Connect with us

Колумни

КОЛУМНА: Доколку сакате да напредувате во кариерата – сменете го работното место!

Објавено

на

Дали сте човек кој го прифаќа или избегнува ризикот? Потребно ви е да си дадете одговор на ова прашање доколку сакате да ја започнете потрагата по среќна и успешна кариера. 

Многу луѓе едноставно “се парализираат” кога размислуваат за промена на нивната работа. Без разлика на кое ниво во вашата кариера се наоѓате, дали сте на самиот почеток, дали веќе сте искачиле неколку скалила или пак сте го освоиле врвот, верувајте дека секогаш можете многу повеќе. Најголемиот дел од луѓето се чувствуваат едноставно комфорно на своите освоени позиции без разлика на поголемиот дел од условите. Многумина од оние кои имале цел да достигнат одредено ниво, најчесто откако ќе се најдат на истото знаејќи колку била тешка “борбата” да стигнат до тоа се плашат да превземат чекор за нешто повеќе.

Сместени во својата удобна зона на работното место единствената опција која ја избираат многу луѓе е да продолжат да го прават она што го прават веќе подолги години едноставно бидејќи се доволно добри во истото, не им е воопшто тешко, немаат потреба да се предизвикуваат себеси за да добијат повеќе, ги сакаат своите колеги, мислат дека можеби следната година нешто ќе се промени во нивната работа, веќе имаат премногу обврски во својот приватен живот и воопшто не се заинтересирани за барање на друга работа, а секако и барањето нова работа претставува осетлива тема која според нив носи голем ризик со себе од кој се разбира мора да се заштитат.

Заборавете го сето ова! Овој тип на луѓе речиси воопшто не размислуваат за своите кариери. Без разлика колку е досадна нивната позиција и колку (не)среќни ги прави истата чувството на моментална сигурност ги победува сите изгледи за преземање на нов чекор. Верувајте дека ниската плата, работното окружување,  лошата компанија во која што работеле не се пресудни секогаш за промена на работното на место на луѓето кои навистина сакаат да напредуваат во својата кариера. Овој тип на луѓе кои никогаш не се презаситуваат со сопствениот успех се подготвени секогаш да зграбат нешто ново и нешто повеќе и секоја своја моментална позиција ја гледаат како одлична можност, но никогаш не ги затвораат вратите и за нешто кое понатаму ќе им се понуди. Ги напуштаат добрите компании за уште подобри, ги оставаат стекнатите пријатели на работа (со кои се разбира ќе се дружат надвор од работното место) и запознаваат нови луѓе во ново работно окружување. Платата од која ќе речете дека секој треба да биде задоволен тие ја менуваат со уште поголема. Овие луѓе се оние кои вистински ја градат својата кариера. Сите тие започнале многу едноставно. Само го промениле своето работно место. 

Луѓето кои се подготвени да ја променат својата работа сакаат да учат нови нешта, да отвораат нови хоризонти. Секоја промена на работно место, секој ден изминат во различна компанија тие го гледаат како можност за да ги зголемат своите знаења. Со тоа ја градат и својата приказна за сето она кое го искусиле во животот. Со секој следен чекор тие ја прошируваат истата. Менувањето на работата овозможува познанства со нови луѓе. Затворениот круг на добри или лоши колеги ќе биде само минато. Како од работата така и од луѓето ќе научите многу. Ќе бидете во чекор со промените на пазарот на кој се “продавате”. Со менувањето на вашите работни места после одреден период вие ќе станете бренд. Менувањето на работа едноставно ве созрева. Вистина е дека не можат сите да бидат како оној мал дел на луѓе кои постојано се во потрага по нешто ново и едноставно немаат сопирачки. Но, да признаеме дека голем дел од луѓето се едноставно пасивни кога станува збор за менувањето на работа. Се плашат да се соочат со новите работи. Се плашат да бидат одбиени. Дури и ако направат еден чекор и првиот пат бидат одбиени тие тивко се враќаат во својата удобна зона и одлучуваат дека тоа е подобро од одбивањето кое го доживеале. Кариерата не се гради преку ноќ. Сите некогаш биле одбиени. Размислете на сите оние кои биле прифатени. Кои не се откажале и по неколку обиди и сега гордо се качуваат на скалилата на успехот. Целта на менувањето на работата е токму тоа. Да сфатите дека во светот има премногу луѓе и дека не треба сите да ве одобрат. Тоа е во ред. Не можете да му се допаднете некому. Едноставно и вие не сакате својот талент да му го доверите на секој. 

Со менувањето на работата ќе ја потврдите својата страст. Верувајте дека ќе се пронајдете себеси многу повеќе отколку што мислите. Кога еднаш ќе се одлучите за тоа ќе почнете да размислувате во други димензии. Новото работно место ќе ви отвори нови видици. Можеби ќе бидете задоволни, можеби ќе сфатите дека сакате нешто уште повеќе. Најважното од се е дека вие навистина можете повеќе. Откако ќе ги научите правилата на играта ќе играте подобро од сите. Не се откажувајте од моќта која што се поседувате само бидејќи мислите дека ја немате. Вашата иднина зависи од она кое го правите денеска. Замислете си слика за вас каде сакате да бидете. Се наоѓате ли на истото место како сега? 

Патот до успехот не е лесен. Патот до успешна и воедно среќна кариера уште помалку. Верувајте дека тоа зависи само од вас. Не се задоволувајте со просечни работи. Сакате да имате успешна кариера? Работете на тоа! Ве плаши ли помислата за промена? Тогаш мора нешто добро да излезе од истата. Најтешката работа е да се донесе одлука за акција. А потоа, можете да направите се што ќе одлучите да направите. Еден ден ќе бидете токму на местото што го замисливте. Чекор по чекор ќе ја изградите својата кариера од соништата. Зад вас ќе имате нешто толку големо и вредно што започнало со само еден мал, за вас моментално застрашувачки чекор – промена на работното место. 

 

 

 

Повеќе

Колумни

Електронска банка за правни субјекти – лесен и сигурен одговор на модерните предизвици

Објавено

на

Примарната дејност на Банките е да посредуваат помеѓу сопствениците на вишок капитал и оние кои имаат потреба од капитал. При извршувањето на својата дејност банките секогаш се трудат да ги задоволат потребите на клиентите, да го пратат и поддржуваат нивниот развој и да понудат беспрекорни услуги. Следејќи ги потребите на клиентите, пазарните движења и развојот на новите технологии, банките развиваат и усовршуваат платформи (меѓу кои и електронската банка), преку што ја унапредуваат соработката со своите клиенти, на начин кој значително им го олеснува работењето, особено во платниот промет кој е суштинска банкарска операција. (more…)

Продолжи со читање

Колумни

Клиент заглавен во експозитура на банка

Објавено

на

Стануваш наутро и сфаќаш дека денот нема да тргне на добро. Навиката ти вика користи мобилна апликација и плаќај што сакаш. Реалноста ти вика за тоа да го направиш мора да одиш да си ставиш пари на сметка. Стигаш кај најблиските банкомати, сфаќаш дека картичката што овозможува да ставиш пари од банкомат е истечена.

(more…)

Продолжи со читање

Колумни

It’s a Digital, Digital world!

Објавено

на

Да, ова е дигитален свет и иако не се родивме во таков, дефинитивно ни годи!

Добар дел од компаниите и брендовите во денешницата се создадени на овој фронтиер и се пред своето време, друг дел одлично се адаптирани, но постојат и оние кои не се снаоѓаат најдобро во истиот. Затоа одвојте дел од вашето скапоцено време, за да позборуваме за социјалните медиуми и дигиталниот маркетинг.

Ќе почнам со најинтересното и воедно најкрупното нешто кое ни се случува – социјалните медиуми. Колку и што од можеме да добиеме од нив?

Имено, на почетоците од мојата кариера со малку искуство, малку познавање на графички дизајн, малку контакти, но многу желба и идеи, социјалните мрежи беа „тука за мене“. Ми понудија начин да експериментирам во комуникацијата со различните целни групи. Открив многу интересни модели на однесување на публиката. Сето ова ме чинеше само: интернет, струја и некоја кутија цигари… Тогаш, да бидам искрен не замислував дека од оваа социјална мрежа ќе се роди цела индустрија и ќе биде еден од водечките канали застапен во буџетите. За мене на маркетинг тронот се уште беа традиционалните медиуми и пристапи. Но, еве после 10 години сум горд застапник на социјалните мрежи и дигиталните комуникации и тврдам дека нивното време допрва доаѓа.

Последните 6 години сум во автомобилската индустрија во која маркетинг буџетите драстично се намалија во изминатите 8 години. Слабата продажба и увозот на користени автомобили, значително ја отежнаа работата на луѓето и агенциите задолжени за маркетинг. Социјалните мрежи во овие „кризни времиња“ се покажаа како секирче на мраз за да се продолжи качувањето нагоре.

Секој корисник на различна социјална мрежа има различна природа или е од различен вид. Така на пример, ако го земеме просечниот корисник на најпопуларната мрежа Facebook, тој се карактеризира со потреба да му се обратите лично. Затоа ги имаме оние коментари како „cena?”„ima 38?“… Ова од вас бара поголема посветеност и ресурси, но од друга страна овозможува директно да допрете до корисникот од овој вид. Со последните новини кои овозможуваат на секој коментар да одговорите во приватна порака, апсолутно се подобрува директното обраќање и ви се овозможува на корисникот да му дадете “tailor made” понуда. Социјалните мрежи, како и корисниците се жива материја. Тие се менуваат регуларно. Она што допрва доаѓа и ќе се покаже „поживо“ од било што друго е Вештачката интелигенција. Иронично нели?

Останатите новини коа беа воведени конкретно на Facebook во последните години како Instant Articles го задржуваат корисникот на мрежата дури и кога тој мисли дека веќе излегол. Апсолутно сите истражувања покажуваат дека користењето на социјалните мрежи расте и дека порталите т.е. веб страните се борат за 30 до 60 секунди внимание кое корисникот би го потрошил на нивниот сајт и веднаш би се вратил да “скрола“ на мрежата. Ова е уште еден факт за исплатливоста на инвестицијата во платен маркетинг на социјалните мрежи.

Но, внимавајте, во буџетот секогаш да предвидите микс од Онлајн, Дигитални и Социјални медиуми. Бидејќи со дедицирање на целиот закуп само на социјални медиуми ризикувате да не добиете доволна ПР поддршка кај веб страните кои се од интерес за вашата целна група.

Друго на што морате да обратите внимание се „синовите и ќерките“ на Социјалните мрежи, т.е. таканаречените Инфлуенсери. Оваа категорија оди чекор понатаму во онаа директна комуникација и потреба за идентификација на корисниците. Да, луѓето се идолизирани и чувствуваат дека тоа можат да бидат и тие и дека тоа е нивен “cool” пријател.

Инфлуенсерите добиваат многу поголем reach во последно време особено во Македонија поради неколку факти:
Прво, по целиот скандал од бастионот на “fake news“ во светот, Титов Велес по старо, Трампов Велес по ново, Facebook значително го ограничи и го скрати reach-от на сите Facebook страни кои доаѓаат, се водат, или на било кој начин се поврзани со Македонија;
Второ, множењето на медиуми во просторот и социјалните мрежи кои ни ги донесе политичката нестабилност и политичката пропаганда, се оформија и зрачат многу медиуми кои не постојат за целта на реално, критичко известување, туку за други помалку или повеќе познати цели.

Трката за број еден социјална мрежа почнува да биде густа меѓу Facebook и „посинокот“ Instagram. Иако по број на корисници можеби доминира Facebook, во поглед на опфатот и ефектот на пораките Instagram со воведувањето на опцијата Stories, како да доби силен ветер во грбот и брзо гази напред.

Во некоја друга прилика, ќе ги споменеме и останатите социјални мрежи, некои успешни стратегии, како и моќните SEM, Programmatic и слично.
Морам да одам, имам некои постови и кампања за одобрување…

Извор: marketing365.mk

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange