Connect with us

Колумни

Вашиот ПИН, Ве молам!

Објавено

на

Добро бе луѓе, до кога мислите да си ги кажувате пиновите од вашите картици на глас пред сите на каса? Дали некогаш воопшто сте размислиле колку самите вие придонесувате за можна злоупотреба на вашите платежни картички?

 

  1. Сега во мода се бесконтактните картици, банкарите на големо ги промовираат и нудат на клиентите, вршат бесплатна замена на обичните чип картици со бесконтактни, демек овие понова технологија полесно се плаќа, а уствари приказната е дека банките “лапаат” поголема провизија ако таква картица пројде на нивни ПОС терминал (interchange fee). И така, бројот на бесконтактни картици расте (според податок на НБРМ заклучно со јуни 2017 во Македонија има вкупно 357.300 картици).
  1. Освен картиците, банките ја модернизираат и базата на ПОС уреди со тоа што и нив ги заменуваат да читаат бесконтактни картици за да може овие 357.300 картици да функционираат во државава. Така, картиците од брендот Mastercard можат да плаќаат до 750 МКД без внесување на ПИН, додека Visa се малку полиберални и кај нив бесконтактните плаќања се до 1.100 МКД. Може да се плаќа бесконтактно (само со доближување на картичката) и над овие износи ама тука треба да го внесеш ПИН-от. Иначе, износиве погоре важат само за Македонија, ако одите во странство сигурно е друг максималниот износ на бесконтактно плаќање без внесување на ПИН, бидејќи Mastercard и Visa го дефинираат овој износ различно за секоја земја според одредени карактеристики кои ги анализираат. НБРМ си води статистика за се па видовме дека во Македонија заклучно со јуни 2017 има 13.551 бесконтактни уреди.
  1. По дефиниција, бесконтактните картички можете да ги користите секаде каде што ќе забележите некој од симболите за бесконтактно плаќање, ама не е се така лесно како што изгледа. Бесконтактните картички се широко прифатени кај голем број трговци (ресторани, кафулиња, бензински станици, продавници од секаков вид, супермаркети и на многу други места)…ама сите знаеме каква борба е со некој вработени прво додека му објасниш на продавачот дека картицата е бескотактна, па он ти намига ко демек уживај знам и пак ти ја тера по старински метод со читање на чип и внесување на ПИН. Абе, а што се деси со бесконтактното плаќање…уживај вака сигурно е, што ти мења 10 секунди плус (тебе ако не ти мења мене ми мења, башка не сакам да го внесувам пинот кога имам опција да не го внесувам).
  1. Да ги искараме малку и банките, дека не е се кај нивните вработени совршено па многу често се дешава само да им го тупнат ПОС уредот у некој маркет или кафиќ па друже знаеш ти како се користи…Да, да уживај (а, поима нема). И после не знаеле вработените бесконтактно да ти поминат трансакција – па како ќе знаат! Тоа ти е исто како да те стават у шанк и да ти речат знаеш како се прави кафе, на маса 2 имаш две макијата и едно нес нематено. АПЕЛ, кога се носи ПОС уредот на локација да се направи соодветна обука на тие што ќе бидат затекнати на лице место, како да го користат уредот, дупликат, сторно, како да провери историја на трансакции, контактна бесконтактна, плаќање на рати итн…за да немаме мака после ние клиентите со објаснување. Оставете упатство едно да се потсети ако подзаборави зошто кај нас ПОС се користи само кога нема кеш…зошто нели кеш поевтино е малце, поготово на Пластичарска стрит 🙂
  1. Искрено, тоа со ПИН-овите и кажувањето на глас ми е смрт. Абе да не се мрдне на каса или било кај да подаде рака да го внесе ПИН-от ако веќе мора туку се дере на глас ко демек само он/а плаќа со картица и си го кажува ПИН-от за касиер-кава/продавач-ка да го внесе. Леле, што сакам да ја заборави така картицата па да почнат да стигаат СМС пораки со трансакции (ако користи СМС нели, дека тоа скапо е дури 50-60 МКД), па да се чуди после што се десило. А исто е многу јако и тоа со каблите…мислам дека со ПОС уред идат најкратките можни кабли што постојат, па за да платиш во некој маркет на пример (еве Џамбо ќе го земам сега актуелен е пред НГ) треба прво да се претвориш во касиер, да влезеш кај што седи за да го внесеш нормално ПИН-от или ти го вади уредот на лента и ПИН-от внесување на ачик пред сите да го видат кој е, може и на некој видео бим оди пренос за ако случајно некој не видел…ДЕЧКИ, побарајте си ПИН падови да може како луѓе да си внесуваме ПИН-ови и никој да не ги гледа. Ќе рече некој па нека плати бесконтактно – ама оди да те видам купи у Џамбо до 750 МКД нешто.
  1. Се радувам кога ќе ја подадам картицата и таман да кажам дека е бесконтактна (зошто сум навикнал повеќе да не знаат, отколку да знаат да ја користат таа можност) оп веќе отиде трансакцијата без ПИН без ништо, СМС порака титка на мобилен успешна трансакција…јас ВООДУШЕВЕН – човеков знае за бесконтактна технологија WOW. А, реално нема некоја филозофија во тоа никој учен не се родил сите сме почнале од исто и сме учеле одредени работи во животот, зависи кој што го интересирало.

НАРАВОУЧЕНИЕ: Бесконтактната технологија е супер, немам ништо против ама мора да имаме стратегија на ниво на банкарски сектор и на ниво на држава дека како таква ќе ја развиваме. Прво, да ги користиме ПОС уредите, не да даваме попуст ако плати некој во кеш зошто така сите губиме, после тоа да се научиме како се користат картиците наједноставно, да знаеме кои дополнителни услуги да ги користиме од нашата банка за да се заштитиме (eBanking, mBanking – за да провериме одма резервации, СМС – за да ни стигне одма порака дека сме купиле нешто па дури и да не сме купиле ништо ќе ни каже дека некој ни ја користи картицата без наша дозвола, ако картицата има 3D Secure да знаеме какви се заштити ни носи тоа…итн. Јас искрено нигде не сум видел некоја работилница, обука за користење на бесконтактна технологија на картици или па нешто уште по advanced што е, а, ни треба, верувајте. 

 

И на крај, но не најмалку битно да читаме кориснички совети и совети за заштита од злоупотреба бидејќи ако нешто се деси непосакувано после е касно, долга е процедурата и носи многу нервози…а, ние секако ја обвинуваме Банката – нема самите себеси да се обвинуваме, а реално најголем дел од вината е кај нас.

 

До следната колумна, Ве поздравувам…

 

(Филип)

 

Колумни

Клиент заглавен во експозитура на банка

Објавено

на

Стануваш наутро и сфаќаш дека денот нема да тргне на добро. Навиката ти вика користи мобилна апликација и плаќај што сакаш. Реалноста ти вика за тоа да го направиш мора да одиш да си ставиш пари на сметка. Стигаш кај најблиските банкомати, сфаќаш дека картичката што овозможува да ставиш пари од банкомат е истечена.

(more…)

Продолжи со читање

Колумни

It’s a Digital, Digital world!

Објавено

на

Да, ова е дигитален свет и иако не се родивме во таков, дефинитивно ни годи!

Добар дел од компаниите и брендовите во денешницата се создадени на овој фронтиер и се пред своето време, друг дел одлично се адаптирани, но постојат и оние кои не се снаоѓаат најдобро во истиот. Затоа одвојте дел од вашето скапоцено време, за да позборуваме за социјалните медиуми и дигиталниот маркетинг.

Ќе почнам со најинтересното и воедно најкрупното нешто кое ни се случува – социјалните медиуми. Колку и што од можеме да добиеме од нив?

Имено, на почетоците од мојата кариера со малку искуство, малку познавање на графички дизајн, малку контакти, но многу желба и идеи, социјалните мрежи беа „тука за мене“. Ми понудија начин да експериментирам во комуникацијата со различните целни групи. Открив многу интересни модели на однесување на публиката. Сето ова ме чинеше само: интернет, струја и некоја кутија цигари… Тогаш, да бидам искрен не замислував дека од оваа социјална мрежа ќе се роди цела индустрија и ќе биде еден од водечките канали застапен во буџетите. За мене на маркетинг тронот се уште беа традиционалните медиуми и пристапи. Но, еве после 10 години сум горд застапник на социјалните мрежи и дигиталните комуникации и тврдам дека нивното време допрва доаѓа.

Последните 6 години сум во автомобилската индустрија во која маркетинг буџетите драстично се намалија во изминатите 8 години. Слабата продажба и увозот на користени автомобили, значително ја отежнаа работата на луѓето и агенциите задолжени за маркетинг. Социјалните мрежи во овие „кризни времиња“ се покажаа како секирче на мраз за да се продолжи качувањето нагоре.

Секој корисник на различна социјална мрежа има различна природа или е од различен вид. Така на пример, ако го земеме просечниот корисник на најпопуларната мрежа Facebook, тој се карактеризира со потреба да му се обратите лично. Затоа ги имаме оние коментари како „cena?”„ima 38?“… Ова од вас бара поголема посветеност и ресурси, но од друга страна овозможува директно да допрете до корисникот од овој вид. Со последните новини кои овозможуваат на секој коментар да одговорите во приватна порака, апсолутно се подобрува директното обраќање и ви се овозможува на корисникот да му дадете “tailor made” понуда. Социјалните мрежи, како и корисниците се жива материја. Тие се менуваат регуларно. Она што допрва доаѓа и ќе се покаже „поживо“ од било што друго е Вештачката интелигенција. Иронично нели?

Останатите новини коа беа воведени конкретно на Facebook во последните години како Instant Articles го задржуваат корисникот на мрежата дури и кога тој мисли дека веќе излегол. Апсолутно сите истражувања покажуваат дека користењето на социјалните мрежи расте и дека порталите т.е. веб страните се борат за 30 до 60 секунди внимание кое корисникот би го потрошил на нивниот сајт и веднаш би се вратил да “скрола“ на мрежата. Ова е уште еден факт за исплатливоста на инвестицијата во платен маркетинг на социјалните мрежи.

Но, внимавајте, во буџетот секогаш да предвидите микс од Онлајн, Дигитални и Социјални медиуми. Бидејќи со дедицирање на целиот закуп само на социјални медиуми ризикувате да не добиете доволна ПР поддршка кај веб страните кои се од интерес за вашата целна група.

Друго на што морате да обратите внимание се „синовите и ќерките“ на Социјалните мрежи, т.е. таканаречените Инфлуенсери. Оваа категорија оди чекор понатаму во онаа директна комуникација и потреба за идентификација на корисниците. Да, луѓето се идолизирани и чувствуваат дека тоа можат да бидат и тие и дека тоа е нивен “cool” пријател.

Инфлуенсерите добиваат многу поголем reach во последно време особено во Македонија поради неколку факти:
Прво, по целиот скандал од бастионот на “fake news“ во светот, Титов Велес по старо, Трампов Велес по ново, Facebook значително го ограничи и го скрати reach-от на сите Facebook страни кои доаѓаат, се водат, или на било кој начин се поврзани со Македонија;
Второ, множењето на медиуми во просторот и социјалните мрежи кои ни ги донесе политичката нестабилност и политичката пропаганда, се оформија и зрачат многу медиуми кои не постојат за целта на реално, критичко известување, туку за други помалку или повеќе познати цели.

Трката за број еден социјална мрежа почнува да биде густа меѓу Facebook и „посинокот“ Instagram. Иако по број на корисници можеби доминира Facebook, во поглед на опфатот и ефектот на пораките Instagram со воведувањето на опцијата Stories, како да доби силен ветер во грбот и брзо гази напред.

Во некоја друга прилика, ќе ги споменеме и останатите социјални мрежи, некои успешни стратегии, како и моќните SEM, Programmatic и слично.
Морам да одам, имам некои постови и кампања за одобрување…

Извор: marketing365.mk

Продолжи со читање

Колумни

Банки без филијали се банки на иднината

Објавено

на

Во Европската унија лани бројот на банкарски филијали се намали на вкупно 189.270 или 9.100 помалку за само една година. Само за споредба во 2008 имало 237.700 филијали што значи дека за само една деценија бројот на филијали во ЕУ се намалил за над 47.000. (more…)

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange