Connect with us

Форекс

НЕДЕЛА НА КРИПТОВАЛУТИ: Етериум е сериозен конкурент на Биткоин

Објавено

на

Криптовалутите полека, но сигурно стануваат тренд. Нашироко се зборувани низ целиот свет и секојдневно се зголемува бројот на луѓе кои се одлучуваат да навлезат во бизниси поврзани со овие дигитални валути. Секоја нивна промена будно се следи, а најозборуван е секако Биткоинот. Но, што е со Етериумот?

Ова е валутата која цврсто го држи второто место на пазарот и се смета за сериозен конкурент на Биткоинот. Во јуни оваа година Етериумот достигна вредност од 420 долари. Иако ова тогаш изнесуваше само една десетина од вредноста на Биткоинот сепак Етериумот има квалитети кои се од суштинско значење за инвеститорите.

Биткоинот е криптовалута, но Етериумот e платформа со огромен потенцијал. Етериум ги поврзува т..н ,,блокови,, или евиденцијата на трансакции побрзо од Биткоин и неговите корисници сметаат дека оваа ефикасност го олеснува користењето.

Оваа година Етериумот го има доживеано и  својот најголем пад. Од 319 долари падна на само 10 центи во неколку секунди. Брзо потоа ја врати својата вредност и моментално на пазарот се тргува по цена од 330 долари.

Но, какви разлики постојат помеѓу оваа валута и Биткоинот?

Иако двете валути се базираат на blockchain технологија, многумина сметаат дека Етериум има многу подобра технологија. Blockchain технологијата е како DNA на дигиталната валута. Во неа се запишани сите направени трансакции и оваа технологија овозможува парите да бидат следени секаде во web просторот. На овој начин истите не може да се копираат или фалсификуваат. Овој вид на технологија кај Етериумот има една клучна разлика во однос на Биткоинот.

Постојат т.н ,,паметни договори,, кои освен што ги следи трансакциите и ги програмира. Паметен договор е фраза која што се употребува за да се опише компјутерскиот код кој ја олеснува размената на пари, сопственост, акции или било што што има вредност. Се базираат на blockchain технологијата и работат точно како што се програмирани без никаква можност за измама или мешање од трети лица. Токму затоа овој систем кој се смета за поиновативен и посигурен е повеќе популарен кај големите компании. Пример, Barcklays Британски мултинационален банкарски и финансиски сервис, ги користи овие т.н паметни договори во процесот на тргување. 

 

Форекс

До 50% намалени провизии за тргување со акции со Шпаркасе Банка Македонија!

Објавено

на

Шпаркасе Банка Македонија воведе најнова промоција, со која на своите новорегистрирани клиенти им овозможува тргување со акции на Македонска берза АД Скопје – со намалени провизии за тргување до 50% од редовните надоместоци, во промотивниот период од 1.7. – 30.9.2018 година.  (more…)

Продолжи со читање

Форекс

Предности и слабости на Форекс

Објавено

на

Foreign Exchange (FOREX) се однесува на девизниот пазар. Тоа е пазар во кој се тргува со најголемите светски валути. Се смета за најголем и најликвиден пазар во светот. Не е игра на среќа, ниту пак пирамидална измама. Но, бара трпение, упорност и знаење.

Ние излиставме многу предности и слабости на ваквиот начин на тргување, но решивме да ги издвоиме најглавните и да ги споделиме со вас.

Предности на Форекс се: 

  1. Една од најдобрите страни е што не е потребна голема инвестиција. Односно не ви е потребна скапа технологија за да започнете со тргување. Доволно е да имате сопствен компјутер и стабилна интернет конекција.
  2. Форекс ви дава слобода. Не сте врзани ниту за канцаларија ниту имате директор пред кој одговарате. Сами одлучувате кога, од каде и колку ќе работите. Поентата е во тоа што Форекс е глобален, децентрализиран пазар кој работи 24 часа.
  3. Можете да заработите повеќе од една плата во месецот.

Слабости на Форекс се:

  1. Доколку не знаете точно што правите и не ги разбирате доволно добро финансиските пазари, наместо добивка, може да доживеете голема загуба.
  2. Нема кој да ве спречи да направите грешка. Ќе згрешите и многу често ќе се прашувате каде сте згрешиле. Нема да имате претпоставен и поискусен до вас, кој ќе ви ја објасни грешката. Се ќе мора да учите сами.
  3. Мора да инвестирате голем капитал, ако сакате да станете богати. Ова го зголемува ризикот.

При носење на одлука дали да започнете да тргувате, мора да бидете сигурни дека сте ментално стабилна личност и спремни да превземете поголем ризик врз себе. Колку што можете да заработите, толку можете и да изгубите. Пазарот е непредвидлив и се менува секоја секунда.

Продолжи со читање

Форекс

Годишниот промет на Македонска берза со пораст од 56,7% во 2017 година

Објавено

на

Македонска берза го објави Годишниот статистички билтен според кој прометот остварен за 2017 година изнесува 4.738.444.919 денари или 56,7% повеќе во однос на 2016 година кога изнесувал 3.023.394.172 денари.

Класичното тргување опфаќа најголем дел од прометот, односно 2.907.809.921 денари, потоа блок трансакциите 1.817.744.356 денари и јавните берзански аукции 12.890.642 денари.

Според податоците бројот на трансакциите изнесувал 16.045 што е за 25.7% повисок од 2016 каде се рализирале 12.765 трансакции.

Пазарната капитализација во 2017 година изнесуваше 136.338.756.416 денари и е повисока за 17,8% во однос на 2016 година кога изнесувала 115.710.274.852 денари.

Најтргувани акции на официјалниот пазар во 2017 година се акциите на Комерцијална банка, Алкалоид АД Скопје, НЛБ Банка АД Скопје, Стопанска банка АД Скопје, Макпетрол АД Скопје, Гранит Скопје, Македонијатурист Скопје, Охридска банка, ТТК Банка Скопје и УНИ Банка Скопје.

Годишниот статистички билтен на Македонска берза, за периодот од 01.01 – 31.12.2017 година можете да го погледнете на линк.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange