Connect with us

Интервјуа

Интервју со дел од Retail тимот на Капитал Банка АД Скопје

Објавено

на

Разговаравме со  Јана Дишлијев – Раководител на Секторот за физички лица, Катерина Бранова – Координатор за кредитирање и Сузана Бошковска Златаревска – Експерт за маркетинг и развој на нови производи.

Јана Дишлијев дипломира 2005 година отсек Маркетинг Економски Факултет при УКИМ, а своето банкарско искуство започнува да го гради 2007 година како Службеник во Служба логиситка на продажба – Кредитна аналитика во штедилница Можности. Од 2011година преминува во Поштенска Банка како Раководител на Службата за кредитирање на население. На професионален план од 2014 година продолжува како Раководител на експозитура Аеродром при Еуростандард Банка, за неодамна во месец ноември да се приклучи на тимот на Капитал Банка како Раководител на Секторот за физички лица.

Катерина Бранова има дипломирано на Машински факултет, а воедно во 2015 година се здобива со уште една диплома за дипломиран економист при Универзитетот за туризам и менаџмент. Веќе 13 години е дел од тимот на Капитал Банка, прво како Референт во Сектор за парични картички  во Интернационална Банка и од 2017 година е  Координатор на кредитирање за физички лица.

Сузана Бошковска Златаревска дипломира 2009 година, отсек финансиски менаџмент на Економскиот факултет Скопје. Во меѓувреме има започнато да ја гради својата кариера во КБ прво пензиско друштво како агент, а веднаш потоа од 2006 година да продолжи во ПроКредит Банка како Постар Стручен соработник во Сектор за физички лица. Од 2011 година е дел од тимот на Капитал Банка како Експерт за маркетинг и развој на нови производи.

 

Банкарство: Банката неодамна прослави 20 години постоење на банкарскиот пазар во Македонија. Дали може да се каже дека она што го зацртавте пред 20 години е остварено, а воедно кажете ни и каде ја гледате Капитал Банка за 20 години од сега?

Јана Дишлијев: Изминатите дваесет години успешно напредувавме заедно, растевме постепено, континуирано работеjќи на градење на довербата и посветеност кон клиентите, акционерите и вработените, поддржувајќи ги во остварување на нивните лични и бизнис цели, истовремено градејќи долгорочни релации и взаемна корист.

Како дел од Alfa Finance Holding, водечка Бугарска групација во полето на финансиски услуги, недвижнини и извори на чиста и обновлива енергија, активна низ Југоисточна Европа, веруваме и понатаму во подобрување на просперитетот на оние кои ги опслужуваме преку овозможување на нови вредности.

Банката во изминатата година дена активно се ориентираше кон креирање и градење на производи за физички лица и онлајн апликација за кредити  која на клиентите ќе им биде достапна на било кој уред и на било кое место.

Напредувавме во сите сегменти од банкарското работење.

Банкарство: Почетокот на 2018та година во Македонија донесе новитет кога станува збор за одобрување на кредити. Капитал Банка АД Скопје е првата и единствена Банка на пазарот која воведе бесконтактно потпишување на документација за кредит. Што значи ова за клиентите и за Вас како институција?

Сузана Бошковска Златаревска: Oфицијално станавме достапни до сите клиенти од сите градови низ земјата и им овозможивме на сите постоечки и нови клиенти да аплицираат и користат кредитни производи без да дојдат во експозитура на Банката.

Водејќи се од реалните потреби на клиентите да им заштедиме време и простор Капитал Банка го креираше Супер брз кредит, првиот банкарски кредит кој овозможува бесконтактно потпишување на документацијата за кредит. Откако ќе биде одобрен кредитот, секој клиент избира трансакциска сметка (во која и да е банка) каде ќе бидат префрлени средствата од кредитот.

Клиентите можат да аплицираат за износи на кредити до 60.000 МКД, со рок на исплата до 12 месеци од било кој уред, мобилен телефон, таблет или компјутер и од каде и да посакаат. Одобруването се извршува во рамките на 30 минути и исплатата е истиот ден.

Веруваме во успешноста на проектот, имајќи во предвид дека ги олеснивме сите процеси, посета во Банка, многу документација, жиранти и административни забрани…

Банкарство: Ако до пред неколку години табу-тема беше да се аплицира online за кредит, во последно време речиси целиот банкарски сектор се повеќе внимание обрнува на овие FinTech иновации. Капитал Банка од 2017 година започна со online апликација за потрошувачки кредити и одобрување за 30 минути од моментот на аплицирање. Како клиентите го прифатија овој канал на комуникација со Банката?

Сузана Бошковска Златаревска: Се повеќе е присутен трендот на примена на алтернативните канали на банкарско работење како замена на традиционалните. Клиентите ги препознаваат предностите на овие услуги (достапност 24/7, од каде и да посакаат, без чекање на ред и гужви на шалтер, без стрес во сообраќајот и барање на паркинг) се повеќе се насочуваат кон новите начини и канали на користење банкарски услуги.

Катерина Бранова: Наидовме на одличен прием, позитивни коментари од страна на клиентите. Во изминатата година Банката континуирано работеше на модифицирање на палетата на кредитни производи, со цел воведување на производ со кој ги олеснивме сите процеси како од аспект на аплицирање и докуметација, така и од аспект на обезбедување, што резултираше со лесна, брза и едноставна постапка за реализирање на кредитното барање.

Клиентите се задоволни од брзиот одговор во рок од 30 минути, едноставноста на прикачување на минималната документација, а воедно и исплата на средствата истиот ден.

Банкарство: FinTech иновациите во банкарскиот сектор стануваат незаменлива алка од секојдневието. Светските и Европските банки вложуваат се повеќе средства кон алтернативните канали на комуникација. Каква е ситуацијата во Македонија, дали сметате дека Банките ги следат трендовите и каков е ставот на менаџментот на Капитал Банка во однос на ова прашање?

Катерина Бранова: Овие движења се актуелни и во нашата економија. Континуирано се вршат анализи, истражувања и нивно имплементирање. Засиленото користење на интернет, користењето на мобилна и информатичка технологија, новиот модерен динамичен 24/7 живот ја создадоа потребата за користење на FinTech иновациите во банкарскиот сектор наспроти традиционалниот пристап.

Светските трендови, а секако и чекорите на банките во Европа се пример и насока за следните наши активности во насока на технолошки развој. Сметаме дека своите ресурси ги имаме насочено кон градење на посебни иновативни канали за комуникација со клиентите

Банкарство: Капитал Банка АД Скопје припаѓа во помалите банки во Македонија. Што можеме да очекуваме од Капитал Банка АД Скопје во текот на 2018 година, какви се плановите за развој и на кои сегменти Банката ќе посвети повеќе внимание?

Јана Дишлијев: Одговорно и транспарентно ќе продолжиме да градиме успешна приказна. Фокусот останува на воведување на современи услуги прилагодени на новото живеење, а ќе продолжиме и со соработка со физичките лица, малите и средни претпријатија. Посветено  ќе работиме на дигитализирање на начинот на работењето, мобилно банкарство до клиентите, не само во делот на онлајн плаќањето, туку и за советодавни канали за комуникација со клиентите. Продолжуваме со активности и реализирање на веќе започнати проекти кои се во насока на дигитализација на работењето на Банката и веруваме дека истото ќе придонесе за унапредување на нашите клиенти на секое поле.

Банкарство: Што можеме да очекуваме од банкарскиот сектор во Македонија (иновации, ризици). Што е она што мора да го има секоја банка за успешно да гравитира во банкарскиот систем?

Јана Дишлијев: Очекуваме зголемено ниво на кредитирање на население и на малите и средни македонски компании.

Конкурентноста и понатаму сметаме дека ќе биде насочена во поглед на понудената квалитетна услуга, додека помалку ќе биде насочена кон намалување на каматните стапки на кредитите, бидејќи истото ќе повлече дополнителна потреба за намалување на цената на депозитите како извори на средства.

Банката ќе настојува да ја зајакне конекцијата со постојните клиенти но паралелно ќе биде отворена и за нови проекти за кои ќе процени дека се профитабилни со прифатливо ниво на ризик.

Интервјуа

Интервју СОЊА ПАНЕВСКА: Банкоосигурувањето претставува „win-win“ стратегија за банките и за осигурителните компании

Објавено

на

Банкоосигурувањето има потекло од францускиот збор Banque (банка) и Assurance (осигурување), во англиската терминологија е прифатена како Bancassurance. (more…)

Продолжи со читање

Интервјуа

Влијанието на банкоосигурувањето во Македонија – партнерство помеѓу Шпаркасе Банка и ВинерЛајф Осигурување

Објавено

на

Во пресрет на десетгодишнината од основањето на Шпаркасе Банка на пазарот во Македонија имавме можност да дознаеме повеќе за производите кои банката ги нуди во делот на банкоосигурувањето. Партнер на банката во доменот на животното осигурување е компанијата Винер Лајф. (more…)

Продолжи со читање

Интервјуа

Влијанието на банкоосигурувањето во Македонија – партнерство помеѓу Охридска Банка Сосиете Женерал и Граве Осигурување АД Скопје

Објавено

на

Во изминатиов период од особена важност за банките и осигурителните компании е банкоосигурувањето. Во Македонија се создадоа повеќе партнерства на банки и осигурителни компании, преку кои им се нудат многу поволни иновативни производи на клиентите.

Деловното партнерството помеѓу две реномирани компании со долгогодишен успех во своето работење, Охридска Банка Сосиете Женерал и Граве Осигурување АД Скопје датира од 2012 година и веќе шест години успешно функционира на пазарот.

Поразговаравме со Катерина Петровска, Раководител на Дирекција за маркетинг во Охридска Банка Сосиете Женерал.

Банкарство.мк: Што точно претставуава банкоосигурувањето?

Катерина: Со овој назив се именуваат производите кои претставуваат микс од банкарски производи и животно осигурување, при што осигурувањето значи заштита на клиентот во случај на осигурен настан – смрт, губење на деловна способност или траен инвалидитет. При настанување на осигурен настан, долгот кон банката го подмирува осигурителната компанија, така што клиентот или најблиското семејство на клиентот е ослободено од долгот кон банката.

Банкарство.мк: Каква е придобивката на клиентите од овој тип на осигурување, при подигнување на кредит во банка?

Катерина: Клиентите со користењето на банкарски производи со осигурителна компонента, добиваат заштита во случај на немил настан, долгот кон банката да не падне на нивен товар или на товар на најблиските, туку да биде целосно подмирен од страна на осигурителната компанија. Клиентите се повеќе го прифаќаат овој производ и ги препознаваат бенефитите од користење на кредитно животно осигурување со оглед дека истото значи посигурна иднина за нив и нивните најблиски, а самиот трошок е вклучен во месечната рата на кредитите и на тој начин минимално влијае на нивниот буџет.

Банкарство.мк: Охридска Банка е единствената банка која во моментов на клиентите им нуди можност покрај осигурувањето при подигнување на кредит (потрошувачки, станбен, хипотекарен…), да можат да го осигураат и искористениот износ кај кредитните картички и дозволеното пречекорување. Можеме ли во иднина да очекуваме некоја нова иновативна понуда?

Катерина: Охридска Банка Сосиете Женерал постојано работи на зголемување на својата понуда како во делот на банкарските производи и услуги така и во комбинирање на банкарските со осигурителните производи.

Најновите производи кои претставуваат спој на животно осигурување и банкарски производи се осигурување на трансакциска сметка и осигурување на депозит кои како концепт нудат итна поткрепа и можност за повеќе полиси. Финансиските бенефиции од осигуран настан подразбираат вкупен надомест со максимален лимит до 2.500 евра по полиса за осигурувањето на трансакциска сметка и до 3.000 еур по полиса за осигурувањето на депозит, согласно условите на осигурувањето. Клиентот може да аплицира за максимум три полиси, и оттука максималниот осигуран износ тројно би се зголемил.

Корисниците на картички на Охридска банка Сосиете Женерал, истовремено бесплатно добиваат осигурување на картички – “IN-cards“ со кое сите МастерКард и ВИЗА платежни картички – се покриени со неколку осигурителни покритија.

Осигурувањето на картичките е неживотно осигурување на клиентите и вклучува одредени настани кои се покриени и се надополнуваат во зависност од типот на картичката (на пример: надомест за изгубен багаж при патување).

Освен што ваквото осигурување е компатибилно решение во однос на патничкото осигурување, вклучените придобивки овозможуваат: осигурување што е валидно веднаш без потреба од апликација и без дополнителни трошоци, финансиска безбедност за имателот на картичката и неговото семејството во случај на осигурен настан, покриеност за неограничен број на патувања, медицинска помош, осигурен багаж и многу друго.

Банкарство.мк: Зошто ваквите партнерства се важни и за банките и за осигурителните компании и како влијаат врз целокупниот финансиски сектор?

Катерина: Бенефит од ваквите партнерства, покрај претходно наведените за клиентите, имаат секако и банките и осигурителните компании. За банките, можноста за вклучување на осигурителните производи во својата понуда значи збогатување на палетата на производи, заштита од ненаплата на побарувања при настанување на осигуран случај, финансиски бенефит и зголемување на задоволството на клиените поради овозможувње на нивна заштита со производите од кредитно животно осигурување.

За осигурителните компании ваквите производи исто така значат збогатување на понудата, зголемување на дистрибутивната и продажна мрежа, а со тоа и зголемување на портфолиото на клиенти, диверзификација на ризикот и крајно подобри финансиски резултати.

Банкарство.мк: Колкав е степенот на развиеност на банкоосигурувањето во светот и дали банкоосигурувањето во Р.Македонија се движи во таа насока?

Катерина: Постојат многу разлики во однос на развојот на банкоосигурувањето во светот и истото зависи во голем дел од регулативата како и од најразлични културолошки и социодемографски фактори, но евидентен е глобален тренд на раст на значењето на банкоосигурувањето. Во некои европски земји, банкоосигурувањето е главен канал за продажба на животното осигурување.

Во Р.Македонија од пионерскиот чекор на Охридска Банка Сосете Женерал во 2012 година со воведување на првиот ваков производ – кредитно животно осигурување, до денес евидентен е постојан раст на понуда на ваков тип на производи и воведување на производот од страна на повеќе банки на пазарот, така што можеме да кажеме дека степенот на развој и свесноста на клиентите за постоењето и за бенефитите од овој производ е на солидно ниво и во одредени случаи има и пресудно влијание за изборот на производот кој ќе го користи клиентот.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange