Connect with us

Останато

Започна пријавувањето за престижните награди на “Sarajevo Business Bridge Awards 2018”

Објавено

на

Сараево Бизнис Форум (СБФ), водечката конференција за инвестиции во Југоисточна Европа, на 25 април ќе ги додели престижните признанија “Sarajevo Business Bridge Awards” на компаниите и поединците кои со својата работа, инвентивни идеи и вработување на млади лица придонесоа за развојот на претприемништвото и инвестициската клима во регионот.

Зависно од квалитетот на пристигнатите пријави, планирано е да се доделат награди во 6 категории, и тоа: нов бизнис/компанија на годината, бизнис/компанија на годината, претприемач на годината, компанија-вработувач на млади на годината, награда за општествено влијание и иновација на годината.

Наградите ќе бидат врачени на свечена церемонија во текот на првиот ден од одржувањето на 9-тиот годишен Сараево Бизнис Форум во присуство на светски и регионални политички и бизнис лидери, во Парламентот на Босна и Херцеговина.

„Сараево Бизнис Форум, како водечка економска бизнис платформа во регионот, има за цел да изгради подобро бизнис опкружување во целиот регион. Нашата мисија е развој на претприемништвото бидејќи само преку успешно вмрежување, развој на пазарот и вработување млади лица можеме да поттикнеме позитивни промени во нашето општество“ – изјави Амер Буквиќ, директор на ББИ банка, потенцирајќи дека конкурсот за награди е отворен за компании и поединци од регионот кои покажале исклучителни резултати во работењето и чија работа има позитивно влијание врз општеството во кое делуваат.

На овој начин СБФ дава поддршка на компаниите и поединците, а особено на компаниите кои започнале нов бизнис или вработуваат млади.

Традиционално, веќе деветта година по ред Сараево Бизнис Форумот го организира босанската ББИ банка во соработка со Исламската банка за развој (ИДБ). Покровител на деветтото издание на СБФ е Претседателството на Босна и Херцеговина со поддршка на Министерството за надворешни работи на Босна и Херцеговина, Советот на министри, локалните влади, Комората за надворешна трговија на БиХ, Стопанските комори на Федерацијата на Босна и Херцеговина и Република Српска, како и многу други компании од БиХ.

Минатата година овие престижни награди беа доделени на исклучителни компании и поединци од регионот. Наградата за општествено влијание на СБФ 2017 ја доби фондацијата „Хастор“, MSAN Група беше наградена за вработување млади лица, иноватор на годината во 2017 беше Горење, за нов бизнис беше прогласен HUB 387, додека за компанија на годината стручното жири на одбра HIFA Група.

Пријавите за СБФ наградите за 2018 година се отворени и компаниите и поединците може да се пријавуваат преку линкот: http://sarajevobusinessforum.com/awards.

Останато

Хрватите се повеќе штедат и чуваат големи депозити во банка

Објавено

на

Хрватите во просек штедат по 63 евра месечно што е значителен раст во штедењето, но сеуште се на половина од средна и источна Европа, во која има рекордери, со просечно заштедени 239 евра, станува збор за Австрииците. Следни се Словаците кои во просек штедат 106 евра месечно, а потоа Чесите со 88 евра. Помалку од Хрватите штедат, на пример, Украина и Романија (по 53 евра) и Србија (37 евра). (more…)

Продолжи со читање

Останато

Harvard Business Review: Просечната возраст на основачот на успешен старт-ап е 45 години

Објавено

на

Постои силно верување дека најуспешните претприемачи се млади. Бил Гејтс, Стив Џобс и Марк Зукерберг беа во своите рани дваесетти години, кога започнаа со работа и иновации што ќе станат светски компании. Дали овие познати случаи се одразуваат на генерализирачки модел?  Ако ги анализирате основачите кои добија награди од TechCrunch во текот на последната деценија, просечната возраст за време на основањето беше само 31 година. За луѓето избрани од списанието Inc како основачи на најбрзо растечките стартапи во 2015 година, просечната возраст на основачот беше само 29 години. Во согласност со овие сознанија, Пол Греам, соучесник на Y Combinator, еднаш потсети дека “пресекот во главите на инвеститорите е 32 години … По 32 години, тие почнуваат да бидат малку скептични”. Но, дали овој став е точен? (more…)

Продолжи со читање

Останато

Зголемување на иновативните активности кај малите и средните претпријатија

Објавено

на

Во Македонија имаме зголемување на иновативните активности кај малите и средните претпријатија и сме во рамки на просекот на ЕУ. Фокусот е ставен на малите и средни претпријатија без да се земат предвид и микро претпријатијата. Заостануваме прилично многу од европскиот просек во делот на инвестициите во иновации, истражување и развој.

Ова денеска го изјави Андријана Богдановска од Центарот за управување со знаење од Македонија по отворањето на меѓународната конференција на проектот „Ино платформа“. Проектот е финасиран од Европската унија преку Интерег програмата насочен кон подобрување на иновативните капацитети на малите и средните претпријатија. Проектот трае 24 месеци, почна во август 2017 година и ќе трае до август 2019 година.

Појасни дека конференцијата ја организираат на половина од проектната имплементација со цел да ги споделат нивните резултати во делот на истражувањето на националниот контекст и потенцијалот за иновации на земјите кои припаѓаат на Балканско-медитеранската област – Македонија, Кипар, Грција, Бугарија и Албанија. Во исто време ги претставуваат бета верзиите на нивните ино алатки, кои се специјално фокусирани за мали и средни претпријатија.

– Целото наше истражување заврши со пет бета алатки: Ино финансии, Ино партнер, Ино стратегија, Ино модел и Ино проект кои специфично ги адресираат овие проблематични области на делување во однос на иноватовните акативности кај самите мали и средни претпријатија и овозможуваат тие да се надминат за да имаат успешна имплементација на иновациите внатре во организациите, рече Богдановска.

Таа информира дека дел од нивните заклучоци се оти во Македонија имаме добра макроекономска политика во однос на другите земји во регионот, а структурата на деловниот сектор најмногу е насочена кон малите и средните претпријатија бидејќи, како што рече, тие доминираат во целото милје на претпријатијата во економијата.

Според неа, потребни се повеќе инвестиции кои веќе се прават преку владините инфраструктури.

– Оваа Влада сепак направи голем напор во зголемување на инвестциите во нашите домашни претпријатија за иновативни активности. Треба создавање посериозна инфраструктура, која ќе ги поддржи овие мали и средни претпријатија. Постоењето само на Фонд за иновации не е инфраструктура и покрај тоа што тие имаат навистина многу интензивни активности во овој период, смета Богдановска.

Министерот без ресор задолжен за регулатива за подобрување на инвестициската клима за домашните претпријатија Зоран Шапуриќ изјави дека во 2017 година за шест пати се зголемени буџетските средства за поддршка на иновативност и на индустриското производство.

– 7% и 5% од корисниците на овие мерки се токму малите и средните претпријатија. Малите и средните претпријатија дадоа сериозен придонес во еконмскиот раст, во пораст на индустриското производство кое е за шест отсто повисоко годинава од минатата година, но, и до пораст на извозот за околу 13% до 14%, што покажува дека овие мерки сигурно даваат одреден резултат, рече Шапуриќ. Најави дека во иднина, во рамки на определбата на Владата, овие мерки ќе се надоградуваат.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange