Connect with us

Компании

Оглас за вработување во гимназија Нова

Објавено

на

Гимназијата Нова објавува оглас за вработување на Менаџер за човечки ресурси – HUMAN RESOURCES (HR) MANAGER.

Менаџерот за човечки ресурси придонесува кон развојот на училиштето преку изработка на стратегија за човечки ресурси, со идентификација на основните потреби, имајќи ги во предвид вредностите, визијата и мисијата на училиштето. Менаџерот ги поставува правилата во човечките ресурси, кои ја развиваат соработка во училиштето, поддршката на вработените, ја помагаат продуктивност, остварувањето на поставените цели и стандарди, реализацијата на нови вработувања и развојот на постоечкиот наставен кадар, администрација и помошен персонал.

Работни задачи:

  1. Вработување
    Го организира или помага процесот на вработување преку: подготовка, разгледување и изработката на работните задачи, објавување на работното место и подготовка на интервјуата со кандидатите, подготовка на компензациски пакет, подготовка и потпишување на работни договори, организирање на сите видови проверки на информации, регистрација на ново-вработените согласно локалната легислатива/законите, како и организација на обуки. Менаџерот е одговорен и за обезбедување на работна дозвола при вработувањето на меѓународен персонал.
  2. Комуникација
    Изработка на методологија за пресметка на плати, бонуси, и друг вид на бенефиции. Подготовка на редовни и веродостојни извештаи, со препорачани следни чекори. Развој и имплементација на програми за тимска соработка и мотивација на вработените.
  3. Управување со работата на вработените
    Имплементација и супервизија на систем коишто ја оценува работата на целата администрација и помошен персонал, обезбедувајќи навремена комуникација, проверка на податоци, поддршка и развој на вработените. Поддршка на раководителите на сите оддели и понуда на соодветни обуки за нивните потреби. Анализа за потребите за разни обуки и организирање на истите, во координација со вработените.
  4. Изработка и чување податоци 
    Надгледување на работата на Бизнис одделот одговорен за подготовка на плати, како и процесот на обезбедување/чување податоци соодветно на локалните законски одредби. Поддршка на процесот на подготовка на плати, бенефиции и други додатоци, како и документи за боледувања и породилни отсуства.

Образование и квалификации
• Претходно работа искуство од најмалку 5 години.
• Завршено високо образовани од областа на човечки ресурси, бизнис администрација, економија, право или слични општествени науки.
• Одлично познавање на говорен и пишан англиски јазик.
• Високо ниво на интегритет и доверливост.
• Способност за изработка на база на податоци и одржување на истата.
• Познавање на Македонските закони за работни односи и безбедност и здравје при работа.

Заинтересираните кандидати треба да достават мотивациско писмо, CV на англиски и потврди/дипломи за завршено образование, како и дополнителни обуки по електорнски пат на info@nova.edu.mk. Крајниот рок за поднесување на документите е 16 февруари 2018 година. Одбраните кандидати ќе бидат известени и повикани на интервју.

Активен до: 16.03.2018 година

Компании

НБРМ: Бројот на банкротирани фирми расте

Објавено

на

3,2 % изнесува растот на фирми кои банкротирале минатата година покажуваат последните податоци на Народна банка.

Тој процент пак во 2016-та бил 2,1%.

Што ги згаснува македонските компании?

Порастот на стапката на банкротирани фирми во земјава се должи на тоа што повеќе фирми отишле во стечај.

Раст на стапката на банкротирани фирми во земјава, регистрира Народната банка во последниот извештај за финансиска стабилност. Во 2017 година стапката на банкротирани фирми пораснала на 3,2%, додека претходната година или во 2016 изнесува 2,1 %. Растот се должи на тоа што повеќе фирми во таа година отишле во стечај.

Стапката се пресметува како однос на фирмите кои отишле во стечај со вкупниот број активни компании. Кои се причините за ликвидациите, познавачите велат дека долгогодишната криза и слабата ликвидност ги довеле фирмите во долгови. Старите обврски тешко се враќаат, нема наплата, па се става клуч на врата. Како причина се наведува и олеснувањето на можноста за ликвидација.

„Постоечките економски субјекти забележаа малку поголема стапка на излез од пазарот, претставена преку зголемувањето на бројот на правни лица над кои е отворена стечајна постапка. Оттука, во 2017 година дојде до раст на стапката на банкротирани правни лица од 2,1 % на  3,2 %“, стои во извештајот.

Инаку во 2017 година има благо намалување и на претприемачаката иницијатива во земјава ако се гледа преку стапката на годишна промена на формираните нови економски субјекти.

Поради бришењето на фирмите кои се со неактивен статус, од друга страна се намалува бројот на фирми кои се со блокирани сметки, па така во 2017 година, бројот на правни лица со блокирана трансакциска сметка се намалил за над 14%.

Според податоци од Централниот регистар на крајот од 2017 година, вкупниот број на регистрирани нефинансиски правни лица изнесува 111.307, а во 2016 биле 113.978. Од овие во правно-формална смисла на зборот, „постоечки“ субјекти, годишни сметки до Централниот регистар доставиле само 60.000 фирми.

 

Продолжи со читање

Компании

Саудискиот државен инвестициски фонд со интерес за Tesla

Објавено

на

Државниот инвестициски фонд на Саудиска Арабија (PIF) понуди план со кој би бил дел од инвестициската група која ќе ја приватизира Tesla.

Имено мистериозните 70 милијарди долари, кои Илон Маск ги понуди за да ги откупи акциите на Tesla Motors и да ја „тргне“ компанијата од берзата, по се ќе биде обезбедени обезбедени од Државниот инвестициски фонд на Саудиска Арабија. Ова го потврди самиот претприемач во изјавата објавена на официјалниот сајт на производителот. Милијардерот откри дека Саудијците му понудиле да ги купат акциите на Tesla за две години и ветиле дека ќе го финансираат ако се согласи. Маск го објаснува интересот на Арапите за електромобилите, поради желбите и потребата да се намали зависноста на кралството од нафтата.

Последната средба меѓу Маск и претставниците на Саудиска Арабија се одржала на 31 јули. Тоа го потврди уверувањето на претприемачот дека договорот може да се одвива и само треба процесот да започне. Тоа беше фактот што му даде храброст да зборува за „обезбедено финансирање” во неговите најави за преземање на Tesla од берзата минатата недела.

Членовите на одборот на Tesla се подготвуваат да се сретнат со своите финансиски советници оваа недела, за да го оценат предлогот на Мaск.

Продолжи со читање

Компании

Facebook ќе покажува финансиски информации за корисниците во Messenger

Објавено

на

Facebook започна преговори со претставници на најголемите банки и финансиски институции. Идејата е да се испита можноста за интегрирање на нивните услуги во апликацијата Messenger. Компанијата сака да има пристап до податоци за трансакции со кредитна картичка и да го следи билансот на тековната сметка. Информациите ќе се користат во различни функции на Facebook Messenger за да обезбедат податоци за билансот, како и сомнителни активности или предупредувања за измама.

Facebook Messenger во моментов има пристап до финансиски информации од одредени компании за да ги олесни услугите како што се услуги за разговор со клиенти или функции за управување со сметки. Необичен факт е тоа што со договарање на правилата за користење на мобилната апликација, вие дозволувате Facebook Messenger да добие слични податоци, објави CNBC. Плановите на компанијата предвидуваат корисници во реално време да ги видат промените на сметките и извршувањето на разни трансакции.

Поврзувањето на повеќе сметки во голема мера може да им олесни на луѓето и да заштеди време при логирањето во повеќе различни банкарски системи или да преземање на надворешен софтвер. Facebook верува дека повеќето корисници би сакале да го користат Messenger за пристап со претставник на банката, отколку да чекаат да бидат поврзани со нив на телефон. Разговорите меѓу Facebook и финансиските институции се во почетна фаза и допрва се очекуваат повеќе разговори.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange