Connect with us

Компании

Оглас за вработување во Алкалоид

Објавено

на

Здравото човечко тело понекогаш буди повеќе од искрена восхит. За нас во АЛКАЛОИД, постојана инспирација и стремеж е да го заштитиме и да го зачуваме овој скапоцен подарок на природата. Осум децении со неуморна страст создаваме производи кои се синоним за врвен квалитет. Постојано инвестираме во нашиот сон за поздрав живот на секој поединец затоа што веруваме дека

ЗДРАВЈЕТО Е ПРЕД СÈ… 

Доколку имате желба да бидете дел од тимот креативци и да ги остварите своите амбициии, доколку имате визија за својот личен успех, желба да покажете дека сте единствени, доколку сте посветени, лојални, креативни, насочени кон постигнување резултати и доколку размислувате долгорочно, а сè со цел заеднички да придонесеме за растот и за развојот на една од најуспешните компании во регионот, со внимание проследете го овој оглас.

А Л К А Л О И Д А Д С К О П Ј Е

го објавува следното слободно работно место:

1. ОЕ Корпоративни служби – Оддел за маркетинг-комуникации
1.1. Специјалист за социјални медиуми – 1 (еден)

Потребни квалификации и вештини:

– Задолжително е работно искуство од минимум 2 години во маркетинг агенција или во агенција за дигитални комуникации
– ВСС – пожелно е кандидатот да има завршено Економски факултет – Маркетинг/Е-бизнис
– Одлично познавање на работата во пакетот Microsoft Office (Excel, Word, Power Point).
– Одлично познавање англиски јазик.
– Ефективни copywriting способности за дигитални медиуми.
– Одлично познавање на интернет-маркетингот и на социјалните мрежи
– Креативност, проактивност
– Високоразвиени интерперсонални и маркетинг-вештини
– Максимална посветеност и одговорност кон реализирање проекти и почитување рокови

Цел и одговорност на работното место:

– Водење на брендовите на социјалните медиуми
– Креирање стратегии за социјални медиуми за брендовите
– Изработка на комуникациски планови за брендовите
– Следење и анализа на дигиталниот пазар/социјалните медиуми
– Менаџирање на онлајн-заедниците и на репутацијата на брендовите
– Креирање, следење и оптимизирање на кампањите за брендовите преку социјалните медиуми
– Управување со веб-страниците на брендовите
– Следење на најновите трендови и нивна имплементација во секојдневното работење

Работниот однос за позицијата се заснова на определено време од 6 (шест) месеци, со можност за продолжување на договорот.
Дневното работно време на оваа позиција е 8 часа, со почеток од 7:30 до 15:30 часот. Неделното работно време е од понеделник до петок.

Предвидената основна нето-плата за позицијата е од 26.000 МКД до 35.000 МКД, во зависност од работното искуство на кандидатот.

Писмото за мотивација, кратката биографија со фотографија, копијата од уверението за завршеното потребно образование, копијата од сертификати и од дипломи да се достават на следната електронска пошта:

career@alkaloid.com.mk

со назнака: „За оглас – 1.1. Специјалист за социјални медиуми“.

При изборот на најповолен кандидат ќе биде спроведен процес на селекција, проследен со тестирања и со интервјуа.

Само кандидатите кои ќе достават комплетна документација и кои ги исполнуваат бараните услови наведени во огласот ќе бидат вклучени во процесот на селекција и ќе бидат соодветно известувани за неговиот тек.

Огласот трае 5 (пет) работни дена од денот на неговото објавување.

Изборот на најдобрите кандидати ќе биде извршен во рок од 45, 90 или од 120 дена од завршување на рокот за пријавување, а во зависност од бројот на пријавените кандидати, согласно со Членот 23 од Законот за работни односи.

Компании

Тоа што е добро за газдата, не мора да значи дека е добро за купувачот!

Објавено

на

Ryanair е нискобуџетна авиокомпанија и е главен конкурент на WizzAir. Цената на авионската картата кај овие превозници е реално ниска, но ако сакате поголем багаж или да си одберете седиште треба да платите. Всушност, освен основната карта за летот, се останато се наплаќа. Но, почнавме да се прашуваме што доколку вакви цени добијат директорите на овие авиокомпании. За среќа, има вистинска случка со директорот на Ryanair. (more…)

Продолжи со читање

Компании

Почина Пол Ален, ко-основачот на Microsoft

Објавено

на

Ko-основачот на Microsoft, Пол Ален почина вчера на 65 години. Претходно, тој и соопшти на јавноста дека ракот што веќе еднаш го лекувал, му се вратил. (more…)

Продолжи со читање

Компании

Гигантот „Sears“ замина во историјата

Објавено

на

Некогаш доминантниот американски трговски синџир „Sears“, кој го смени начинот на пазарење и животен стил на Американците, поднесе барање за банкрот.

„Sears“, 132 години стариот трговски ланец во најбогатата земја на светот, долги години се бори за опстанок, тонејќи во долгови.

Капката која ја прелеа чашата и ги натера сопствениците да побараат банкрот, бил долгот од 134 милиони долари кој доспеал денеска за наплата, а тие едноставно не се во можност да го платат.

На почетокот на летото најавија затворање на дури 78 непрофитабилни трговски објекти, од почетокот на годинава е ставен клуч на 166 продавници, а вкупните долгови на „Sears“ веќе достигнаа 5 милијарди долари.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange