Connect with us

Компании

Оглас за вработување во Македонски телеком АД Скопје

Објавено

на

Македонски Телеком АД Скопје објавува оглас за вработување на агент за контакт центар во Служба за контакт центар / Секторот за кориснички услуги / Област на Главниот комерцијален директор.

Краток опис на потребни услови, работни задачи и способности/ вештини за работното место

Услови:
– Средно образование;
– 1 година соодветно работно искуство;
– Добро познавање на англиски јазик;
– Познавање на MS Office.

Работни задачи:
– Одговарање на дојдовни повици од корисници со цел навремено и квалитетно опслужување. Типот на повици кои ќе му бидат доделени на агентот зависат од skill-овите за кои агентот е оспособен со претходна обука. Во текот на разговорот агентот треба да ги запазува сите елементи на комуникација кои се дел од критерумите за оцена на разговор.
– Одговара на барањата на корисниците (постојни или потенцијално нови) иницирани преку E-Mail каналот. Детално го разгледува проблемот на корисникот со цел да го разбере. Да разбере што корисникот бара и што очекува како одговор. Ги прибира сите потребни податоци (од постојните ИТ системи и во комуникација со колеги од други сектори) за припрема на соодветен одговор кон корисникот. Припрема соодветен одговор до корисникот и му го испраќа на корисникот во временски дефинирани рамки.
– Извршува активности кои произлегуваат од разговорот (Активации/Деактивации на сервиси и услуги, Барања за продажба, креирање на нарачки, Промени на кориснички податоци, Промени на тарифни модели, Внесување на пречки за технички проблеми кој ги пријавува корисникот, а неможе да се решат по телефон) во соодветните ИТ системи.
– Заокружување на разговорот со внесување на соодветен код/ови за класификација на разговорот.
– Правење на појдовни повици (Истражувања на пазарот по телефон за обезбедување на feedback од корисниците, опомени за неплатен долг и друго, Потсетувачки повици кон корисници(потсетување за неплатен долг, извршување на нарачка, и.т.н), Повици за информирање за веќе активирани сервиси, Повици за проверка на решените пречки на корисниците, од страна на техничките служби ) во однос на потребите на работата
– Давање на информации и технички инструкции за услугите и производите со цел задоволување на барањата на корисникот.
– Проактивна продажба и понуди за задржување на корисници по телефон за реализација на планот за продажба

Способности и вештини:
Комуникациски вештини, напредни продажни вештини, способности за справување со стресни и конфликтни ситуации, способност за тимска и самостојна работа,

Вашата биографија може да ја оставите електронски на апликацијата на следниот линк или истата да ја испратите на следнава адреса: Македонски Телеком АД Скопје, ул. Кеј 13 Ноември бр.6 со назнака оглас за ангажирање за – Агент за контакт центар.

Огласот ќе биде објавен на ден 31.01.2018 година и ќе трае до 06.02.2018 година
Лице за контакт Соња Каргова телефонски број 3 242-602

Работа во смени
Предвидената вкупна нето плата со вклучена компаниска стимулација за ова работно место е во висина од 17.141,00 денари и финансиска мотивација (бонус) за остварување на цели за кориснички услуги.

Доколку на јавниот оглас се пријавиле до 200 кандидати за едно работно место, изборот ќе се изврши во рок од 45 дена, од 201 до 500 кандидати за едно работно место изборот ќе се изврши во рок од 90 дена и над 500 кандидати за едно работно место изборот ќе се изврши во рок од 120 дена, по истекот на рокот на пријавувањето.

Македонски Телеком АД Скопје го задржува правото да не го пополни огласеното работно место.

Нецелосните апликации и оние кои ќе бидат примени по истекот на крајниот рок нема да бидат земени в предвид.

Компании

НБРМ: Бројот на банкротирани фирми расте

Објавено

на

3,2 % изнесува растот на фирми кои банкротирале минатата година покажуваат последните податоци на Народна банка.

Тој процент пак во 2016-та бил 2,1%.

Што ги згаснува македонските компании?

Порастот на стапката на банкротирани фирми во земјава се должи на тоа што повеќе фирми отишле во стечај.

Раст на стапката на банкротирани фирми во земјава, регистрира Народната банка во последниот извештај за финансиска стабилност. Во 2017 година стапката на банкротирани фирми пораснала на 3,2%, додека претходната година или во 2016 изнесува 2,1 %. Растот се должи на тоа што повеќе фирми во таа година отишле во стечај.

Стапката се пресметува како однос на фирмите кои отишле во стечај со вкупниот број активни компании. Кои се причините за ликвидациите, познавачите велат дека долгогодишната криза и слабата ликвидност ги довеле фирмите во долгови. Старите обврски тешко се враќаат, нема наплата, па се става клуч на врата. Како причина се наведува и олеснувањето на можноста за ликвидација.

„Постоечките економски субјекти забележаа малку поголема стапка на излез од пазарот, претставена преку зголемувањето на бројот на правни лица над кои е отворена стечајна постапка. Оттука, во 2017 година дојде до раст на стапката на банкротирани правни лица од 2,1 % на  3,2 %“, стои во извештајот.

Инаку во 2017 година има благо намалување и на претприемачаката иницијатива во земјава ако се гледа преку стапката на годишна промена на формираните нови економски субјекти.

Поради бришењето на фирмите кои се со неактивен статус, од друга страна се намалува бројот на фирми кои се со блокирани сметки, па така во 2017 година, бројот на правни лица со блокирана трансакциска сметка се намалил за над 14%.

Според податоци од Централниот регистар на крајот од 2017 година, вкупниот број на регистрирани нефинансиски правни лица изнесува 111.307, а во 2016 биле 113.978. Од овие во правно-формална смисла на зборот, „постоечки“ субјекти, годишни сметки до Централниот регистар доставиле само 60.000 фирми.

 

Продолжи со читање

Компании

Саудискиот државен инвестициски фонд со интерес за Tesla

Објавено

на

Државниот инвестициски фонд на Саудиска Арабија (PIF) понуди план со кој би бил дел од инвестициската група која ќе ја приватизира Tesla.

Имено мистериозните 70 милијарди долари, кои Илон Маск ги понуди за да ги откупи акциите на Tesla Motors и да ја „тргне“ компанијата од берзата, по се ќе биде обезбедени обезбедени од Државниот инвестициски фонд на Саудиска Арабија. Ова го потврди самиот претприемач во изјавата објавена на официјалниот сајт на производителот. Милијардерот откри дека Саудијците му понудиле да ги купат акциите на Tesla за две години и ветиле дека ќе го финансираат ако се согласи. Маск го објаснува интересот на Арапите за електромобилите, поради желбите и потребата да се намали зависноста на кралството од нафтата.

Последната средба меѓу Маск и претставниците на Саудиска Арабија се одржала на 31 јули. Тоа го потврди уверувањето на претприемачот дека договорот може да се одвива и само треба процесот да започне. Тоа беше фактот што му даде храброст да зборува за „обезбедено финансирање” во неговите најави за преземање на Tesla од берзата минатата недела.

Членовите на одборот на Tesla се подготвуваат да се сретнат со своите финансиски советници оваа недела, за да го оценат предлогот на Мaск.

Продолжи со читање

Компании

Facebook ќе покажува финансиски информации за корисниците во Messenger

Објавено

на

Facebook започна преговори со претставници на најголемите банки и финансиски институции. Идејата е да се испита можноста за интегрирање на нивните услуги во апликацијата Messenger. Компанијата сака да има пристап до податоци за трансакции со кредитна картичка и да го следи билансот на тековната сметка. Информациите ќе се користат во различни функции на Facebook Messenger за да обезбедат податоци за билансот, како и сомнителни активности или предупредувања за измама.

Facebook Messenger во моментов има пристап до финансиски информации од одредени компании за да ги олесни услугите како што се услуги за разговор со клиенти или функции за управување со сметки. Необичен факт е тоа што со договарање на правилата за користење на мобилната апликација, вие дозволувате Facebook Messenger да добие слични податоци, објави CNBC. Плановите на компанијата предвидуваат корисници во реално време да ги видат промените на сметките и извршувањето на разни трансакции.

Поврзувањето на повеќе сметки во голема мера може да им олесни на луѓето и да заштеди време при логирањето во повеќе различни банкарски системи или да преземање на надворешен софтвер. Facebook верува дека повеќето корисници би сакале да го користат Messenger за пристап со претставник на банката, отколку да чекаат да бидат поврзани со нив на телефон. Разговорите меѓу Facebook и финансиските институции се во почетна фаза и допрва се очекуваат повеќе разговори.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange