Connect with us

Домашни банки

НЛБ Банка со добивка од скоро 35 милиони евра во 2017 година!

Објавено

на

Во периодот од 01.01.2017 година до 31.12.2017 година НЛБ Банка АД Скопје работеше согласно усвоената Деловна политика на Банката за 2017-та година, прилагодувајќи го тековното работење на економските и пазарните услови во земјата. Банката, во 2017-та година, ги оствари планираните оперативни и финансиски цели, при што зачувана е високата ликвидност, стабилност и солвентност на Банката.

Во 2017-та година, билансната сума достигна 75.755.644 илјади МКД, односно забележа пораст од 4.112.298 илјади МКД или 5,7% во однос на 2016 година, што главно се должи на порастот на депозитите од небанкарскиот сектор, коишто остварија пораст од3.484.100 илјади МКД или 6,0% и достигнаa61.570.593 илјади МКД.

Вкупните кредити на небанкарскиот сектор се зголемија за 2.625.181 илјади МКД или за 5,7% во однос на 2016 година и изнесуваа 48.716.824 илјади МКД. Притоа, кредитите на нефинансиските друштва се зголемија за 0,5% или за 105.351 илјади МКД и изнесуваа 19.834.525 илјади МКД, додека кредитите на населението се зголемија за 9,6% или за 2.519.830 илјади МКД и изнесуваа 28.882.299 илјади МКД.

Во декември 2017 година, Банката потпиша договор за продажба на уделот во НЛБ Нов Пензиски Фонд којшто преставува 49% од вкупниот капитал на НЛБ Нов Пензиски Фонд, со што НЛБ Нов Пензиски Фонд повеќе не претставува придружено друштво на Банката и оттука направена е промена на сметководствениот третман на истото заклучно со 31.12.2017 година како Нетековно средство кое се чува за продажба.

Нето добивката на Банката за период 01.01. -31.12.2017 година изнесува 2.124.947 илјади МКД и е повисока за 34,6% во однос на 2016 година.

Нето каматните приходи, заклучно со 31.12.2017 година се повисоки за 4,8% споредено со претходната година, при што приходите од камати се пониски за 1,6%, додека расходите по камати се пониски за 22,9%.

Нето приходите од провизии се повисоки за 8,2%, при штоприходите од провизии се повисоки одминатата година за 6,6% како резултат на остварен пораст во доменот на картичното работење (зголемен број на картички, повисок промет преку картичките и зголемен број на трансакции на ПОС терминали), повисоки приходи од платен промет во земјата, како и повисоки приходи од провизии од продажба на полиси и управување со трансакциски сметки.Расходите за провизии се повисоки за 3,2%,главно поради повисоки расходи за провизии за меѓубанкарско порамнување од картично работење, соодветно на зголемениот промет со картичките.

Останатите некаматни приходиизнесуваат 502.481 илјади МКД и се повисоки за 67,3% во однос на истиот периодод минатата година поради ослободување на резервации за правен ризик.

Вкупните приходи од работење изнесуваат 4.384.821 илјади МКД и се повисоки за 10,4% во однос на претходната година.

Вкупните оперативни трошоци изнесуваат 1.807.352 илјади МКД и се пониски за 3,2% во однос на претходната година.Трошоците за вработени сеповисоки за 1,9%, трошоците за амортизација се повисоки за 12,9%,додека останатите расходи од дејност се пониски за 10,0% во однос на претходната година главно поради повисока споредбена основа. Во текот на 2016 година беа издвоени резервации за правен ризик кои во текот на 2017 година се ослободени по добиена конечна позитивна пресуда.

Во 2017 година беа издвоени Исправки на вредноста на финансиските средства, на нето основа,во износ од 468.571 илјади МКД. Издвоените исправки соодветствуваат на структурата и квалитетот на пласманите на Банката.

Исправките на вредност на нефинансиските средства изнесуваат221.733 илјади МКД (ослободување) и се понискиво однос на 2016 годинапоради ослободување на ревалоризациска резерва по основ на продажба на преземени средства од ненаплативи побарувања.

Во декември 2017 година, Банката склучи спогодба со осигурителната компанија за надоместна 80% од утврдената висина на штетата од реализиран штетен настан од април 2017 година,кој износ беше наплатен во јануари 2018 година.Преостанатиот дел од штетата,во износод 35.241 илјади МКД,Банката го евидентираше како трошок во Билансот на успех заклучно со 31.12.2017 година на позицијата останати расходи од дејноста.

Домашни банки

Халкбанк и Манаки со заедничка желба за зачувување на вистинските културни вредности

Објавено

на

Во насока на поддржување на филмската традиција и промоција на вистинските културни вредности, Халкбанк и Интернационалниот фестивал на филмска камера „Браќа Манаки“ го објавија официјалното партнерство за годинешното издание на фестивалот.

Имено, на 39-тото издание на „Браќа Манаки“, Халкбанк за првпат се јавува како ексклузивен „Платинум партнер“, сакајќи да оддаде почит на филмската уметност, на кинематограферите и на сите филмски работници воопшто, а во насока на најновата корпоративна платформа на Банката „Важни се луѓето“, со која на секого му се оддава признание како на важен поединец, градејќи и негувајќи долгорочни односи со своите корисници и со севкупната заедница.

„Како прв и најстар филмски фестивал посветен на креативноста на светските кинематографери, ИФФК ‚Браќа Манаки‛ несомнено е врвен културен настан кој стои рамо до рамо со огромниот број светски филмски фестивали. Ние како компанија отсекогаш сме ја препознавале важноста на филмографијата и, воопшто, на севкупната македонска култура, па оттука нашата поддршка на годинешното издание на фестивалот е искрена и истовремено во согласност со нашата корпоративна платформа, која нѐ позиционира како  ‚банка на сите луѓе‛. Ни претставува огромна чест што заедно со ‚Манаки‛ имаме прилика да ја пренесеме пораката дека вистинските културни вредности се навистина важни и треба долгорочно да се негуваат“, изјави Маја Наумовска од Дирекцијата за односи со јавноста во Халкбанк.

Од ИФФК „Браќа Манаки“, пак, истакнаа дека задоволството е обострано, особено кога се работи со општествено одговорни компании кои искрено го сакаат филмот и даваат несебична поддршка со цел што подолго да го зачуваме најстариот фестивал, кој и како земја нѐ позиционира високо на светската културна мапа.

„Во Халкбанк препознавме вистински достоен партнер кој искрено верува во значењето на филмската уметност и традицијата и автентичноста на ‚Браќа Манаки‛. Сакам да изразам голема благодарност до целиот нивни тим кој посветено нѐ следеше на сите прес-конференции и се надевам дека тие ќе останат со нас подолго време и заедно ќе ја негуваме љубовта кон филмот и ќе придонесеме кон уште поголема промоција на филмската индустрија во Македонија“, изјави Гена Теодосиевска, директор на ИФФК „Браќа Манаки“.

Инаку, 39-тото издание на ИФФК „Браќа Манаки“ се одржува традиционално во Битола, во Центарот за култура, од 22 до 29 септември, а годинешното мото гласи „HATS OFF” или „Симнуваме капа“, во знак на почит кон традицијата на фестивалот, кинематограферите и кон сите филмски работници воопшто, кон градот Битола и кон публиката.

Продолжи со читање

Домашни банки

Девизни плаќања со пониски провизии со ТТК Банка

Објавено

на

ТТК Банка АД Скопје ги намали провизиите за девизни плаќања за физички и правни лица во промотивен период со важност до 31.12.2018 година. Понудата овозможува брза и сигурна реализација на плаќањата во странство или на девизните приливи со најниски провизии и намалување на трошоците во девизниот платен промет.

За девизните плаќања на правни лица – ностро дознаки, без разлика на износот, провизијата изнесува 0,15% односно мин. 500,00 денари. Трошоците – OUR изнесуваат 900,00 денари, додека  SWIFT трошоците 300 денари. За обработка на приливите од странство, лоро дознаки од правно лице, провизијата изнесува 0,08% односно мин. 500,00 денари.

Девизниот прилив за физички лица, доколку е одлежан во Банката 5 дена, се исплатува без провизија. Во спротивно, провизијата за исплата на прилив до 6.000,00 денари (во денарска противвредност) изнесува 100,00 денари, односно за износи над 6.000,00 денари изнесува 0,30% односно минимум 150,00 денари.

За девизните плаќања – ностро дознаки на физички лица до 9.000,00 денари (во денарска противвредност) Банката наплатува вкупно 850,00 денари. За плаќањата на износ над 9.000,00 денари се наплатува провизија од 0,15% односно минимум 350,00 денари. Трошоците –  OUR изнесуваат 900,00 денари, додека  SWIFT трошоците 300,00 денари.

ТТК Банка АД Скопје нуди квалитетна и ефикасна услуга за девизни плаќања и девизни приливи од/во сите земји во светот преку мрежа на коресподентски банки. Услугата е достапна во сите експозитури/филијали на Банката.

Подетални информации можете да добиете во секоја експозитура/филијала на ТТК Банка АД Скопје како и на интернет-страницата на Банката.

Продолжи со читање

Домашни банки

Акциите на НЛБ Банка активни на берзата во вредност од минимум 5,3 милиони денари

Објавено

на

Во блок трансакција вредна 5,3 милиони денари вчера на Македонската берза се продадоа 380 акции од НЛБ Банка. Акциите се продадоа по цена од 13.950 денари за акција.

На оваа трансакција и претходеше продажбата на 85 акции на банката од страна на Борислав Атанасовски, Член на Надзорниот одбор.

НЛБ Банка е една од најголемите банки во Македонија. Исто така, за првиот квартал од 2018 година, како компанија што котира на берзата, беше една од најпрофитабилните компании.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange