Connect with us

Интервјуа

Интервју СЕРГЕЈ ЗАФИРОСКИ: Максимална заложеност, постојан фокус и врвна професионалност се магичниот рецепт за успешен бизнис

Објавено

на

Сергеј Зафировски, еден од најперспективните млади менаџери и претприемачи, кој со својата агенција за истражување на пазарот и стретегиски маркетинг Insider ID го придвижува напред корпоративниот свет во Македонија. Својата кариера ја започнува во 2008 година и има искуство во повеќе компании на позициите за продажба и планирање, најчесто во средно или високо ниво на менаџмент. Во 2011 година одлучува да го напушти корпоративниот свет и да започне свој бизнис, кој од ден во ден прераснува во уште една успешна приказна. 

 

Банкарство: Сергеј како дојдовте до идејата за основање на Insider ID, кажете ни нешто повеќе за Вашите почетоци и накратко претставете ја Вашата агенција?

Сергеј Зафироски: Анализата и податоците долго време ме привлекуваа како професија, бидејќи верувам дека моментално, а уште повеќе во иднина успехот доаѓа од тој што ја има примарната информација. Конкретно за почетокот имав друг негативен поттик, но тоа не е целта на прашањето бидејќи тоа е интервју само за себе. Во кратки црти, компаниите во Македонија особено домашните, имаат потреба од навремена, точна и применлива информација во секојдневното работење.

Од друга страна, ние како економисти во бизнис секторот единственото што можеме да го направиме за нашето општество е да основаме и водиме компании во кои ќе се вработуваат луѓе, ќе се плаќа данок и ќе се придонесе за поуспешна и поперспективна држава. Воедно и наша обврска е во иднина да се прошири интернационално и да биде глобален играч, бидејќи општеството и светот се веќе глобализирани додека за “локалните патриоти” многу брзо ќе се изгуби простор на пазарот.

Што се однесува до самиот старт, во Македонија е исклучително тешко. Кога ќе кажам исклучително, луѓето што немале бизнис не можат тоа ни да го замислат. Живееме во исклучително тешко и непрофисонално општество каде меѓу другото и бизнис опкружувањето е поставено на чудни вредности и правила на игра.

Банкарство: Како е да се води мал бизнис во Македонија?

Сергеј Зафироски: Која е веројатноста да преживеете во обичен незаштитен скафандер на сред океан? Имате некоја екстремно мала веројатност, но најверојатно ќе се удавите колку и да сте физички подготвени! Е сега тие што се физички поспремни можеби и ќе можат да го дочекаат бродот за спасување.

Во главно така изгледа моменталната ситуација за водење на бизнис во Македонија. Работиме од наутро до доцна навечер за да обезбедиме само проста репродукција на компанијата и ништо повеќе. Дополнување на тешкото бизнис окружување е и самата негативност и инертност на жителите и потенцијални вработени во нашата земја. Кај нас секој чека некој нешто да му даде се разбира без да сработи ништо за тоа.
За среќа има одреден број на компании кои се екстремно сериозни и професионални и ми даваат ентузијазам и желба да продолжам со работењето и заеднички да направиме нешто. Всушност имаме компании во Македонија на кои можат да им позавидат и поголемите западни конкуренти, бидејќи успеале да се издигнат во окружување како балканското и да направат светски препознатливи брендови. Говорам и за компании од Србија, Бугарија и Албанија.

Првата можност за нас како мали компании од регионот е здружување во кластери, спојувања и аквизиции со што понудата и можноста за испорака на големи проекти ќе ја зголемиме неколкукратно. Но, и тука наидуваме на проблем, поради немање на историја во такви активности. Прво нема кој да даде совет како се извршува едно припојување, ниту од консултантскиот, адвокатскиот или било кој бизнис сектор. Едноставно спојувањето би го решавале сопствениците на “пазарџиски” начин што доведува до нејасно дефинирање на одговорностите, а со тоа и пропаѓање на компанијата. Всушност добро е доколку воопшто се достигне фазата на припојување бидејќи довербата помеѓу македонските бизнисмени е на ниво под нулата.

Втората можност е започнување на продажба на производите и услугите на странски пазари, кое доколку се комбинира со првата наведена би била многу поинтересна. Настапот на странски пазар самостојно е многу тежок, побарува многу средства и се разбира многу работа. Поделбата на сите работи помеѓу неколку членови на кластер и тоа како ќе ја поедностави работата и ќе ја зголеми веројатноста за успех.

Лично се обидувам да воспоставам посериозна партнерска мрежа помеѓу неколку компании со кои се зближивме во последните неколку години и истата можам со задоволство да кажам дека има солиден успех. Можеби формално правно не е решена, но од аспект на бизнис, преку поделба на контакти и ресурси кога за тоа има потреба сум презадоволен. 

Професионално кластерско здружување треба да биде насоката кон која треба да се движат македонските мали и средни претпријатија, а за тоа треба и соодветна правна и консултантска поткрепа која за жал моментално ја немаме.

Од позитивната страна сум посетил и како компанија соработуваме со фабрики во Македонија кои работат по највисоките светски стандарди и се држат до највисокоте правила на игра. Имаме менаџери кои апсолутно се покажаа како големи професионалци и можат да “играат”и во светски рамки.

Повторно треба да имаме во предвид дека за креирање на успешна компанија и себеси како добри нејзини менаџери потребно е екстремно многу работа и тим кој е подготвен на се.

Банкарство: Постои ли магичен рецепт за создавање успешен и растечки бизнис?

Сергеј Зафироски: Се разбира дека постои, 100 работни часа неделно, постојан фокус само на работата и врвна професионалност. На прв поглед многу едноставен рецепт, но тешко остварлив кај 99% од луѓето. Ретко кој може да се откаже од приближно се приватно и да се фокусира само на работата и тоа 24/7 до крајот на животот. Да тестираме колку млади луѓе се подготвени наместо во Петок и Сабота да излезат во гред, да работат до 2-3 часот наутро, точно ќе се дефинира зашто имаме толку неуспешна младина и неуспешни компании.

Вториот е фокусот кој треба да се има во бизнисот. Без фокус има само секојдневно “лутање” по тоа што треба бизнисот да прави и како да прави профит. Доколку сакате нешто да остварите фокусирајте се само на тоа, испланирајте го патот и не дозволувате странични активности и проблеми (вклучувајќи ги и приватните) да ве исфрлат од баланс.

Третиот е висока професионалност која треба да ја одржите постојано, секојдневно на секој проект кој го работите. Очекувано е дека ќе имате успони и падови и во професионалноста и во приватниот живот, но секогаш треба да останете максимално професионални.

Секогаш тоа го кажувам, дека досега не сум запознал сопственик на бизнис кој работи 2 часа на ден и поседува успешна компанија, и многу ретко запознавам менаџери кои успешно балансираат приватен со бизнис живот.

Банкарство: Што добиваат компаниите од услугите кои им ги нудите?

Сергеј Зафироски: Се обидуваме и успеваме во тоа, компаниите да добиваат нови и уникатни начини на водење на нивниот бизнис. Истражувањето само по себе е одлична алатка и начин на добивање на нови информации, но е безвредно доколку не биде имплементирано во секојдневното работење. Од истражувањето произлегува идната стратегија, која неретко ја правиме заедно со нашите клиенти/партнери се со цел да се унапреди нивното целокупно работење.

Банкарство: Дали имате незадоволни клиенти?

Сергеј Зафироски: Како и секој друг бизнис и ние имаме мал број проекти и активности со кои не би можеле да се пофалиме и не се гордееме. Сепак без нив не би можеле да одиме напред и да знаеме каде грешиме. Би било многу убаво да не учиме баш на такви грешки и да немаме назадоволни клиенти но сепак ги има.

Банкарство: Колку е долг и макотрпен процесот на создавање на атрактивен и неодолив производ или услуга за клиентите преку кој ќе успеете да го придобиете клиентот долгорочно?

Сергеј Зафироски: Е тоа е екстремно тешко. Иако секогаш велам дека не постои нешто што е тешко и нешто што не може да се постигне, сепак креирањето на услуга која ќе го привлече вниманието на потенцијалниот клиет и во исто време ќе донесе одлука во неговата глава дека тоа е тоа од што има потреба е вистинска уметност.

Реално веќе не постои нешто што е долгорочно, а со тоа и долгорочно атрактивен и неодолив производ. Секоја идеа, производ или услуга без разлика на нејзината сложеност или уникатност е подлежна на копирање. И ние самите со сигурност барем делови или бизнис модели сме превземале иако се обидуваме да бидеме уникатни.

Банкарство: Insider ID е веќе 4-та година на пазарот во Македонија. Гледано од денешна перспектива дали сметате дека ги остваривте целите кои ги имавте на почетокот и што е следно што можеме да очекуваме од Insider ID?

Сергеј Зафироски: Дали сме ги оствариле целите, парцијално да. Постигнавме голем успех, во тоа нема сомнеж, доколку се споредиме со позицијата од која почнавме, во моментов сме на едно многу понапредно ниво. Кога ќе се присетам на почетокот немавме пари за кафе надвор од канцеларија што е различно од турско да пиеме, а сега се појавуваме и презентираме на конференции како AllWeb, GS1, постојано имаме интервјуа, објави, статии и слично. Да не збориме колку клиенти и со колку луѓе се имаме запознаено и работено.

Додека парцијалното не, го пронаоѓам во најголем дел како грешки кај мене самиот, поради тоа што едноставно во одредени моменти немам мотивација, а и кондиција. Од друга страна оформувањето на тимот е екстремно тежок процес, кој еве после 4 години некако успеавме да започнеме со негово затворање и на крај нормално е целата состојба во државата и регионот.
Единственото нешто што не би сакал да го доживеам е главните приходи на фирмата да бидат од Македонија како што е тоа случај во моментов. Иако работиме во повеќе држави како соработници, немаме континуирано тим кој ќе работи во останатите балкански земји и кој ќе врши продажба и истражувања.

Мојата визија е да имаме претставништва во неколку балкански земји и континуирано да работиме на цел балкански полуостров. И за понатаму имаме планови, но сеуште е многу рано за воопшто и разговараме за истото.

Ако нешто не сакам и не поддржувам кај македонските компании е тоа да се задоволат да бидат “локал патриоти” на пазар кој да бидеме реални е екстремно мал.

 

Интервјуа

Интервју со Мартин Теов и Хелена Цветкоска: Бувчето Винко е најдобриот начин да штедите и да го осигурате вашето дете

Објавено

на

Бувчето Винко е производ за осигурување на деца, резултат на успешна соработка на Винер Лајф  и СН Осигурителен Брокер. Во овој случај покрај тоа што носи среќа за секој дом, се грижи за сигурноста и образованието на децата.

Позборувавме со раководителот за животно осигурување во СН Осигурителен Брокер, Хелена Цветкоска и Мартин Теов, Член на УО на Винер Лајф и одговорен за успешниот развој на продажните мрежи во сегментот на животното осигурување. (more…)

Продолжи со читање

Интервјуа

Интервју со Секторот за население на Силк Роуд Банка

Објавено

на

Поразговаравме со вработените во Секторот за население на Силк Роуд Банка АД Скопје за растот во кредитирањето на физичките лица во изминатиот период, како и за проширувањето и надополнувањето на широката палета на производи кои ги нудат на граѓаните.

Особено акцент се стави на глобалниот бренд American Express, за кој Силк Роуд Банка е единствен и екслузивен застапник, како и за соработката со Европскиот инвестиционен фонд за InnovFin програмата за поддршка на малите и средни претпријатија. (more…)

Продолжи со читање

Интервјуа

Интервју со г-дин Бернд Ахац, член на Управниот одбор на Винер Лајф

Објавено

на

Г-динот Бернд Ахац, Член на Управниот одбор на Винер Лајф, со својот одличен менаџерски потенцијал и долгогодишното искуство во финансиите, успеа да внесе австриски шмек во компанијата која беше основана во 2010 година и за само неколку години од неа да создаде една од најдобрите и најпрепознатливи компании за животно осигурување во Р.Македонија, која во својата палета нуди широк спектар на производи кои што се достапни и прифатливи за секој граѓанин.

Своето образование г-дин Ахац го има стекнато на Универзитетот Алпен Адриа Клагенфурт во Австрија, каде се стекнал со титулата доктор на науки од областа на трговијата. Својата професионална кариера ја започна во 2000 година во Австрија како финансиски аналитичар во компанијата Флекстроникс, од областа на ЕМС (electronic manufacturing services) за Централна и Источна Европа (CEE). Стигнува до позицијата финансиски директор на Корпоративниот Центар за управување со ликвидност во регионот на Централна и Источна Европа, пред да одлучи да ја напушти компанијата.

Во 2005 година г-дин Ахац беше еден од одговорните менаџери за стартување банкарски и лизинг бизнис во Црна Гора за Хипо Алпе Адриа Груп.

На крајот на 2008 година, заедно со глобалната финансиска криза г-дин Ахац е прераспределен на позицијата CEO, а подоцна и CFO на Хипо Алпе Адриа Лизинг ООД во Софија, Бугарија.

Во мај 2010 година Ахац е дел од управниот одбор на  Хипо Алпе Адриа Лизинг Тов (ДОО) во Киев, а подоцна во 2011 како CFO e член на Хипо Алпе Адриа Лизинг ДООЕЛ.

Во 2012 година, трите земји беа ставени под капата на регионалниот менаџмент или кластер менаџмент HETA, каде г-дин Ахац ја извршуваше функцијата COO, заедно со претходно наведените работни позиции во соодветните локални компании.

Во последниот квартал од 2013 година, г-дин Ахац својот потенцијал го посветува на ВИНЕР ЛАЈФ VIG во Македонија и стапи на функцијата, како член на Управниот одбор, на позицијата која ја извршува и денес.

Поразговаравме со г-динот Ахац за енормниот раст на Винер Лајф на македонскиот пазар во изминатиот период. Особено акцент се стави на банкоосигурувањето, кое е се поактуелно во последниов период.

Банкарство: Во 2010 година беше основана осигурителната компанија Винер Лајф. Од тогаш па се до денес, компанијата бележи континуиран раст, како во пазарното учество, така и во оcигурителните производи и услуги кои ги нуди. Што ве разликува како компанија од конкуренцијата?

Бернд Ахац: Верувам дека прашањето што го поставивте е всушност клучното прашање кое секоја компанија мора да си го постави и да отпочне со работа со полна пареа. Нашата стратегија од самиот почеток беше да ги задоволиме клиентите со докажани услуги на највисоко ниво во индустријата. Не се водевме по актуелните понуди во земјата, туку можностите во меѓународната индустрија. Со други зборови, погледнавме во нашата групација за да ги идентификуваме производите и услугите кои добро функционираат и резултираа со високо задоволство кај корисниците. Направивме прилагодувања за да постигнеме совпаѓање со локалните потреби и соодветно ги имплементиравме производите.

Она што го научивме е дека во осигурителната индустрија, особено во индустријата за животно осигурување, каде што осигурувањето е многу лична работа, не само што се важни покриеноста и бројките,  туку и начинот на кој услугата може да се понуди. Почнувајќи од првата точка на продажбата, па се до плаќањето по доспевање или настанувањето на осигурен случај, целиот процес и ланец на услуги е важен.

На овој начин, бевме првата компанија која го понуди производот Лајф Инвест (Unit Linked) во Македонија. Овој производ, дизајниран по најсовремените стандарди, а сепак базиран на локален македонски фонд управуван од WVP , а од друга страна поседувајќи интернационални удели во портфолиото, беше одлично прифатен од страна на нашите клиенти.

Да заклучиме, нашата стратегија е да бидеме првиот двигател на пазарот и да ја отвориме вратата за меѓународните стандарди.

Банкарство: Во последно време се поактуелно е банкоосигурувањето. Вие како компанија, влеговте во стратешко партнерство со Шпаркасе Банка Македонија. Секој кој ќе подигне потрошувачки кредит од банката “С-план”, ќе добие животно осигурување сo штедна компонента. Ова е прв ваков производ на пазарот. Може ли накратко да ни ги објасните какви се бенефициите за клиентите од овој пакет?

Бернд Ахац: Банкоосигурувањето е еден од столбовите на нашата стратегија. На ова поле, всушност бевме предвреме на пазарот, бидејќи пазарот на почетокот се уште не беше подготвен. Сега производите на банкоосигурувањето се еден од најголемите двигатели на раст во осигурувањето на живот. Ние нудиме покриеност за потрошувачки и хипотекарни кредити. Се разбира, покрај тоа, целиот спектар на нашите производи може да се најде и во Шпаркасе банка, како што е 3Д класично животно осигурување, дополнително животно осигурување, семеен премиум како и останатите наши производи.

Се чини како логично правило за мене, дека секој пат во животот – без разлика дали со деловни или приватни напори – носење на одлука значи да се измери потенцијалниот ризик наспроти очекуваните придобивки. Општо земено, кога земаме заем во банка за да ги покриеме нашите приватни средства, како станови, автомобили и други добра за широка потрошувачка кои ни се потребни или ги посакуваме, отплатата на истите треба да се обезбеди. Ова е прашање кое не сакаме да го базираме на шпекулации, дали ќе може да се врати кредитот или не. Значи, мерките за спротиставување на секој ризик поврзан со него, имаат смисла.

Главно зборуваме за осигурување од ризик на прво место. Заедно со тоа, никој не сака да биде оптеретен со голем дел од бирократијата при купување на осигурување. Банкарските и осигурителни производи се нудат во one stop shop решение. Клиентот го прави целиот договор во банка. Ова е она што го прави банкарското осигурување толку погодно за клиентите.

Банкарство: Објаснете ни како корисникот всушност успева да заштеди пари со самата исплата на кредитот.

Бернд Ахац: Во право сте, С-план е првиот производ на македонскиот пазар, каде што заедно со покривањето на преостанатиот износ на кредитот, корисниците воедно заштедуваат пари. Ние сме исклучително горди на тоа, бидејќи тоа е прв пат на пазарот, еден производ да биде со двојна корист за клиентот! Во исто време ќе добиете покриеност на ризик и заштеда, прилагодено со Шпаркасе банка, нашиот сигурен партнер за соработка!

Основната идеја е да се комбинира ризико осигурување во случај на смрт со опаѓачка осигурена сума со мешовито осигурување на живот. Најдовме точка, каде комбинацијата на ризико осигурување во случај на смрт со опаѓачка осигурена сума и мешовито осигурување на живот со фиксна осигурена сума, се вкрстуваат во производ, каде што акумулираната заштеда за времетраењето на кредитот од банка покрива, во зависност од времетраењето и возраста на клиентот,  повеќе од реалната премија за осигурувањето на ризик.

Исто така, тука би сакал уште еднаш да истакнам една важна точка во врска со банкоосигурувањето. Банкоосигурувањето е најпријателски настроено кон клиентот, бидејќи целиот административен товар кој е на клиентот е преземен од страна на експертот во банката, било да е тоа консултација или е со користење на софтверски решенија кои водат кон фактот дека клиентите не треба два пати да одговараат на исто прашање. Едно место и договорот е склучен.

Како што може да видите,  технички производот не е лесно да се објасни со неколку зборови, но резултатот е. Тоа е најевтиниот начин да се купи животно осигурување со покриеност на ризик и заштеда во исто време!

Банкарство: Која е важноста еден граѓанин да има животно осигурување?

Бернд Ахац: За ова прашање како одговор би сакал да ја споделам мојата лична гледна точка. Животното осигурување покрива неколку работи за мене. Како прво, ме ослободува од оставање на товар на моите сакани во случај да ме нема. Јас имам осигурување кое ќе истече кога ќе наполнам 65 години. Во исто време, гледајќи во мојата иднина како пензионер, ме ослободува од прашањето и стравот како ќе изгледа мојот финансиски живот по мојот работен век. За мене можам да кажам дека сум мошне активна и спортска личност, каде што, да бидеме реални, животното осигурување со дополнително осигурување во случај на траен инвалидитет ќе отстрани некои мои грижи, што би се случило во случај на инвалидитет, барем од финансиска гледна точка.

Последно, но не и најмалку важно, животното осигурување, особено мешовитото животно осигурување е важно, бидејќи ви дава повеќе опции во животот. Ако нешто се случи, вие сте покриени, ако ништо не се случи, ќе добиете пари исплатени на крајот за да уживате!

Банкарство: Се школувате во Австрија, долго сте живееле во Украина и Бугарија и сега сте во Македонија. Која е разликата во перцепцијата на луѓето за животното осигурување во сите овие држави?

Бернд Ахац: Повеќе би сакал да зборувам за сличностите на перцепцијата на луѓето од споменатите земји. Верувам дека доживуваме промена од малку “фаталистички” став кон неизвесностите што ги има иднината за сите нас, до пооснована и рационална одлука за тоа како да се справиме со потенцијалните ризици. Во последните неколку години полесно е  отворено да зборуваме не само за пријатните настани кои може да ни се случат, како и да најдеме начин  како да се справиме со нив. Ова се случува затоа што сега имаме повеќе алатки за заштита со кои можеме да ги искористиме. Животното осигурување е една од мерките што е се повеќе и повеќе прифатена во сите земји што ги спомнавте, за да се избегне потенцијалното влијание врз нашиот живот и животот на нашите семејства.

Доколку се направи споредба со Австрија, може да видите дека со текот на годините, животното осигурување со учество од 34% во 2017 година го има освоено првото место од сите категории на осигурување. Оваа бројка треба да се земе  предвид наспроти позадината на економскиот развој на пазарите, но тоа дава индикација за потенцијалот на животното осигурување во текот на годините. Овој позитивен развој во Македонија може да се забележи врз основ на импресивните стапки на раст на животно осигурување, каде што банкарското осигурување стана значаен двигател.

Банкарство: Винер Лајф е ориентирана кон иновации и максимално задоволство на клиентите. Што да очекуваме од Вас како компанија во периодот што претстои?

Бернд Ахац: Да ги слушаме нашите клиенти и нивните потреби и ако ја работиме нашата работа правилно, дури и да ги предвидиме нивните идните предизвици на оваа многу брза планета и да ги формулираме вистинските одговори.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange