Connect with us

Платежни картички

НЕДЕЛА НА ПЛАТЕЖНИ КАРТИЧКИ: Работи што секогаш треба да ги купувате со кредитна картичка

Објавено

на

Генерално кредитните картички не се препорачува да се користат секојдневно. Со нив не би требало да ги вршите најосновните трансакции, но од друга страна има работи кои се препопрачува да се купуваат исклучиво со кредитна картичка поради поголемата сигурност која се смета дека ја имаат.

Електронски уреди

Секогаш практикувајте кога купувате електроника истата да ја плаќате со кредитна картичка. Првично плус може да ви биде што многу често овој тип на производи се врзани со дополнителни поени кои ги добивате од компанијата при плаќањето со кредитна картичка, а има и одредени картички кои нудат одредени бенефиции како подолга гаранција на самиот произод.

Влезници за одредени настани

Во овој случај плаќањето со кредитна картичка не е толку врзано со сигурноста туку повеќе со тоа што најчесто при вакви настани се прават одредени промоции при кои вашата бенефиција би бил некој дополнителен попуст на влезницата која ја купувате.

Патувања

Луѓето при патувањата најчесто осигурувањето го купуваат посебно преку осигурителни компании, но добрата вест е дека има кредитни картички со кои таа опција следува при самото плаќање на аранжман за патување со картичката. Исто така понекогаш плаќањето со одредена кредитна картичка може да ве ослободи од трошоците кои би ги имале поради откажување на патувањето, а многу кредитни картички ви гарантираат и безбедност на вашиот багаж.

Рентање автомобил

Кога рентате автомобил секогаш постои ризикот дека ќе бидете изложени на некој дополнителен трошок доколку нешто му се случи на автомобилот. Доколку платите со одредени кредитни имате осигурување кое би ги покривало основните трошоци доколку нешто се случи , но не и трошоците при повреда или некоја поголема несреќа.

Сметки за телефон

Доколку стравувате дека вашиот телефон може да биде украден некои кредитни картички имаат решение и за вас. Ако плаќањето на вашите сметки константно го вршите исклучиво само преку една кредитна картичка постои можност оној кој ја издава кредитната картичка да ви понуди одредено покривање на трошокот кој би требало да биде подмирен при кражба или оштетување на телефонот. 

Онлајн купување

При онлајн купувањето најчестите совети е да се користи токму кредитната картичка. Има кредитни картички кои нудат повраток на средства при доколку се случи некоја измама. Се смета дека кредитните картички се најдобриот избор за онлајн плаќање и поради поголемата сигурност која ја нудат. Сепак, бидејќи ваквите онлајн измами за жал не се ретки, секогаш внимавајте сајтот од кој купувате да е безбеден за плаќање. Запамтете дека доколку видите мало катанче каде што стои името на веб сајтот во вашиот пребарувач или доколку адресата започнува со https наместо со http, тогаш сајтот безбеден и можете слободно да извршите купување. 

 

Повеќе
Реклама here code

Платежни картички

Опуштено купување со кредитните картички на Стопанска банка Скопје – 0% минимален износ во февруари

Објавено

на

Наградувајќи ја довербата на клиентите, Стопанска банка АД Скопје во Февруари 2018 овозможува цел месец опуштени купувања со намалени месечни трошоци за отплата. (more…)

Продолжи со читање

Платежни картички

MasterCard кредитна картичка со 0% замрзната каматна стапка до крајот на април

Објавено

на

Стопанска банка АД – Скопје започна со промоција за новоиздадени MasterCard кредитни картички и за сите кои ќе ја искористат промотивната понуда обезбеди замрзната каматна стапка од 0% за сите трансакции направени во трговија, шалтер или на банкомат до крајот на април.
(more…)

Продолжи со читање

Платежни картички

Dynamics Wallet Card – нова мултифункционална картичка од Visa

Објавено

на

Visa и Dynamics повторно со својата иновативност докажаа дека се чекор пред другите и понудија уникатно решение за сите корисници. Тие претставија нова мултифункционална картичка Dynamics Wallet Card што чува податоци од различни дебитни, кредитни и картички за лојалност.

Dynamics Wallet Card ima иста форма и големина како и вообичаените Visa картички. Разликата е во тоа што таа е надградена со чип од мобилен телефон кој е вграден во картичката и антена кои овозможуваат низа нови подобрени функции.

Исто така, има и дисплеј од 65.000 мегапиксели што овозможува пренесување на информации од и до картичката на било кое место и во било кој период од денот. Доколку досега корисниците известувањата за извршените трансакции или моменталните состојби на сметката ги добивале на својот мобилен телефон , со овој новитет истите информации и известувања тие ќе ги добиваат директно на своите картички.

Дисплејот покажува која картичка се користи во моментот, а доколку некоја информација биде компромитирана, банката веднаш ги брише и креира нова сметка. Ако се забележи сомнителна зделка корисникот одбира опција Not Me да пријави злоупотреба и бара нов број на картичка на лице место.

Според Visa, дигиталната картичка самостојно наплаќа и банките можат да ги издаваат во малопродажните филијали. Клиентите потоа ги активираат и веднаш ги “полнат“ со податоците од останатите картички.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange