Connect with us

Лични финансии

Зошто не заработувате доволно за да станете милионери?

Објавено

на

Што значи да се биде милионер? Колку пари треба да заработите пред да бидете крунисани со почесниот епитет “милионер” и што е она кое ве спречува во истото?

Без разлика кои одговори ќе се дадат на овие прашања, мораме да признаеме дека секој од нас посакува да стане милионер. Но, малкумина од оние кои посакуваат работат на истото. За поголемиот број на луѓе да се стане милионер е само мисловен поим, далечен и недостижен. Исто толку недостижен како и оние луѓе кои себично го чуваат достигнатиот врв. Но, дали некогаш сте се запрашале која е причината поради која и вие не се наоѓате таму покрај нив радувајќи се на својот успех? Зошто и вие не сте успеале да заработите доволно и да се најдете од другата страна на сликата и да бидете оние на кои другите ќе се восхитуваат? За почеток, ова се неколку главни нешта кои ве спречуваат да се вброите во плејадата “милионери”.

1. Немате поставено јасни цели, а со тоа и вашите акции не се јасни и издржани. Доколку немате поставено јасни цели во вашите мисли ниеден од чекорите кои ги превземате нема да ве водат до постигнување на саканите нешта. Понекогаш кроењето на вистинскиот план може да одземе повеќе време. Дозволете си го. Правилното планирање може да ве изведе на посакуваниот пат. 

2. Мислите дека другите може да успеат, но вие не. Верувајте дека можете! Визуелизирајте се себеси како веќе успешна личност на местото на кое посакувате да бидете. Визуелизирајте се како еден од милионерите на кои им се восхитувате. Верувајте дека тоа може да се случи и веќе ќе биде чекор поблиску до истото. 

3. Се плашите дека нема да успеете. Ќе има моменти на неуспех, ќе има моменти и кога ќе правите грешки, но никој не рекол дека е лесно. Се што треба да направите е да научите да го поминете сето тоа. Доколку продолжите да се плашите од стравот никогаш нема да го надминете. 

4. Не сте подготвени да направите жртва. Имајте на ум дека има работи од кои ќе морате да се откажете доколку сакате да успеете. Бидете подготвени да жртвувате излегувања со пријателите и останати слични работи со цел да се фокусирате единствено на вашата кариера. Финансискиот успех кој го барате секогаш бара пожртвуваност. 

5. Никој не ве насочува на правилниот пат. Треба да бидете опкружени со позитивни луѓе, но најважно од се е да пронајдете некој на кого ќе му верувате и кој ќе ве поучува и насочува на вистинскиот пат. Не заборавајте дека луѓето во вашата околина, оние кои ви се најблиски, се оние кои треба да ве туркаат кон успехот. 

6. Наоѓате оправдувања поради кои не заработувате доволно и не сте успешни како што сакате. Често луѓето не сакаат своите неуспеси да ги препишат на самите себе. Оправдувањата од типот “немам грб како некои други” или “би успеал да сум на друго место, но не и тука” исфрлете ги од вашите мисли. Патот до успехот го креирате самите и ништо не може да ве спречи во истото. Запомнете, НИШТО не може да ве спречи да успеете. 

 

 

Повеќе

Лични финансии

Авторот Џон Асараф: Тренирајте го мозокот за да заработувате повеќе пари

Објавено

на

Авторот, консултант и претприемач, Џон Асараф, денес е основач и извршен директор на NeuroGym, компанија посветена на користењето на најнапредните технологии и методи за обука на мозокот базирани на докази, за да им помогне на поединците да го ослободат својот полн потенцијал и да ги максимизираат нивните резултати.

(more…)

Продолжи со читање

Лични финансии

Како да купите стан за 3 години, едноставно преку заштеда од плата!

Објавено

на

Чери Хови во една група на Фејсбук го споделила својот план за штедење, што и овозможил за само три години да заштеди доволно за купување на стан. Нејзиниот начин на организација на платата би можел да ви послужи како многу добар пример. (more…)

Продолжи со читање

Лични финансии

3 бизнис асоцијации против прогресивното оданочување на персонален доход

Објавено

на

По најавите на Владата дека планира да воведе прогресивно оданочување на персоналниот доход Американска стопанска комора во Македонија, Стопанска комора за информатички и комуникациски технологии – МАСИТ и Македонија 2025, кои ги претставуваат ставовите и мислењата на повеќе од 200 од најголемите и најиновативни компании во Македонија, направиле истражување помеѓу компаниите и доставиле формално мислење до Министерството за финансии.

“Предложените мерки нема да го постигнат посакуваниот ефект на подобрување на социјалната еднаквост, но ќе ја намалат продуктивноста, вработливоста и развојот на квалификации, мерки ќе ја намалат даночната послушност и ќе ја зголемат сивата економија и ќе имаат негативен ефект врз растот и развојот на македонската економија”, пишува во заедничкото соопштение на овие три бизнис асоцијации.
Според добиените мислења од компании за ефектите од прогресивното оданочување, тие сметаме дека ова не е погоден момент за воведување на прогресивно оданочување на личниот доход, особено не во формата која што неофицијално беше имплицирана.

Во прилог Ви го пренесуваме целосното соопштение:

1.Предложените мерки нема да го постигнат посакуваниот ефект на подобрување на социјалната еднаквост, но ќе ја намалат продуктивноста, вработливоста и развојот на квалификации:Нејасно е како ќе се распределат дополнителните средства собрани со зголемувањето на данокот на персонален доход – дали директно ќе се искористат за подобрување на социјалната нееднаквост или средствата ќе се користат за генерални расходи? Доколку се користат за генерални расходи, ефектот ќе се поништи бидејќи од истиот буџет субвенционира приватниот сектор. Доколку се користат директно за подобрување на социјалната нееднаквост и, како што најави Министерката за труд и социјална политика Мила Царовска, се искористат за да се покачи износот на социјалната помош до 12.000 денари за четиричлено семејство, тогаш таквата мерка ќе доведе до зголемување на невработеноста. Доколку социјалната помош се изедначи со износот на минималната плата, работоспособните лица кои примаат минимална плата ќе преферираат да не работат и да земаат социјална помош отколку да работат за минимална плата, со што дополнително ќе се оптовари буџетот.

-Намалување на продуктивноста и вработливоста – доколку се пенализираат оние делови од населението кои напорно работат кон напредување и повисоки приходи, а се наградуваат оние кои не се трудат, ќе се намали продуктивноста.

-Дестимулирање на развојот на висококвалификувани кадри – зголемувањето на данокот на личен доход најмногу ќе ги погоди оние кои вложувале во сопствениот професионален развој и ќе испрати порака дека квалификуваноста е неисплатлива, со што ќе се отстрани стимулот за развој на способности и квалификации.

2. Предложените мерки ќе ја намалат даночната послушност и и ќе ја зголемат сивата економија:
-Зголемување на даночното затајување
 – во контекст во кој населението нема доверба во институциите на системот и има низок степен на задоволство кај обврзниците за начинот на кој прибраните средства се користат, зголемувањето на даноците ќе доведе до изнаоѓање дополнителни и креативни начини за даночна евазија (пријавување на само дел од доходот наместо полниот износ, исплаќање на доходот на сметки во други земји, Payoneer картички).

Намалување на бројот на даночни обврзници, отежнато прибирање на даноците, и зголемување на трошоците и комплексноста на прибирање даноци – воведувањето на прогресивен данок на личен доход ќе доведе до зголемување на неформалното вработување, со што ќе се намали бројот на даночни обврзници. Тенденцијата да се избегнат зголемените даночни обврски ќе го отежни прибирањето на даноците, а покомплексната формула и потребата за поголема контрола на почитувањето на законските обврски, ќе ги зголемат трошоците на Управата за јавни приходи.

3. Предложените мерки ќе имаат негативен ефект врз растот и развојот на македонската економија:

-Одлив на капитал и намалени инвестиции – менување на даночните регулативи го комплицира работењето на компаниите во приватниот сектор поради неможноста да се планираат трошоците и ќе доведе до несигурност и кај домашните компании и кај странските инвеститори. Таа несигурност ќе доведе до намалени инвестиции и потенцијално до одлив на капиталот во земји со поповолен даночен режим и поголема предвидливост во работењето на приватниот сектор.

Одлив на мозоци – воведувањето на прогресивен данок ги таргетира висококвалификуваните и професионални кадри кои веќе се дефицитарни во Македонија. Во Република Македонија се исплаќа бруто плата и не постои механизам кој ќе ги обврзе компаниите да ја зголемат бруто платата за нето платата да остане иста по зголемување на придонесите. Многу е веројатно зголемениот даночен товар да падне врз грбот на вработените наместо на работодавачите. Тоа ќе доведе до одлив на квалификуваните кадри во земји со поповолна даночна клима. Овие кадри се исто така и најголемите потрошувачи и со нивното заминување ќе се намали економскиот раст

-Дестимулација на иновативните “смарт” индустрии кои генерираат најголеми приходи и се двигатели на економијата – иновативните и брзорастечки компании, особено во ИКТ секторот, ќе бидат особено погодени од зголемените даночни обврски бидејќи тоа се индустриите во кои доходите се највисоки. Дополнително, овие индустрии не ги исполнуваат условите за владините мерки за развој што води до двојно пенализирање на овој сектор- носител на економски раст.

АмЧам, МАСИТ и Македонија2025, како и останатите бизнис асоцијации – претставници на приватниот сектор, имаат ресурси, експертиза, и капацитет да го поддржат Министерството за финансии во изготвување на сеопфатна даночна стратегија и реформа која во исто време ќе придонесе кон зголемување на бројот на даночните обврзници, подобрено собирање на даноците, правична распределба на средствата и зголемена социјална еднаквост без негативно да влијае врз севкупната економија и нејзиниот раст.
Се надеваме дека ќе ја прифатите нашата поддршка и дека заеднички ќе формулираме решение кое ќе биде прифатливо за сите сфери на општеството.”

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange