Connect with us

Анализи

АНАЛИЗА: Колку банките во Македонија користат социјални медиуми?

Објавено

на

Голем дел од банките во Македонија се’ уште се мошне претпазливи кога станува збор за ангажирање и користење на социјални медиуми, додека останатите ги истражуваат иновативните начини и применуваат разни тактики со цел да го постигнат посакуваниот ефект.

Модерното време им налага на банките кога размислуваат за својата иднина, да не ги игнорираат социјалните медиуми. Заклучно со јануари 2017 година, приближно 2.8 билиони луѓе ширум светот се активни на социјалните мрежи, согласно Digital in 2017 Global Overview извештајот од “We Are Social” и “Hootsuite“. Ова претставува зголемување од 21% или дополнителни 482 милиони активни корисници, анализирано во текот на изминатите 12 месеци. Согласно податоците вклучени во извештајот, просечниот корисник на социјалните медиуми дневно поминува 2 часа и 19 минути.

Додека некои банки сѐ уште ја држат главата во песок, многумина сфаќаат дека социјалните медиуми фундаментално го менуваат начинот на кој комуницираме. Социјалните медиуми во поново време се примарен канал преку кој потрошувачите комуницираат со инвеститорите и вработените, односно споделуваат информации во денешниот дигитален свет. Доколку банките не се присутни на социјалните медиуми, тие пропуштаат неверојатна можност. Исто како што потрошувачите ги споделуваат мислењата за рестораните и хотелите онлајн, исто така, тие објавуваат искрени мислења за финансиските производи и услуги. Споделените мислења се исклучително јавни и главно водени од личното искуство на корисникот.

Една од компаниите во Македонија која во своето работење целосно го има имплементирано користењето на социјалните мрежи, со преку 201.6 илјади следбеници на Facebook и 22.8 илјади следбеници на Instagram е Grouper.mk.

Користењето на социјалните мрежи од бизнис аспект денес веќе не е избор, туку е “a must”. Дури 63% од потенцијалните клиенти кога пребаруваат некаков бизнис онлајн, најпрво го прават тоа на еден од социјалните медиуми. Маркетингот на социјалните мрежи помага за валидизација на брендот. Присустноста на компаниите на социјалните мрежи, доколку се реализира на правилен начин, е еден од најдобрите методи за да им покаже на вашите клиенти дека вашиот бренд е активен и фокусиран на комуникација со клиентот. Понатаму, маркетингот и користење на социјалните мрежи од страна на брендовите може да ја зголеми лојалноста на клиентите. Покрај ова е еден од најбрзите и ефикасни начини за пренесување на информацијата до клиентите. Исто така, голем бенефит се и многуте метрики кои ги нуди овој начин на маркетинг, преку кои најбрзо ќе ги измерите резултатите и ќе извлечете заклучоци за понатамошни стратегии.” – вели Ива Трембелиева, специјалист за дигитален маркетинг во Grouper.mk

Официјални Facebook профили на банките во Република Македонија:

Шпаркасе Банка Македонија  40.6 илјади likes 

НЛБ Банка  38.1 илјади likes

Стопанска банка АД Скопје  69.4 илјади likes

Охридска Банка Сосиете Женерал  2.1 илјади likes

Халкбанк АД Скопје  19.1 илјади likes

ТТК Банка  2.2 илјади likes

УНИБанка  11.5 илјади likes

Централна Кооперативна Банка  4.2 илјади likes

Народна банка на Република Македонија  6.2 илјади likes

Капитал Банка  2.2 илјади likes

Еуростандард Банка  1 илјада likes

Силк Роуд Банка  4.7 илјади likes

Комерцијална банка – не користи официјален профил на Facebook

ПроКредит Банка – не користи официјален профил на Facebook

Стопанска банка А.Д. Битола – не користи официјален профил на Facebook

Помеѓу финансиските институции, Шпаркасе Банка Македонија преставува една од поактивните банки кога се во прашање социјалните медиуми. Оваа банка располага со речиси 41 илјади следбеници на Facebook и 1.1 илјади на Instagram.

Комуникацијата на актуелните понуди на Банката главно се спроведува преку употреба на традиционалните канали на комуникација, но во нашата маркетинг стратегија се поголемо и позначајно е присуството на дигиталните канали на комуникација преку користење на социјалните мрежи, интернет порталите, on-line пребарувачи и интернет каналите на Банката. Покрај актуелните рекламни објави и официјални информации, на нашите профили на социјалните медиуми се трудиме да пласираме објави со “engagement” содржина, како и да пренесеме важна порака преку прикажување на реализација на нашите CSR проекти рамките на „Sparkasse Life“ платформата.

Иако социјалните медиуми не бараат високи финансиски вложувања, сепак за нивно успешно управување е потребен постојан ангажман и посветеност. Бидејќи тие се еден од влијателните канали на комуникација, потребно е прилагодување на секојдневната комуникациска стратегија за да останеме доследни и интересни. Социјалните медиуми ни ја овозможуваат и „неформалната“ комуникација со нашите сегашни и потенцијални клиенти. Со нашата 24 часовна достапност ги споделуваме потребните информации и ги решаваме нивните забелешки, преку кои градиме релации на долгорочна лојалност и приврзаност кон брендот SPARKASSE. Особено значајни се релациите кои изминатите години успеавме да ги воспоставивме со помладите генерации и лицата на возрст до 35 години, што придонесе да бидеме избрани за најомилена банка помеѓу студентите и да го добиеме признанието STUBRAND за 2016 и 2017 година.

Ефикасното користење на социјалните медиуми може да придонесе кон остварување на бројни придобивки за компанијата. Покрај личното таргетирање на клиентите преку маркетинг кампањите, промовирањето на новите производи и услуги, една од најважните придобивки е директната интеракција со сегашните и потенцијалните клиенти. Доколку стратегијата за социјалните медиуми претставува соодветен микс на релевантни содржини, комуникација со пријателски тон и висока респонзивност на пораките, создавате маса на следбеници кои ќе го преферираат вашиот бренд, но не само поради вашите производи и услуги, туку тие ќе мислат и зборуваат за вашата компанија од позитивен аспект. Присуството на социјалните медиуми претставува важен и моќен ПР елемент, кој овозможува брзо ширење на информациите, но истовремено гради и долгорочни релации со широка популација.” – изјави Тодорка Сајкова, директор за Маркетинг и комуникации во Шпаркасе Банка Македонија.

Со едноставно објавување на содржини не завршува активноста на социјалните медиуми на банките. Постои огромна количина на содржини достапна онлајн поврзани со маркетинг на социјалните медиуми за банкарскиот и финансискиот сектор. Неопходно е да се анализираат сите достапни содржини од кои банките и финансиските институции воопшто можат да имаат огромен бенефит кои ќе го искористат за подобрување на стратегијата за маркетинг на социјалните медиуми.

Усогласеноста, безбедноста и приватноста се сеуште огромни предизвици за финансиските институции кога станува збор за социјалните медиуми. Од една страна, тие сакаат да ги исполнат барањата и потребите на нивните клиенти, особено помладите генерации кои се навикнати да прават сe онлајн. Од друга страна, банките треба да го прават она што се очекува од регулаторна гледна точка. Притоа, истражувањата велат дека за 50% се поголеми шансите да се споделат лоши искуства на социјалните медиуми отколку добри. За институцијата важно е да се реши проблемот пред пораката да биде прочитана од 10.000 корисници на социјалните медиуми.

Ова е причината зошто повеќето институции имаат креирано Фејсбук, Инстаграм, Твитер, Јутјуб или дури социјални профили, но сеуште не им дозволуваат на клиентите да вршат плаќања или да ги проверат своите салда на тие мрежи. Наместо тоа, тие ги нудат овие страници за да едуцираат, да обезбедат помош и да одговорат на прашања од клиентите во реално време.

 

Анализи

Референдумот и влезот во ЕУ ќе влијаат врз каматите на кредитите

Објавено

на

Откако Народната банка ја намали основната каматна стапка се очекува да дојде и до намалување на каматните стапки кај депозитите и кај банкарските кредити. Ликвидноста на банкарскиот систем е голема, а парите ќе мора да се пласираат во кредити за правни и физички лица. Банкарите забележуваат раздвижување во нивниот сектор и актуелно се бараат добри проекти за финансирање.

(more…)

Продолжи со читање

Анализи

Влијанието на Brexit врз банките во Велика Британија и САД

Објавено

на

Со месеци менаџментот на банките зборуваше за ограничувања поврзани со валидноста на нивните операции како последица на излезот на Велика Британија од Европската Унија. Менаџерите издадоа предупредувања за можностите за отпуштања во нивните лондонски канцеларии заедно со некои екстремни предупредувања за релокација како излез може да ги загрозат нивните европски операции.

Иако Brexit директно и индиректно влијае на изгледите на банките во САД, исто како и повеќето планови за прекин, оваа поделба може да потрае и пред целосното влијание да стане јасно.

Долго пред да има индикации за вонреден настан во кој Велика Британија всушност излегува од Унијата, банките во САД, како што се Банката на Америка и Ситигруп, веќе можеа да ги почувствуваат заканите од различни фронтови.

Иако можеби би помислиле дека претходните предупредувања од банките биле претерани, нема сомневање дека откако се активираше постапка за излез, банките ќе бидат принудени брзо да ги реструктуираат своите операции. Штом Велика Британија ќе одлучи да се повика на член 50 (кој се активираше на 28. март 2017 година), ќе има две години да преговара за условите на распадот.

Американските банки се принудени да го преиспитаат постоењето на нивните лондонски канцеларии. Со цел да се продолжи со усогласување на европските закони и финансиските регулативи, банките на САД кои работат во регионот на крајот ќе алудираат на можноста или да ги преместат менаџерите или да направат промени во нивните правни структури, или и двете. Дополнително, постои особена загриженост за перспективите на банкарите, трговците и вработените кои се државјани на Европската унија.

Економијата на САД стана многу почувствителна за надворешните ризици. Економистите во Банката на Америка, ги намалија своите прогнози за раст на БДП на САД за 0,2 процентни поени во текот на следните шест квартали по гласањето во Велика Британија. Со оваа глобална зараза по референдумот во Велика Британија, американскиот раст би можел да биде изложен на ризик и намалените очекувања на БДП би можеле да се претворат во ограничување на барањата за кредити и враќање на пазарите на капитал и да ја потиснат клиентската активност.

Како последица на тоа, активноста на банките може да страда, бидејќи глобалните последици од Brexit создаваат огромна неизвесност. Веројатноста за објавување на договорите, особено во Европа, може да се забележи екстремно забавување и да влијае врз заработката на банките на почетокот од следната година. Покрај тоа, предвидливо е и забавување на фиксниот приход.

Гласањето на Brexit и неговите последици не само што се заканија дека ќе го нарушат деловниот циклус, туку ги ставаат на ризик изгледите за зголемување на стапката. Во средината на оваа бура, централните банки низ целиот свет ќе треба да ја разгледаат оваа неизвесност кога дебатираат за монетарните политики.

Што се однесува до Банката на федерални резерви, кревкоста на глобалната економија и забавувањето во САД, зголемувањето на стапките е многу помалку веројатно сега. Централната банка се очекува да застане додека не се постигне финансиска стабилност. Дополнително, по превирањата во првиот квартал и гласањето за Brexit , намалувањето на каматните стапки може дополнително да ги притисне маргините, што не би било добро за банкарската индустрија. Намалувањето на трошоците ја ограничува способноста на банките да ги зголемат нето каматните маржи и оттаму нивната вкупна заработка.

 

 

Продолжи со читање

Анализи

Еврозона: што тоа значи и кои се условите за влез?

Објавено

на

Еврозоната е географски и економски регион кој се состои од земји во Европската унија (ЕУ) кои целосно го инкорпорираат еврото како нивна национална валута.

Од 2018 година, еврозоната се состоеше од 19 земји во ЕУ: Австрија, Белгија, Кипар, Естонија, Финска, Франција, Германија, Грција, Ирска, Италија, Латвија, Литванија, Луксембург, Малта, Холандија, Португалија, Словачка, Словенија и Шпанија.

Еврозоната е една од најголемите економски региони во светот, а нејзината валута, еврото, се смета за една од најликвидните во споредба со другите. Валутата на овој регион продолжува да се развива со текот на времето и зазема поистакнат став во резервите на многу централни банки.

Во 1992 година, земјите што ја сочинуваат Европската заедница (ЕК) го потпишаа Договорот од Мастрихт, со што се создаде ЕУ. Создавањето на ЕУ имаше неколку области со големо влијание – тоа промовираше поголема координација и соработка во политиката, општо земено, но имаше одредени ефекти врз граѓанската, безбедносната и одбранбената политика и економската политика.

Во однос на економската политика, Договорот од Мастрихт имаше за цел да создаде заедничка економска и монетарна унија, со централен банкарски систем (Европската централна банка (ЕЦБ)) и заедничка валута (еврото).

Со цел да го стори тоа, Договорот повика на слободно движење на капиталот помеѓу земјите-членки, кој потоа прерасна во зголемена соработка меѓу националните централни банки и зголеменото усогласување на економската политика меѓу земјите-членки. Последниот чекор беше воведувањето на самото евро, заедно со спроведувањето на единствена монетарна политика, која доаѓа од ЕЦБ.

Исто така, воведоа критериуми за конвергенција, или барања што треба да ги исполнат земјите за да го користат еврото како валута. Според CNN, овие вклучуваат

  1. Ограничувања за буџетски дефицит и јавен долг,
  2. Стабилност на девизниот курс,
  3. Стапки на инфлација во 1,5% од 3 земји на ЕУ со најниска стапка, и
  4. Долгорочни каматни стапки во рамките на 2% од трите најниски стапки во ЕУ.

Следната држава која ќе се обиде да влезе во еврозоната е Бугарија. Но претходно треба да ги исполни горенаведените услови, во малку модифицирана форма:

  1. Програма за супервизорски реформи и зајакната соработка со Европската централна банка;
  2. Планот, исто така, значи дека нема да може да влезе во механизмот на девизниот курс, додека нејзините банки немаат усвоено сеопфатен тест за стрес и преглед на квалитетот на средствата од страна на ЕЦБ;
  3. Зајакнување на надзорот на небанкарскиот финансиски сектор;
  4. Целосно да ги спроведе правилата за спречување на перење пари на ЕУ.
Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange