашни и странски студенти во текот на секоја академска година. Акредитиран со највисоките академски и бизнис акредитации – EQUIS и AASCB, факултетот спаѓа во елитната групација на високо рангирани институции во Европа и во светот. Ова е привилегија на помалку од 5% од бизнис школите ширум светот. Покрај овие две значајни акредитации, факултетот ја има и AMBA акредитацијата, која ја поседуваат само 2% од школите за Мастер студии за Бизнис Менаџмент (MBA). Со овие програми Економски факултет – Љубљана
(IBA – International Business Academy, Master programme) е рангиран на 45-то место на светската листа на бизнис школи. Дипломата е академска и бизнис, ја издава Економски факултет – Љубљана на англиски јазик и на словенечки јазик и е валидна во сите земји во светот.

Јавниот отворен повик за сите кои што сакаат да инвестираат во својата професионална кариера е отворен до 15 февруари 2018 година.

Заинтересираните кандидати за детални информации може да се обратат до Регионалниот центар на Економски факултет–Љубљана (www.ef.uni-lj.si) во Скопје (cisef@skopjefair.com.mk; 070 338 570).

Мастер програмата по БИЗНИС и ОРГАНИЗАЦИЈА овозможува стекнување специјалност во областа на: економија, финансии, стратегија, менаџирање, управување со човечките ресурси, преговарање, проактивно мислење и креативно дејствување… По завршување на програмата, секој поединец ќе биде подготвен стручно и високо професионално да се соочи со предизвиците на секоја компанија, фабрика, институција…

Постдипломската рограма по БИЗНИС И ОРГАНИЗАЦИЈА ги содржи следните 15 предмети: Микро и макро економија, Бизнис околина, Организација и менаџмент, Стратешки менаџмент, Логистика и оперативен менаџмент, Финансиски менаџмент, Маркетинг за менаџери, Менаџмент на човечки ресурси, Системи за поддршка на одлучување, Преговарање, Бизнис истражување, Сметководство за менаџирање, Економски менаџмент и Изборен курс I, II, III.

Мастер студиите ги профилира следниве кадри:
– Менаџери и претприемачи кои што имаат генерални и специјализирани менаџерски одговорности
– Високо – функционални лидери што имаат повеќекратни одговорности
– Извршни директори кои што сакаат да развијат интегративна перспектива и да ги усовршат своите таленти и вештини
– Амбициозни технички експерти на кои што, исто така, им се потребни економско знаење и управувачки способности
– Мотивирани индивидуалци кои што себеси се гледаат како потенцијални лидери
– Дипломирани студенти кои што немаат работно искуство

Предавањата ќе се реализираат во Скопје од страна на професори од Словенија и други европски универзитети. Студентите ќе ги добијат потребните дополнителни материјали и последните изданија на предвидените учебници од Англија и од САД на англиски јазик, кој што е и официјален јазик на студиите.

Со цел да се постигне висок квалитет на наставата, бројот на студенти во една генерација е ограничен до 25 студенти.

За упис на студиумот, секој кандидат е потребно да ги исполнува следниве услови:
– Диплома од завршени додипломски студии (било кој профил на високо образование)
– Познавање на англискиот јазик

Меѓународната мастер програма нуди одлични можности за контакти од бизнис средината како дел од Алумни клубот со повеќе од 10.000 членови и интернационалната бизнис асоцијација – “Beta Gamma Sigma”.

Останато

PayPal го купи Hyperwallet за 400 милиони долари

Објавено

на

PayPal го продолжи своето шопинг шоу со готовински договор вреден 400 милиони долари за да се здобие со платформата за исплата на е-трговија Hyperwallet. Аквизицијата доаѓа на грбот на неодамнешните договори за купување на шведскиот iZettle за 2,2 милијарди долари и трговска марка Jetlore.

Договорот за Hyperwallet ќе и овозможи на компанијата да обезбеди целосен пакет услуги за плаќање на купувачите и продавачите кои користат онлајн пазари.

“Платформите и пазарите за е-трговија се изедначување на мало поле за играње преку поврзување купувачи кои имаат специфични потреби со групи на продавачи кои можат да ги исполнат”, вели Бил Ready, главен оперативен директор на PayPal. “Трговците и давателите на услуги кои ги користат овие платформи сакаат брз, ефикасен, флексибилен и сигурен пристап до нивните приходи, кога и каде и да им се потребни. Со стекнување на Hyperwallet, ќе ја зајакнеме нашата способност да обезбедиме интегрирано решение крај на крај на повеќе од 200 пазари. ”

Трансакцијата се очекува да се затвори во четвртиот квартал од 2018 година.

Продолжи со читање

Останато

Обука за ментори за организациски развој

Објавено

на

Дводневна обука за ментори за организициски развој ќе се одржи во Стопанската комора на Македонија во организација на Македонското здружение за заштита при работа и во соработка со Организацијата на работодавачи и Сојузот на синдикати на Македонија.

Учесниците на обуките ќе се стекнат со знаења и како идни ментори од нив се очекува да ги пренесат своите знаења и искуства во матичните компании.

Обуките се наменети за претставници од Македонското здружение за заштита при работа, Сојузот на синдикати на Македонија, Конфедерацијата на слободни синдикати, Организацијата на работодавачи, Македонското здружение по медицина на трудот и Стопанската интересна заедница на заштитни друштва во Македонија.

Продолжи со читање

Останато

Квалитетни податоци и анализи- основа за ефективни политики

Објавено

на

“Квалитетни податоци и анализи – основа за ефективни економски политики. Реалност или предизвик?” е настан во организација на Finance Think, а поддржан од Civica Mobilitas.

Тркалезната маса вклучува формална дискусија и промоција на прирачникот „Истражувачки алатки во економијата: Перспектива на тинк тенк“. Преку стручна дискусија се очекува да се дадат одговори на прашањата за предизвиците и можностите за прибирање и достапноста на податоци, пописот како извор на информации, изработка на анализи и креирање политики базирани на докази.

Панелисти на настанот се:

  • Благица Новковска, Професор, Универзитет за туризам и менаџмент, Скопје
  • Борче Тренески, Професор, Економски факултет, Скопје
  • Олга Лимар, Менаџер за организациски развој, New Europe Center Киев Украина.
  • Модератор: Марјан Петрески,Професор, Американ Колеџ Скопје,
  • Промотор на прирачник: Игор Величковски, Универзитетски професор и истражувач

Настанот ќе се одржи во хотел Мериот во Скопје, на 28. Јуни во 11 часот.

 

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange